Matthew 10:19 - Ohiatonhseratokénti

¹⁹ Nok tanon nonen enhietsiiena, tosa teseȣatatenikonrharon tsi nahoten aeseȣenron, tsi oni naeseȣaiere tsi aoseȣatati: aseken enkȣaȣennon neh nonȣe nenkahaȣi.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁹ Nok tanon nonon onhietsiiena, tosa teseȣatate-nikonrharon tsi nahoton aeseȣenron, tsi oni naoseȣa-iere tsi aoseȣatati: aseken enkȣaȣonnon neh nonȣe nenkahaȣi.

Matthew 10:19 ပူးပေါင်းရင်းမြစ်များ

Exodus 4:12

Káti, ó꞉nen wáhs! Enhkonsniénon nahsatáti, tánon enkonró꞉ri nahó꞉ten ensíhron.”

Exodus 4:15

Enwáhton tahiʼsehniʼtháren tánon tsióri tsi nahó꞉ten ahénron. Kwáh tesehnitsaron enkeniʼiénahwaʼse nahiʼtsatáti, tánon kwáh tesehnitsáron enkeniró꞉ri tsi nahitsiátiere.

Jeremiah 1:7

Ók ne Roiá꞉ner wahakénhase, “Tó꞉sa tsíron tsi ken nithisahiónha, ók wáhs onhkwé꞉ne niaháse tsi niekonhiatórion, tánon orihwahkwékon sehróri tsi nikonhnáhon nahsíhron.

Jeremiah 1:9

Ethóhʼne ne Roiá꞉ner thontahatiáthate, skwentàhke iahaiéna, tánon wahakénhase, “Sahtahónsahtat, tkonhiáwis nohwenhnahshón꞉a nahshatáhtsiaʼte.

Matthew 10:18

Oni ii akerihonniat enhietsiiatenhaȣison rahotihenton ratikorason noriȣiio ahonnonni tsiki niiot nonkȣeokon.

Matthew 6:25

Nese ȣaonni kȣarori, katon: Tosa teseȣaterientarak tsi tsionnhe, tsinahoten enseȣake, tsi oni nahoten enseȣanekira; tsioni niȣaststane seȣaieronke, nahoten aeseȣatseronniate: iahken senha atonnhest tekanoron tsiniiot natennatsera, nok oni ne ieieronke tsiniiot ne iontseronniatha,

Matthew 6:31

Tosa kati tonseseȣanikonrharak, nʼaeseȣaton-heke: nahoten naha enhiakȣake? ok neʼsʼ, nahoten enteȣanekira? tokaʼsʼ oniken nahoten enteȣatseronniate?

Matthew 6:34

Tosa kati tonseseȣennikonrharak toh naiaȣenne tsi enhiorhenne; aseken enkene nenhiorhenne tsi nateiotonȣentsiohon; seȣenniseratson se ȣahi niiokȣeniatsera.

Luke 12:11

Nok nonen enhietsiiatenhaȣison tsi ronterennaientakȣanionkȣa, tehatiiatorethake, Ratikoranesson, tosa seȣateronn, oni aeseȣatennikonrisake nahoten aeseȣenron.

Luke 12:12

Aseken Ronikonratokenti hentsitsion tsinahoten enseȣenron neh nenkahaȣi.

Acts 6:10

Nók ne Ronikonratokénti tsi nikowánen natʼthokhátsera taháwen ne Stephen nónen enhatáti, iáh tehatikwéniensʼkwe ne tahontahonwahwennóko.

Philippians 4:6

Tó꞉sa thènen tesewathatenikonráren, ók oriwakwékon sewaterennahienthatsherákon tsi sewariwahnónhtons ne Rawenni꞉io tsi nahó꞉ten tesehwathonwenhtió꞉ni. Nónenh thènen iensewaterénnahien ne rahonháke, kwáh oriwí꞉io kénhak sewéneste tsi tentsisewahnonhweráhton.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.