Matthew 12:18 - Ohiatonhseratokénti

¹⁸ Iahiiatori nakennhatsera, ne riiatarakȣen rinoronkȣakoȣa neok oni ȣakonȣeskȣata; enhiion nakenikonra, neh ensakorori ne Niio raonakerasera nʼon-kȣeokon.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁸ Iahiiatori nakennhatsera, no riiatarakȣen rino-ronkȣakoȣa neok oni ȣakonȣeskȣata; enhiion nakeni-konra, neh ensakorori ne Niio raonakerasera nʼon-kȣeokon.

Matthew 12:18 ပူးပေါင်းရင်းမြစ်များ

Psalms 89:19

Waʼsathotási tánon wahsehthá꞉rahse ne rotirihwaʼtó꞉kenʼne sanhátsheras ne waʼhónhnise tkènʼne, tánon waʼshí꞉ron: “Wahiʼiénawaseh ne rasenhnowá꞉nen raterí꞉ios; waʼhiʼianitskwahrá꞉tsheron tsi nikáien nónkwe ronwaʼiatará꞉kwen.

Isaiah 11:2

Ne raonikonratokentítshera ne Roiá꞉ner kwáh enwatorihsénhtaʼne rahonháke, noʼnikónra ne atʼthokhátshera ó꞉ni ne kanikonraienthátshera, nonikónra ne katsenhaientátshera ó꞉ni nontiérent, nahonikónra náttokhátshera tánon nahonwatshaʼnísehke ne Roiá꞉ner.

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Isaiah 52:13

Sewatʼkátho, nakenhá꞉tshera kwáh kí enhohʼianerásthen; kwáh enhonwasenhnakaráthaʼte tánon enhonwahiatakaʼráhtaʼte, tánon kwáh í꞉ken tsi èhʼneken enkénhake.

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Isaiah 62:2

Né ronhnonhontsakeró꞉nons enhontʼkátho ne satesenhniétshera, tánon ratiʼkwékon ne rontiʼnontí꞉ios né saiatanerakwáhtshera; tánon kwáh osénhnase entiesahsénhnon né꞉ne tsi rasakáronhʼte ne Roiá꞉ner enthátkaʼwe.

Jeremiah 16:19

Saiá꞉ner, i꞉se ne teskè꞉nhes ó꞉ni teskáwis ne kashastsʼténsera; í꞉se tatienahwáse nónen ne thènen tekanikónhrahre. Nonhkweshón꞉a tsi iotonhontsiokʼthaníhon tsík nonhwéson nenthónne tánon enhiahiéron, “Hiaʼkhisotʼthonkonhkénʼen nék khók rotiʼiénthaʼkwe ne iáh tekonnónhneʼkwe niʼiohokónhas, ne kwáh iáh thènenh tekariwástha kahiatonnisónhas.

Zechariah 3:8

Shatahónshatat káti Joshua, i꞉se ne tsihenstowá꞉nen: ki shatahónshatat, i꞉se tánon ne sewahtenroshón꞉a ne kén꞉en skátke sehwenhtskó꞉ton, i꞉se ne tiónkwe ioiánere ne thé꞉nen iahisehwariwáhken: Enhihiathotáhsi nakhenhátshera, né꞉ne Onénhra ronwáhiats!

Matthew 12:17

Naontakaierite tsinihaȣen ne Rotokensehakȣe Isaï.

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

St. Mark 1:11

Ehoni takaȣenninekenne, ȣakenron: ise konhienha akȣekon ishaȣe nakenonȣesera.

St. Mark 9:7

Nok eh iotsikeraratie ȣahakorhoroke; nok eh takaȣenninekenne ȣaton: neneh Riienha Rinoronkȣa Koȣa; hetsiseȣaȣennarakȣak.

Luke 23:35

Etho oni kakenniotakȣe teiekaneronnion; oni ne ratikorasson tihonȣaieronhakȣe, ronton: Sakoiatakennhaon notiake: ratatiatakennha tanon nonȣa onen ne Keristos, oni Niio Roienha akenhake.

Luke 3:22

Nok Rotkon Roiatatokenti tahastsnente, ȣahotienhase, orite kenraken rotiatontakȣenhatie; etho oni takaȣenninekenne ȣakenron: I꞉se konhienha konnoronkȣa-koȣa; ise oni issaȣe ne katonȣeskȣata.

Luke 4:18

Iakenikȣekon ne Raȣenniio rahonikonra, aseken rakiatanoronston; neh ahoriȣa thakatorion nʼakherionnien ne iakotent, nok aonsakhetsiente niakaȣeriasanonȣaks.

Luke 9:35

Etho otsikerakon takaȣenninekenne ȣakenron; Neh kehiken ne Riienha Rinoronkȣa onȣe: Hetsiseȣaȣennarakȣak.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Acts 10:38

Sewateriéntare tsi nókwa ne Ié꞉sos Kerístos ne Nazarethro꞉non, tánon ó꞉ni ne Rawenni꞉io tsi nihohiatanorónston nikwékon ne Ronikonrarokén꞉ti ó꞉ni ne kaʼsatsténsera. Kwák tsikʼnonwéson niehawénon, ioʼiánere tsi nihotieránion ó꞉ni akwékon sesakotsientonhátie tsi nihiákon nehne iakotsenawáston nonesonrónon rahosatsténsera, Asèken nikwekón꞉ne ne Rawenni꞉io.

Acts 11:18

Neh sahónronke kí꞉ken, wahóntʼkaʼwe tsi ronwariwakwenníhakwe tánon wathonwanonwerónnion ne Rawenni꞉io, ronthónnionsʼkwe, “Ehʼthoh káti Rawenni꞉io tesakówi ne iáh tehatiʼsitaeʼró꞉nons kwáh ahonatesenʼnaiéntake nahonsahontatʼréwaʼte ó꞉ni nahonnónʼnheke!”

Acts 14:27

Hiahánewe ne Antioch, wasakothihiataróhroke nonkwesónha nononsatokentíke tánon wasakotiróhri tsi nahoténsons ne Rawenni꞉io wahsakohioténseron nahothihióten tánon ó꞉ni tsi nasakohahónnien ne iáh tehatiʼsitaeʼró꞉nons onhnaʼiáwenne nahontahonʼnétakwe.

Ephesians 1:6

Ánion theʼtsitewanonweráton ne Rawení꞉io tsi nihionerákwat ne rahoténrat, tsi kwáh iáh thènen tehiokaráien tsi nithesonkwáʼwi ne roiénha!

Colossians 1:1

Kór ki non nitiawé꞉non, ne tsi nithonikonriió꞉on ne Rawenni꞉io nahoteriwahnót꞉thase ne Kerístos Ié꞉sos, tánon ó꞉ni nón kwatatekénha Timothy nónhne non nitiawénon—

Colossians 1:13

Sesonkwaniakénton tsi nokwáhnahosasténhsera ne tetiò꞉karas onk kwáh skén꞉non tsi thontashonkwahiaténhawe rahonakeraserá꞉kon ne tsi nihonorónkwa ne Roiénha,

1 Tiér 2:4

Rahonháke ne Roiá꞉ner nontáse, neh iónnhe onén꞉ia neh꞉ne iakokenrataníʼon nonkwesónha ne iáh thènen takasthátonke nók Rawenni꞉io rohrákwen ne tsi nikaneniánóron.

2 Tiér 1:17

Thóh iákweskwe neh Rawenni꞉io neh Kanísera sontaháwen ne kakwenienstátsera ó꞉ni kahiatanerakwátsera, sahoʼiatórenne nowénna Ní꞉io꞉ne nónwe nontáwe ne Rohiatanerákwat, Watónnions, “Neh kí꞉ken ne kwá Í꞉i rinoronkwaʼónwe riʼiénha, rahonháke nónwe niwakatonnáhere!”