Matthew 10:28 - Ohiatonhseratokénti

²⁸ Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁸ Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok o-tsirake iaiotiiatonti.

Matthew 10:28 ပူးပေါင်းရင်းမြစ်များ

2 Kings 17:39

Ónenk tsi Í꞉i enskwahwénhnarakwe, Í꞉i ne Watiá꞉ner Sewaní꞉io í꞉ken, tánon kwáh kíʼ enskwahniákente tsi nòkwah ne tesewatátʼtsons.”

Job Tánon ne Raoronhiakensera 37:24

Ne kí aorì꞉wa nonkweshón꞉as ronwatsá꞉nis; iáh tesakokweniénstha ónhka í꞉ienre ionteʼnikonraʼtókha.”

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Ecclesiastes 5:7

Iáh tewatsʼterístha thóh ní꞉ioht tsi ahisahtétʼtsen, thóh ní꞉ioht ne iáh othénenh tekariwáhstha ahisahióten, tó꞉ka ó꞉ni tóh níkonh tsi ahsahtháti, shé꞉kon kíʼ tehiotonhwenhtióhon natskwéniensthe ne Rawenni꞉io.

Isaiah 51:12

Í꞉i, Í꞉i ne konhnikonranírats; nontiéren ká꞉ti tsi asetʼtshaníseke nonkweshónhas ronónha ónenk tsi ronhniheiónhsere, né nonkweshón꞉has ne ronatashokwénhnis tsi ní꞉ioht nóhonte?

Isaiah 51:7

Takwahtahónsatat, tsi nítsion ne sewateriéntare ne karihwakwarihshíonhtsheras; í꞉se ne tsiónkwe né sewáhawe nakerihonhnienʼnítsheras ne seweʼriá꞉nes; tó꞉sa ietsitshániset nonkweʼshónhas tsi nisakotiʼkenhrenhserón꞉nis nakorénshons, tánon tó꞉sa tasewanikónren nó꞉nenh enietsikenrenhserónhni ní꞉se.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Jeremiah 5:22

Í꞉i ne Watiá꞉ner; nonhtiéren tsi iáh teskhetsiánis? Nonhtiéren tsi iáh teshahiathisónkwa nakʼkénton? Wakenehsahronkóntion ne tahkawahnátʼte ne kaniatarahkheʼkówa, ne iahontkónhthaʼkwe tahontʼwáhnahke ne ne iáh tahónton tahkahiáiake. Ne kaniatarahkheʼkówah ne tahiowehrahtháse, ók iáh kíʼ tahónton ne iahonthóhetste; ne iononhthakwarontáties nahioronkathónhake, ók iáh kíʼ thahónthon ne iathakonnótʼkaweh.

Matthew 10:26

Tosa kati othenon seȣatsanisek. Aseken akȣekon niienȣatotasi ne iotaseton, oni niienȣaterihotasi tsinikon ne ioteriȣaseton.

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

John 5:29

Nok tsiniiakon entiakoriȣaieriton, neh tentieiakenstakȣe nonȣentsiokon ne Karonhiake iaiontaȣeiate; kenh kaien ne iah tetiakoriȣaieriton neh tentieiakenstakȣe nonȣentsiokon naiontetsirate onȣe.

Acts 21:13

Nók wahtariwaseráko, “Nisewatsérah, kíʼ ní꞉ioht tsi tesewasénthos ó꞉ni teskweriasarítha? Iáh nek khók tèʼken tsi wakatateweiennentáʼon nahionkʼnerénken ne Jerusalem nónwe nók kíʼ ó꞉ni ne kwáh thóh nónwe iakíʼheie ne rahoriwá꞉ke ne Roia꞉ner Ié꞉sos.”

Hebrews 10:31

Kwáh íken tsi ioʼteronkó꞉wa ne ronnhehonwe Rawenni꞉io raotiana aisewahiena!

Hebrews 11:35

Ne konnónkwe shahonwahtiʼiéna ne ronwahtinorónkwa ahotiwáhtsires tsi nó꞉kwa ne kenheiátne. Nók ne ronahtiakéson Rawenni꞉io ne ronwahniahéʼsen ók wahonwatironhiakénten, sénha ne tathiʼráhkwas nahonníheie tsi ní꞉ioht ne aʼhonwahtharóntienʼse ne Rawenni꞉io tánon ne aʼhonthatewení꞉ioke. Shonatonnhéton ahotiwáhtsires. Ne ronatiakhésons, iáh tehotiʼienà꞉on ne atatewenhnihiótsheras, karonhiakenserákon tsi wahonníheie iáh teʼiotónʼon nahonshahonwahtikhétskwen nahioianeréhake tsi ahonshahonnónnheke.

Ne꞉ne Sák Rohiaton 4:12

Rahónhaʼkhók ne Rawenni꞉io tatkáwas ne kaianerénsera ó꞉ni tehahiatorétha. Rahónhaʼkhók enhakwéni nahaniákente tánon ne ahathónte. Ónhka ónhte níhse ísere íken, ónkak akóren tasehiatórete?

1 Tiér 3:14

Nók kíʼ tóhkaʼ neh satkenrenseronniátha tsi neh sahióte ne ioiánere, thóh nisatáskat! Tóhsa ónhka setianísek, tánon tóhsaʼ tesatatenikonráren.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.