Malachi 3:2 - Ohiatonhseratokénti

² Ók ónhka aiekwé꞉ni naiontahkátstate ne tsi nentewenhniserá꞉teke tsi nontahawenonhátie, tánon ónhka aiekwé꞉ni naiontahkátstate nó꞉nen enhoké꞉tohte? Aseʼkénh tho nihaiaʼtó꞉ten tsi ní꞉ioht ne raristanawènhtha raó꞉tsire tánon ne rahkwenióhares raonoharé꞉tha;

Malachi 3:2 ပူးပေါင်းရင်းမြစ်များ

Genesis 19:28

tánon thóh nokwá꞉ti Iaʼthatká꞉neren tsi tkanataièn꞉tahkwe ne Sodom ó꞉ni ne Gomorrah ó꞉ni tsi nokwá꞉ti nakwé꞉kon tsi iohontsakwènhtare tánon wahatkáhthoh, tsi niioién꞉kwarote nonhwentsá꞉ke thóh níiʼioht tsi ní꞉ioht nó꞉nen kwáh ioièn꞉kwarote ne teiotsenhanón꞉iani tsi iotékha.

Job Tánon ne Raoronhiakensera 28:1

“Orihwiiohón꞉we tsi hiewistókwats ne kawistárake, tánon rotí꞉ièn tsi nón꞉we nowistanó꞉ron nihatiwistanawénhtha.

Psalms 130:3

Tó꞉ka ní꞉se, O Saiá꞉ner, nahisahathenstánionhke ne kaiathatónhtsheras, Saiá꞉ner, ónhka ahiekwéni nahiontakáts꞉taʼte?

Psalms 2:7

Kwáh enkerihó꞉wanate ne Roiá꞉ner tsi nitsisewarihwatáti: Wahakénhase, “I꞉se ne konhiénha; ónhwa wenhniseráte í꞉ih ne ianíha wakáton.

Psalms 76:7

Ók í꞉se Saiá꞉ner ne onhkwetakwé꞉kon iesatʼtsánis! Iáh ónka taiekwéni naiétake ne sahénton nó꞉nen sanakwénhen?

Proverbs 25:4

É꞉ren shá꞉wit nahò꞉ten iáh aóskon té꞉ken ne kahwistarà꞉ken, sók ne rahwistón꞉ni ióhskats nahò꞉ten enháhsa.

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Isaiah 33:14

Né rotirihwaneraháts꞉kon ne Zion nón꞉we kwáh rotíterons; ne iakohiatiʼshiónkwah ne wahakoiéna ne iáh teotiniʼioseráien: “Ónhka tsi nítsion ahitewakwéni né kénʼen ahitiónnheke ne iakotónhtha ótsire? Ónhka tsi nítsion ahitewakwéni thóh nahiʼtiónnheke ne tsi nénhwe í꞉ken notonhkókon?”

Isaiah 4:4

ne nó꞉nen ne Roiá꞉ner sakoiatohétston tiókonte ne wískʼkháton iehónhnete nahoiatasetsherashónhas ne Zion tánon shonóhare ne ionekwenhsarónhnionkwe ne Jerusalem thóh kanenhríhen nahoshastsʼtenhserákon ne karihwenhtátshera tánon ne kashastsʼténhsera ne tsi iotétkha.

Jeremiah 2:22

Shé꞉kon ne꞉ne ahʼshatiatoháresthe ne kwáh tkashástste nononhwahrétha, shé꞉kon kíʼ enkatʼkátho ne ioráhkwahre tsi shaníhkon.

Ezekiel 22:14

Ísehre onhtèken thènen ne kanikonhrahnirátʼtshera iatahonsahiothaténhronhke ne shonháke tó꞉ka ó꞉ni iatakaiérihke ne kashastsʼténsera nashanenhtʼtsakaráhthate nónenh kén nienkonhiérenke? Í꞉i, ne Watiá꞉ner, wakatáti, tánon kathatewenhnahiérits.

Daniel 11:35

Tóhka nihá꞉ti ne ronteʼnikonhrattókhas ne ohén꞉ton iehónneton enhonwatí꞉rio, nok né kiʼ enkarihón꞉ni ne Rawenni꞉io ensehshakoʼnikonhrahsehrón꞉ni nonkwehshón꞉ʼa. Eʼtho neniohtonhátie tsi niió꞉re ienkáhewe ne tsi ieiótoʼkte ne tsi nihokwatákwen ne Rawenni꞉io.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Nahum 1:6

Ónhka aiekwé꞉ni taietá꞉ne ohén꞉ton ne ranakwáhtshersa? Ónhka aiekwé꞉ni naionthá꞉katstate ne ioʼtarí꞉hen raonakwá꞉tshera? Ne raoterhiatitkhóntshera tewawéron tsi ní꞉iot ne ótsire, tánon raónha nosténras teorí꞉tons kenk ní꞉was.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Matthew 25:10

Tsi kati nikariȣes iatekontiiatakonte onen ȣaraȣe; nok ne iohnatateȣeiennentaon iaonnete iahontaȣeiate tsi ȣatenniote nok tontaiennhoton.

St. Mark 9:3

Nok ne raotseronniat ȣateȣateronronten ehoni nakenrakenne tsi niiot noniete, iah ki taontetsenri nonȣentsiakeronon naiekȣeni etho naierakenste.

Luke 2:34

Nok ne Simeon ȣasakoiatateriste, nok ȣarenhase nʼOnȣari, ronistenha: Kehiken raksaa, kentiokoȣanen nenhiontkaronniate, kentiokoȣanen oni nenhiontsennonniate nʼIsraerronon, nok oni tenhiontennikonratihatanionkȣe nonkȣeokon.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

Luke 3:17

Rahaȣe ne raosheȣata, nok enhatataseȣase, nok raononsoharake ienhateȣeienton ne raonatsia; nok ne kaȣahe otsirake iah teȣasȣas ienhoti.

Luke 3:9

Onen akȣekon niiekonȣatiriȣenton tsi tioteronton, tsinikarontake ne iah teȣaianiiontha enkaiakon nok otsirake enȣation.

Luke 7:23

Nok iakotaskat nonka iah tonhiakotateriȣaientatenni nii akeriȣake.

John 8:55

Iah se sane tetsiseȣaienterhaon; nok tanon nii riienteri: nok nakiron iah tehiienteri, eh ki naonkenoȣenseke, tsiki nise niiot: riienteri ki neneh nok riȣennarakȣa oni.

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

Revelation 19:8

nakahón꞉ha iontahtá꞉wi ne ne ahiakotseronhniáton ne waʼniatarí꞉io, teiostʼwát꞉te tánon ioiá꞉nere”— ne waʼniá꞉tarí꞉io né꞉ne kéntons tsi raʼtiiotenhserí꞉ios ne roʼtiiatatokéntis.

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

Revelation 6:17

asè꞉ken ne teiahonhniseranón꞉hiani tsi natehonterhiatítʼkons iaʼkáhewe, tánon ónhka naiekwé꞉ni naionthakatstá꞉te?”

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.

1 Samuel 6:20

Eʼthóhʼne nokweʼókons ne Beth Shemesh wahonní꞉ron, “Ónka ahaʼkwé꞉ni tahátaʼne raoʼhén꞉ton ne Roiá꞉ner, kí꞉ken roiataʼtokénhti Ní꞉io? Ónka ne thóh iá꞉re ne káti nahón꞉ton éh꞉ren atsitewahiaʼtenháwiʼte?”