Matthew 10:15 - Ohiatonhseratokénti

¹⁵ Oriȣiio tsi kȣarori tsi senha enhioteseroȣanaten neh nonȣe, tsiniiot ne Gomor oni ne Sodome nonen tontesakoiatoretane tsi nenseȣatonȣentsiarisi.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁵ Oriȣiio tsi kȣarori tsi senha onhioteseroȣanaton neh nonȣe, tsiniiot ne Gomor oni ne Sodomo nonen tontesakoiatoretane tsi nenseȣatonȣentsiarisi.

Matthew 10:15 ပူးပေါင်းရင်းမြစ်များ

Matthew 12:36

Nese ȣaonni kȣarori: tsi neh tonhiontatiatoretakȣe nonkȣe nʼonaken teȣenniseronte tsinikon tiakotati ne kaȣennaksen.

Matthew 5:18

Aseken kȣarori, ohenton naonsontonȣentsiarisi, iahtekonte tsi ienkaierite tsinikaiaton akȣa ok oni eh niiaȣensere.

Matthew 7:22

Kentiokoȣanen enhionkenhase nʼethone teȣenniserate: Seȣenniio! Seȣenniio! iah kenh naha ise tesasennakon tsi ionkȣatokensehakȣe? iah oni kenh ise tesasennakon tetsiakhiiatekȣatanion nʼonatkonse-raksens? iah oni ken ise tesasennakon niatekon ioriȣanerakȣatenion tsiniionkȣaieranion?

St. Mark 6:11

Nok nonka kiok iah tatenhietsiiarhotonnire, iah oni taietsiiataonsatate, saseȣarasitokef nonen tentiseȣatenti neh ȣatenientenstakon tsi enhionteriȣaketate. Oriȣiio tsi kȣarori tsi tikenha tsi nensakoteȣeiennatsaniten ne Sodom-ronon oni Gomor-ronon tsiniiot neh nonȣe nihatinakere nonen tentesakoiatoretana.

John 12:48

Onka enhakkenron iah oni tahataonsatate nakeȣennaokon; rahaȣe ne tenhoiatorete, ok neh nʼOȣenna ne ȣakerioȣanaton neh tenhoiatorete nʼonaken teȣenniseronte.

John 6:39

Kenh kati nihonikonroten ne Rakeniha ne thakatennieton: nene tosa othenon aonkatons tsinikon rakaȣi, akȣekon tanon aonsakheionnhete nonen enȣatenniserokten.

John 6:40

Kenh oni natehotonȣentsioni ne thakatennieton; tsiniiakon enhonȣanoronkȣe entiaketakȣe oni raosennakon ne thotennieton Karonhiake aiontsennonni, nok ensekheionnhete nonaken tsi teȣenniseronte.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

1 Corinthians 3:13

Tánon tohnahiohianeréhake ne tiehiatátʼtion ahiakohiotén꞉en enwehnéstonke nónen entewenniserátehke ne Kerístos enrénesthe. Asèken ne thóh entewenniseráteke ótsire enhiotáshion ne iatehionkwétake akohioténsera; ótsire enkwátʼkense tánon enwénesthe ne kwáh tsi shahtèkena.

1 Thessalonians 5:4

Nók níse, tewatenroʼshón꞉aʼ, iáh tsi tetiókaras nónwe tésewes, tánon nennísera iáh tehiówenk ne thóh ní꞉ioht tsi ahontesewahtonnékten tsi ní꞉ioht ne ranénskwahs.

Hebrews 10:25

Tósa tewatkáf tsi nihionkwahrenhnà꞉on tsi skát꞉ke tewatʼkennisháhas, tsi nihotiʼierenhátie nahkorenshón. Kheʼkenk, sénha thetewahtatenikonrahrek, tsik senhak sewatʼkátos ákta iwes nennisera tsi tontare ne Roiá꞉ner.

2 Tiér 2:6

Rawenni꞉io sakorewáton ne kanatowánens né꞉ne Sodom tánon ne Gomorrah, ótsire wáhratste tsi wasakótonte, ne kíʼ wáratste nasakoronkáten tsi nenhiakoiátawen nónka iáh tehiakonihioseráien.

2 Tiér 2:9

Tánon káti ne Roiá꞉ner rohteriéntare onní꞉ioht tsi ahsakonónstate ne rohtiniʼioseráien tsi ní꞉ioht tsi tehonwanaskótanis ó꞉ni tsi ní꞉ioht tsi ensakorewátake ne ionkwetahétkens kwáh tsi nióre Entewenníseráh꞉teke ne tenhonwatihiatórente,

2 Tiér 3:7

Tánon nónwa nikaháwis ne tsi karonhiáte ó꞉ni ne tsi ionwentsiáte kwáh kanónstaton tánon ó꞉ni ne sáka tsi ní꞉ioht tsi rotennáʼon ne Rawenni꞉io, neh tsi ótsire enkariwátonte. Neh aoríhwa kanónstaton neh tewenniserónte nónen ne iáh teiakoniʼioseráien teiontatiatórete ó꞉ni enhiontatháthonte.

1 Sawátis 4:17

Kwá iehiosaháton ne kanoronkwátshera nontionhakéson ehnahontáwe nahionkwaiéntake ne kanikonranirátʼtshera tsi tewenniserónte nónen tehiontatiatórete; tánon ó꞉ni enhionkwaiéntake neh tsi tiónnhe ne kén ionwentsiáte kwá ne satèhiot tsi ní꞉ioht ne Kerístos.

Jude 1:6

Saietʼtsiiehiárah thiratironhiakeró꞉nons tsi niháti ne iáh thónon tehonataténron nahonátsthon ne rahothishasʼténshera tsi natehiothonwentioʼon꞉ne, nok kek wahontewénthete tsi non nihatiteróntakwe: tsi nénwe oronkwása rathinerénkston tsi nónwe ne kwáh tetiokaraskó꞉wa nonʼontiokon, tsi nónwe ne Rawenni꞉io iesakotʼkáwen ne thóh nónwe entewenniserateke nónen enʼonwathirewate.

Jude 1:7

Seweiáre wáhi ne Sodom tanon ne Gomorrah, tanon náktha kanataienthonkwe, ne rahononkwetasónhas thóh nahathiweienʼnhoten꞉ne tsi niʼioht thí꞉ken ratironhiakerónons ó꞉ni tsiktiahatiʼieránion tsi nokwáh ne kentéhsera ó꞉ni naskanéktsheras; ne wahatiʼiéna ne karewathátshera ne iotekaʼonwe ne kí꞉ken ne kwáh onkweʼtakwé꞉kon tsi iakonronkaténnis.