Malachi 3:6 - Ohiatonhseratokénti

⁶ Aseʼkénh Í꞉i ne Watiá꞉ner ne iáh thaʼtekatténieʼs; eʼthó katíʼ í꞉se, ne tshisewaioʼokón꞉ʼahs ne Jacob, iáh tehonwanahtón꞉ton.

Malachi 3:6 ပူးပေါင်းရင်းမြစ်များ

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 15:7

Eʼthó꞉ne ne Roiá꞉ner wahawénhahse, “Í꞉i ne Watiá꞉ner tetkoniaʼténha ne Ur ne ne tsi nón꞉we nihatinákere ne Chaldearó꞉non, né naontakón꞉ion kí꞉ken ionhóntsaien naʼesawénhake.”

Genesis 22:16

tánon rá꞉ton, “Iatetià꞉ti wakerihwahnirá꞉ton, rá꞉ton ne Roiá꞉ner, tiorí꞉wa tsi kíʼ tho náshiehre, tánon iáh tehtshié꞉nen né tshièn꞉ʼa, nénskaʼk khók sanekenhteronʼtsherá꞉ien,

Psalms 102:26

Né tsi karonhiáte ó꞉ni tsi ionwentsiáte enwatohéstste, ók ní꞉se tsi né nénhwe ensónnheke; kwáh akwékon enwaʼkáionʼne ó꞉ni iahothènhnon tahonsakarihwasthátonhke tsi ní꞉ioht nathakwénia. Thensehténi tsi ní꞉ioht natakwénia, tánon enhontóhestste;

Psalms 102:27

Ók ní꞉se tiotkonhónwe ne shashónhna í꞉ken, tánon iáh nonwénhton tsiashatonhnók꞉then.

Psalms 102:28

Né sakotiʼiohokónhas ne sanhatsheraʼókons kwáh kíʼ skénnonk tsi enhonhnónnheke; né sakotiʼiohokónhas kwáh kíʼ sanonsthasherákon nón꞉we nenhonathathénhronke.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 78:38

Ók kíʼ shé꞉kon ne rahónha, tsi rotanitenhrátskon, sasakonikónhrenhse ne raotirihwanerahát꞉tshera, tánon iáh kíʼ tesakotón꞉ton; iotkáthatse tenshá꞉taste ne raonakwáhtshera, tánon iáh tsehotkáwen ne raonakwáhtshera.

Psalms 78:57

ók tonsahontkaraténi tánon iáh othenènon tethonethákwen kwáh kíʼ tsi ní꞉ioht ne sakotisotʼthonhkonkénʼen; thóh nió꞉re tsi iáh othènen tehathirihwástha kwáh né꞉nen tehiotʼwatáse kaiénhkwire.

Isaiah 41:13

Asèken í꞉i, Watiá꞉ner sah Ní꞉io í꞉ken, konnenhtsawá꞉kon ne sehseweientetákwen; tsi Í꞉i ne konró꞉ris, “Tó꞉sa sáteronh, Kwáh seh enkonsniénon.”

Isaiah 44:6

Né kí aoríhwa rá꞉ton ne Roiá꞉ner, né Ronnontí꞉io NʼIsraerʼronónke, tánon né shoiatákwen, né꞉ne Sakoiáner ne ratironhiakeró꞉nons: I꞉i ne tiotierénhton ó꞉ni nonàken í꞉ken; Né tiaták꞉ta kwáh iáh tekaniʼioseráien nó꞉ia Rawenni꞉io akénhake.

Isaiah 46:4

iekaníhare nó꞉nen ensatsiaʼtísa I꞉i kí ne Saní꞉io enkénhake, iekaníhare nó꞉nen ensanhráthenhne kwáh kí enkonhiathenhawíson. I꞉i wákshon, tánon kí enkatiénawasʼte; Kwáh kí enkhawí꞉son tánon enkenónsthaʼte.

Jeremiah 32:27

“Í꞉i ne Watiá꞉ner, kheʼNí꞉io nonhkwetahkwékon. Kwáh iáh thahóten ne ahonkahterihwahnorónsten.

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Hosea 11:9

Iáh ne thakateriwathéntsate ne ioʼtéron akehnhakwáhtshera; Iáh shé꞉kon tahonshakerihwathón꞉the ne Ephraim; asè꞉ken í꞉i ne Ní꞉io í꞉ken tánon iáh ónhkwe tè꞉ken ní꞉i, ne Rohiatatokénhti sewanenhrí꞉hen rénhteron, tánon iáh thahontá꞉ke nahonkenakwenhénhake.

Habakkuk 1:12

Iáh ken ní꞉se tho titeséhnon ne oksténhne, O Saiá꞉ner akení꞉io, nakáwenk iotokénti? Kwáh iáh taiakwenhé꞉ie. O Saiá꞉ner, ní꞉se seieronhnítston ne kariwenhtáhtshera; tánon í꞉se, O osténhra í꞉ken, ne sehrí꞉honte ne karehwathátshera.

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

Philippians 1:6

Rawenni꞉io seh tehtsisewathasawén꞉ni kiʼ kaiohtenserí꞉ios, ó꞉ni kwáh orihwí꞉io wakón꞉ni tsi iáh tahátʼkawe nohénton ne iahontésha ne enwenniseráteke nó꞉nen ne Kerístos Ié꞉sos thètʼtre.

Hebrews 13:8

Ié꞉sos Kerístos seh né sahahiáta tsi niʼiohtón꞉ne ne theténre, tánon nónwah wenhniseráte, ó꞉ni ne tsi nén꞉we.

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Revelation 1:8

“Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

Revelation 22:13

Í꞉ih ne Alpha ó꞉ni ne Omega, ne ne tsiotserentá꞉kwen ó꞉ni noná꞉kenkha, ne ne tsiotá꞉sawahkwen tánon ne tsi ieiotót꞉te.”

1 Samuel 15:29

Sén꞉ha isiʼnónhwe ne Ronnheʼónwe NÍsraerʼronónke kwáh iáh thatahontahákthate khéhs ne tahonsahoterihwaténien; asèken iáh ne ónkwe thahaiatóten, ne thènen tahonsahoteriwaténien.”