Matthew 1:12 - Ohiatonhseratokénti

¹² Nok nonen siiehonȣatinaskȣenha Babylonke nihoȣiraientaon ne Jechonias nehne Salathiel; Salathiel roienha ne Zorobabel.

Neh Nase Tsi Shokȣatakȣen 1880 (4 Gospels by Joseph Onasakenrat)

¹² Nok nonen ȣiiehonȣutinnskȣenha Babylonko nihoȣiraientaon ne Jechonias nehne Salathiel; Salathiel roienha ne Zorobabel.

Matthew 1:12 ပူးပေါင်းရင်းမြစ်များ

2 Kings 24:14

Ne Nebuchadnezzar iasahkoiaténhawe naʼsakonóton nonkweʼshón꞉as ne Jerusalem ratinákereʼkwe, ratikwé꞉kon ne rotinontí꞉ios, ratikwé꞉kon ne ohénton iahonʼnéthonkwe, oiéri-tewenhniawehetsherásen nihá꞉ti ne tsokwét꞉kon. Ratikwé꞉kon ó꞉ni shasakoiatínekenwe ne ratihiotenserahweiénʼons, thóh natiʼiá꞉tare ne ratiristón꞉ni, nek iathosahonaʼtátere ne kwáh rotíten ne Judah nón꞉we.

2 Kings 25:27

Né꞉ne siʼioseráteʼkwe nètho Evilmerodach rahón꞉a sahatenontí꞉ioste ne Babyloniaró꞉nonke, tahaterihwaiéritste tsi nòkwah ne Ronnontí꞉io Jehoiachin ne Judahró꞉non né tsi sahonontónhko tsi ranó꞉tonhkwe. Né kí꞉ken ne tewásen-tsáta siʼwenhniserátekwe né tekeniʼiawénre siʼwenhnítarakwe né áhsen-niwásen tsáta siʼioserakéhaton siʼtsotohétston siʼhonwanó꞉ton ne Jehoiachin.

1 Chronicles 3:17

Né kí꞉ken tsi niehonatwaʼtsiríhnon ne Ronnontí꞉ioʼkwe Jehoiachin, né꞉ne Babyloniaró꞉nons ronhwanó꞉tonhkwe. Né Jehoiachin tsáta nihonekenteronhtsheraʼiéntaʼkwe: né꞉ne Shealtiel,

Ezra 3:2

tánon ne Joshua né roʼní꞉ha né꞉ne Jehozadak, né꞉ne skátke ronaterihón꞉te tsi tenitsihénsthatsi, tánon ne Zerubbabel ne roʼní꞉ha né꞉ne Shealtiel, ratikwé꞉kon ne ronhthatenónkwes, sahonhnón꞉ni ne ratsienharáhkwa ne Sakoní꞉io ne Israerró꞉nonke, ne káti nahónton é꞉tho ahonsahonteskónhten tsi entsohianénhawe tsi nikahiá꞉ton ne Mahís rahohianerenhserá꞉kon, ne Rawenni꞉io rahonkwè꞉ta í꞉ken.

Ezra 5:2

Nó꞉nen ne Zerubbabel ne roʼní꞉ha né꞉ne Shealtiel tánon ne Joshua ne roʼní꞉ha ne nénhne ne Jehozadak wahonathón꞉teʼne ne rahonateriwanothá꞉tsheras, thontahiatháhsawen nahonsahiatenonhsón꞉ni Nononsatokentihkó꞉wa ne Jerusalem nón꞉we, tánon ne tenihiá꞉se rotitokénhse wahonwatisnié꞉non.

Nehemiah 12:1

Tánon ne kí꞉kens ne ratiʼtsihénstatsis tánon ne Levites ronónha thoné꞉non skátne ne Zerubbabel, né꞉ne roʼní꞉ha ne Shealtiel, tánon Joshua, Seraiah, Jeremiah, Ezra,

Jeremiah 22:24

Ne Roiá꞉ner wahawénhaʼse ne ronnonhtí꞉io Jehoiachin, ne roiénha ne ronnonhtí꞉io Jehoiakim ne Judah nónhwe, “Kwáh tsi niʼioriwí꞉io tsi Í꞉i ne konnhehónwe Ní꞉io, shé꞉kon ó꞉ni nísek khók nawenésthonke tsi akaierónnike naʼnisnonhsahwiʼtsheráhke ne keweienteʼthákwen nakatianáhti, kwáh kíʼ ienkónhrehke

Jeremiah 22:28

Wakíron, “Ne ronnonhtí꞉io Jehoiachin thóh kén nihohiatawénhon tsi ní꞉ioht ne tehiotsetaríhon ne íhseh iewáhtion tánon iáh ónhka thaʼtehiakothonwenhtsióni? Né ken aoríhwa ne rahónʼa tánon ne sahkoienʼokónha ronwahʼnahnakerahkwáhton ne tsi tiohontsáien ne kwáh iáh othènen tehathiʼientéri?”

Jeremiah 22:30

“Kí꞉ken rónkwe ronwahrewáhton nahóthonseh ne shaʼkohiohokónha, ne ne rónkwe ne kwáh iáh nonhwénhton tahohianerásten. Kwáh iáh thaʼhawahtsirahiénthaʼke ónhka enhiontkórasʼte ne Judah ne ne Táwit tahonshaʼhonatʼthákwen. Í꞉i, ne Watiá꞉ner, wakatáti.”

Haggai 1:1

Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:

Haggai 1:12

Ethò꞉ne ne Zerubbabel ne roʼní꞉ha né꞉ne Shealtiel, tánon ne Joshua ne roʼní꞉ha né꞉ne Jehozadak, né꞉ne kwáh è꞉neken tokʼte ratsihénstatsi, skátne ne iateonathathénron nonkweshón꞉as, wahontewenhnárakwe ne raowén꞉na ne Roiá꞉ner raotiní꞉io, tánon ne raowenhnaó꞉kons ne rotokénhse Haggai, tsi kí ní꞉ioht ne Roiá꞉ner raotiní꞉io tsi toteniéhton. Tánon nonkweshón꞉as wahonwakwéniensthe ne Roiá꞉ner.

Haggai 1:14

Tánon ne Roiá꞉ner wathonikòn꞉raren ne raotón꞉nhets ne Zerubbabel ne roʼní꞉ha né꞉ne Shealtiel, ne rakórakwe ne Judah, tánon ne raotón꞉nhets ne Joshua né꞉ne roʼní꞉ha ne Jehozadak, né꞉ne kwáh è꞉neken tókʼte ratsihénstatsi, tánon ne raohnatón꞉nhets ratikwé꞉kon ne ietehonathaténhron nonkweshón꞉as. Tánon tahón꞉ne tánon wahotiiò꞉then raononsatokentikowáhne ne Sakoiá꞉ner ne ratironhiaʼkeró꞉nons, raotiní꞉io í꞉ken,

Haggai 2:2

Stáras nó꞉nen ne Zerubbabel ne roʼní꞉ha né꞉ne Shealtiel, ne rakó꞉raʼkwe ne Judah, tánon ó꞉ni ne Joshua né꞉ne roʼní꞉ha ne Jehozadak, né꞉ne kwáh è꞉neken tókte ratsihénstatsi, tánon ne iateiakothaténhron nonkweshón꞉as, tánon tsí꞉ronh,

Haggai 2:23

Ne thóh enwenhniserá꞉teke rá꞉ton ne Sakoiá꞉ner ne ratironhiakeró꞉nons, kwáh kí ienkoniaténhawe, Zerubbabel nakehnháhtshera, ne roʼní꞉ha né꞉ne Shealtiel, rá꞉ton ne Roiá꞉ner, tánon enkonhiónhnien tsi ní꞉ioht nakatsikwenhtónhke anisnón꞉sawi; asè꞉ken Í꞉ʼi enkoniatará꞉kwen, rá꞉ton ne Sakoiá꞉ner ne ratironhiakeró꞉nons.

Matthew 1:11

Nok ne Josias roienha ne Jakim, nonen Babylonke ȣiiaonȣatinaskȣenhasere, nihoȣiraientaon ne Jakim nehne Jechonias tanon ne rontatekenhokonha.

Matthew 1:13

Nok ne Zorobabel roienha nʼAbiud; Abiud roienha nʼEliacim; Eliacim roienha nʼAzor.

Matthew 1:17

Kentho kati kahiaton tsinikon teiotereseranet. Kaieri iaȣenre teiotereseranet tsinatehiatere nʼAbraham tanon ne David; Etho tsiotasaȣe tsiniiore Babylonke siiaonȣatinaskȣenhaȣe Kaieri oni nehneh iaȣenre nateiotereseranet; Etho are tsiotasaȣe Kaieri are nehneh iaȣenre teiotereseranet tsiniiore niiehonakeraton ne Iesos-Keristos.

Luke 3:27

Johanna roienha, Rhesa roienha, Zorobabel roienha, Salathiel roienha, Nere roienha.