Malachi 4:3 - Ohiatonhseratokénti

³ Tánon enietshiratatiéhshon ne iakonkweʼtahétkenʼs, aseʼkénh waʼkenhrontákwen ronatón꞉ʼon tsi kéntskaron ne sewahsiʼtó꞉konʼs, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 4:3 ပူးပေါင်းရင်းမြစ်များ

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

2 Samuel 22:39

Wakhenonwarhiákhon; iáh tehotikwénion tahonsahotitáhon, thóh ratiʼiátaien roʼnenhéion akʼkhénton.

2 Samuel 22:43

Wakhewá꞉heke kwáh ne nokènra ne tsi ionwenhtsá꞉te, Waʼtekhenienstsiá꞉kon tánon waʼkheratatiéson kwáh tsi ní꞉iot onawásta ne tsi tekanatokenhá꞉ties.

Job Tánon ne Raoronhiakensera 40:12

Shekenhenhiónhnion ratikwé꞉kon ne rontatón꞉ni, tánon eʼtá꞉ke sasheión꞉ni; sheratatiéson ne ionkwetahétkens kwáh tsi nón꞉we nihónnhete.

Psalms 147:6

Né Roiá꞉ner sesakokétswas ne tehiontonhnakárias; ne hionkwetahétkens ohontsáke iesakoiatónhtses.

Psalms 49:14

Kenhé꞉ion ienhiakosárihne; tsi ní꞉ioht ne teiotinakarontónha sakohentenhseháties ne sakó꞉nonhne; né iakoianere enhonwaʼnaterihwát꞉kweni, né raotiierón꞉ta iostó꞉re tsi enhiotken; thóh nón꞉we tsi tsohontsáien ne kenhé꞉ion ahí꞉non nió꞉re iéken ne tsi ratíteron.

Psalms 91:13

Kwáh ensewaʼkwéni thóh nón꞉we naíhsewaʼthénhti tsi rónhnes ne kénhreks tánon ne konhtírios ó꞉ni né óniares, ne konhtisehró꞉hens kénreks tánon ne iotniarák꞉terons.

Isaiah 25:10

Asèken ne ratsanàke ne Roiá꞉ner kwáh enká꞉rane kí kénhen ionónte. Ne Moabites kwáh enhonwatiʼratatsiéson tsi nón꞉we nihotinákʼte tsi ní꞉ioht ne kawá꞉he ieráthatses tsi iehiakotsetákwah.

Isaiah 26:6

Thóh ratiratáties, né꞉ne ionshitàke ne iakóten, Tsi natehontekhahákwah ne teiontkárhias.

Lamentations 1:15

“Ne Roiá꞉ner wahostériste ne kwáh tásaste nakonkwéta raterí꞉ios; Ronterí꞉ios tasakothéniete nasakóthonte nakonkwetaʼsónhas nithotihiónsas. Wahtesakoskwáseron nakonkwetaʼsónhas tsi ní꞉ioht ne tsi tehionhiarithákwa noʼnénhare káhik.

Ezekiel 28:18

Tsi nióre tsi kariwahétken tsi ní꞉ioht tsi saninónhnion tánon tsi satkéron ne tsi saterenhnaienthá꞉kwahs kahetkéntons. Sók kíʼ wakatenahténthaʼwe ne kanahtowáhnen tánon kwáh okenráhke ónhton. Rahtikwékon nenhiesatkátho nónhwa kwáh wahkenronhthákwen sathónhon.

Daniel 7:18

Eʼthó꞉ne ne raonkweʼtaʼshón꞉ʼa ne Roʼshatstenhsherowá꞉nen Rawenni꞉io enhatiié꞉na ne kanontiióʼtshera aoʼshatsténhsera ó꞉ni tsi nén꞉we enhonatienawaʼáhston.”

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Micah 5:8

Tánon ne ronhnonhontsakeró꞉nons niatehonataténron ne Jacob, kwáh kí raotinenrí꞉hen enhenterón꞉take, thóh nenhiotónhake tsi ní꞉ioht ne kénreks raotinenrí꞉hen í꞉res ne kontitshé꞉nens ne karakónhas, thóh nenhiotón꞉hake tsi ní꞉ioht ne ken nithoiónha kénreks thóh í꞉res tsi kontì꞉teron ne teiotinaʼkarontón꞉ʼa. Nó꞉nen ienhatáweiaʼte, iathensakonitionkwáhkwe tánon wasakohiataratiónko, né꞉ne iahónka tetkonhwaʼtiné꞉hon.

Micah 7:10

Ethò꞉ne kʼi ne ióntswens enhontká꞉to, tánon atehénsera entioró꞉roke tsi niká꞉ien ne wakén꞉ni, “Kaʼní꞉res ne Roiá꞉ner Saní꞉io í꞉ken?” Ne kahráke enwatká꞉to tsi nenkonwashén꞉ni; ó꞉nenh kiʼ thenkonwaskwáhseron kwáh tsi ní꞉ioht nonawástha ne tsi tekanatokenhá꞉tons.

Zechariah 10:5

Ne nonhkweshón꞉ʼa ne Judah nón꞉we kwáh enhonatʼkwénionke tsi ní꞉ioht ne ronterí꞉ios ne teshakonaskwasheronkwáhton ne ronwahthí꞉sons nonahwásthakes ne tsi tekanatokenhá꞉tons. Kwáh enhonterí꞉io tiorì꞉wa ne Roiá꞉ner tsi ratikwekonháties, kwáh ó꞉ni enshakothishén꞉ni ne tehontátʼtsions ne rohtishá꞉tens tsi ronterí꞉ios.

Malachi 3:17

Kwáh Í꞉ʼi akonkwé꞉taʼs enkénhake, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ronnónha ne wakatonkweʼtanorónhston ne tewenhniserá꞉te ne wakenhniserarákwen, tánon enkhenonhstate tsi ní꞉ioht ne iakowí꞉raien tehonwanahrhó꞉ton ne rontewennaráhkhwa.

Romans 16:20

Tanon Rawenni꞉io, neh nonkwaiatakweniʼióhtsera ne skénnen, kwáh iostóre tenhoskwaserónkwaʼte ne ranesonrónon ne sewasitókon. Ne rahoténrat ne Sonkwaianer Ié꞉sos sewakweʼkónhak.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 14:20

Tánon ne teionhiaritháhkwa watewahiá꞉rite nátste nakanatháti, tánon takanekwenhshó꞉te ne teionhiaritháhkwake, thóh nió꞉re è꞉neken niahá꞉he kwáh tsi nihiotkonshó꞉taron ne koshá꞉tens, thóh nió꞉re niahá꞉he kakʼnon neh tékeni tewenhniáwe niwatenienhtentsherá꞉ke nihioháhes.