Matthew 12:50 - Ohiatonhseratokénti

⁵⁰ Aseken onkakiok enthonȣanikonraierite ne Rakeniha ne Karonhiake thenteron, neh tohiken onkiatatekenha, oni onkia tennosenha, oni akenistenha.

Neh Nase Tsi Shokȣatakȣen 1880 (4 Gospels by Joseph Onasakenrat)

⁵⁰ Aseken onkakiok enthonȣanikonraierite ne Rakoniha ne Karonhiake thenteron, neh tohiken onkiatatekenha, oni onkia tennosenha, oni akenistenha.

Matthew 12:50 ပူးပေါင်းရင်းမြစ်များ

Psalms 22:22

Kwáh enkheró꞉ri ne sahsénhna ne iakwahthatekenokónhas ó꞉ni ne iakwahtenoshoʼokónhas; raothinenhríhen ne iakoterénhnaien tsi tenkonrénsaron:

Song of Songs 4:12

Tsi kahétaien kanientaron nakorihwáke iatiatenosénha akoʼriwáhke, atsikéta, tsi kahétaien kanientaron, kaʼron tsi tionékote.

Matthew 12:49

Nok iahatsiatate tsinonkati ne raotiokȣa, ȣahenron: neh kehiken akenistenha, neh oni teiatennontere.

Matthew 13:1

Ok neh sahenniserat satontahaiakenne ne Iesos kanonskon, kaniatarakta sahatien.

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

Matthew 25:40

Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.

Matthew 25:45

Tentesakoȣennaȣeron, enthenron: Oriȣiio tsi kȣarori tsi iah enskatha eh teietsiiatierase enskat ne niiakasa, iah ki oni nii eh teskȣatierase.

Matthew 28:10

Ethone ȣahenron ne Iesos: tosa seniteronn; ȣasene, nok ietsirori nonkȣatatekenha Galile niiehonne ethononȣe ientsionkhen.

St. Mark 3:35

Aseken onka kiok enhonȣanikonraierite ne Niio, neh onkiatatekenha oni akenistenha enȣaton.

Luke 8:21

Tontasakoȣennaȣeron, nok ȣahenron: neh ne ronȣaȣennarakȣa oni ronȣaȣennanoronkȣa ne Niio neh Akenistenha oni akatatekenha.

John 15:14

Onkȣatenro enkenhake neh nenseȣaiere tsini kȣannhas.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

John 6:29

Tontahenron ne Iesos: kenh kaien rariȣanontons ne Niio: ahontatsiseȣeȣetakȣe ne totorion.

John 6:40

Kenh oni natehotonȣentsioni ne thakatennieton; tsiniiakon enhonȣanoronkȣe entiaketakȣe oni raosennakon ne thotennieton Karonhiake aiontsennonni, nok ensekheionnhete nonaken tsi teȣenniseronte.

Acts 17:30

Ne Rawenni꞉io thatesakokánerakwe tsi náhe ne ónkwe iáh tehonwaienterí꞉ne, nók kíʼ nónwa ónen roriwíson kwáh ratikwékon tsik ʼnonwésons ne tahonsahontʼkaraténi tsi nihatiweienʼnák꞉sens.

Acts 26:20

Tontsérente nehne Damascus nónwe etʼthóhne Jerusalem non etʼthóhne kwáh kanakeraserakwékon ne Judeaʼronon꞉ke tánon tsi nowéson ne iáh tehatiʼsitaeʼró꞉nons, wakhehiateriwanótʼtase tsi ónenk tsi ensontatʼréwate ne rahothiriwanerahákʼtseras tánon Ni꞉ióʼne nókwa niehónne tánon thóh nihatí꞉ier tsi ronnèʼnest tsi shonatatʼrewáton.

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

1 Corinthians 9:5

Iáh ontèhken tewahtianerehseráien nákʼsere tsi tahontakhehiatenienténsʼthe ne rohnáhtiakes ne ronteriwahnótʼthas ó꞉ni ne Roiá꞉ner rontakekenhokónhas tánon ne Tiér, tsi hiakhehiaténhawe ne Iakoriwiʼióston tehiakeníteron tsi tekatahákwahs?

2 Corinthians 11:2

Kwáh í꞉ken tsi teiohnó꞉tes tsi ní꞉ioht tsi tewakaʼnikónhrare ní꞉se sewarihwà꞉ke. Nakenoronhkhwátshera tho nitiótte tsi kiʼ nihianorónhkhwa ne Rawenni꞉io. Tewakatonhontsó꞉ni ne iaisewatahsón꞉teren, kwáh ne khók ne aisewarihwatokénhake tsi nonkwa ne Ié꞉sos Kerístos. Kwáh tsi ní꞉ioht ne iakón꞉kwe tsi iakorihwató꞉ken tsi nonkwá ne rón꞉kwe ronwaraʼsestén꞉ni tsi enhotí꞉niake, tánon ó꞉ni shé꞉kon iáh teienahkwaienté꞉ri tsi niió꞉re iaiakó꞉niake.

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Galatians 6:15

Kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh; nók nahóten ne iorihowánen tsi áse tiakotónʼon.

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

1 Timothy 5:2

neh tiotíʼions tsi neh ní꞉ioht ne ieʼtsinisténa akénhake, onh ne kenʼnitiotiʼiónsas tsi ní꞉ioht ne sewahtenoséha akénhake kwáh sewerhiasakwekon akénhake.

Hebrews 5:9

Tsi ónen watatónkothe, raónha ne kashatsténshera waháton ne ionnhehónwe kaiatahkeʼnhátshera né꞉ne tsi niiá꞉kon nenhonwahwénnarahkwe,

1 Tiér 4:2

Kwáh kén꞉en ienwatásawen, ne káti, kwáh tehiotonwentióʼon tsi nikaríwes sékon ne kén꞉en ohontsiáke ensónnheke nehne Rawenni꞉io rahonikónra ahontesaniarhótarohke tánon iáh neh tsi nahoténsons nonkwesónhas tehiakotonwentiónni.

1 Sawátis 2:17

Tsi nahoténsons ne ónkwe hionskanékta tsi nihioteriwatiéren tsi ionwentsiáte kwá neh wathohestákwa; nók tsi niʼiákon nen thonwanikonraiérite ne Rawenni꞉io tsi neh nénwe eniakónnheke.

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.