Malachi 3:4 - Ohiatonhseratokénti

⁴ Eʼthó꞉ne tsi nithatiiéhsthaʼs ne Judahró꞉nonʼs ó꞉ni ne Jerusalemró꞉nons kwáh kiʼ enhawerienʼtí꞉iohsteʼ ne Roiá꞉ner tsi kiʼ nitiohtón꞉ne ne tsi nitewenhniseraténionhskwe ne wahón꞉nise tkén꞉ne tánon ne tiotohserohetstánionʼs.

Malachi 3:4 ပူးပေါင်းရင်းမြစ်များ

1 Chronicles 15:26

Tsáta niháti tsionónskwahrons ratítsinn wahonwanaʼteskónhten tánon tsáta nihá꞉ti teiotinakaronhtón꞉a, né norihwí꞉io ahónton nètho Rawenni꞉io tsi kwáh seh enshaʼkoiénawaʼse ne Leviró꞉nons tsi nihá꞉ti ne Ratinorokwenháwi Naʼterihwaseronniátshera í꞉wa.

1 Chronicles 21:26

Thóh nón꞉we nahahónhnien ne ietienharáhkwah ne Roiá꞉ner tánon tahá꞉ieste nahateskónhten ó꞉ni ne skaríhwa í꞉ken tsi tkaiéston. Wahaterénhnaien, tánon ne Roiá꞉ner wathoʼrihwaserákwahse tsi tahasén꞉te nótsire ne karonhiáke nahióteʼke tsi enhonteskónhten ne ietienharáhkwahke.

2 Chronicles 1:6

Ohénton tsi wathóhsehrote ne ronnontí꞉io wahosénhnaien ne Roiá꞉ner tsi wahateskónten thóh né teiotwístaron karístatsi ietsenharákwahke; énska tewenhniawehetseráhsen nihá꞉ti konhtitshénhnens washakononhwariákon tánon ratihiatakwékon tsi wahátʼtsahaʼte.

Psalms 51:17

Nakeriwiʼiosehokónhas né꞉ne í꞉ken né tsi tewakenikonhraríhon; ne tehioríhon ó꞉ni ne teiawerhiasaríhon, Ó Sewenní꞉io, iáh taskénron.

Psalms 51:19

Eʼthóhʼne né enserientiʼiósten ne tkarihwaiéri enkénhake ne kariwiʼiosehokónhas; né꞉ne wateskóntes tánon ne tsekontiʼiatakwékon wattsaháton; tánon eʼthóhʼne ó꞉nen tionhnónskwaron rátsinn enwateskóntake ne sáwenk ietienhsarákwahke.

Isaiah 56:7

né kí꞉ken iénkhaʼwe naʼkenontatokentíke, tánon ne enkónhniate natsenhnonniátsheras ne tsi wakenón꞉shote ne tsi ionterenhnaientákwah; ne tsi ronhteskóntha tánon tsi rontsienhkwaronniátha kwáh entiéna ne tsiktsenhará꞉kwah; asèken ne tsi wakenón꞉shote ne enkonwanatónhkwahke ionterenhnaientákwah né nonkwetaʼkwékon akorihwá꞉ke.

Zechariah 8:3

Jerusalem niénske, nakenahthatokentí꞉ke, tánon thóh nón꞉we ienskeʼnhakérehke. Ne enkaientheresthákwen né꞉tho kanahtowá꞉nen ne ienáhkere tsi rohthiriwahtó꞉ken tsi nokwáh ní꞉i, tánon ne ionhniáhere né꞉ne Roiá꞉ner Roshatstenhserowá꞉nen raówenk enkonwahnahtónhkwake iononhthatokénhti.