Malachi 3:16 - Ohiatonhseratokénti

¹⁶ Eʼthó꞉ne ne ronwakweniénhstha ne Roiá꞉ner waʼthatihtharónnion. Ne Roiá꞉ner kwáh ákta tsi wahatenʼnikón꞉raren tánon wahatahónhsatate, tánon iaʼthahiatónhserahkwe ne iehsennarónnionʼs ne raohén꞉ton tsi niiá꞉kon ne ronwarihwakweniènhstha ne Roiá꞉ner tánon ronwahsennakará꞉tats.

Malachi 3:16 ပူးပေါင်းရင်းမြစ်များ

Genesis 22:12

Wahén꞉ron, “Tóhsa iaʼtetshanihsnonhsà꞉ren nétho raksá꞉ʼa tóhsa ó꞉ni othé꞉nen naʼtshié꞉raʼs; asèkenh ó꞉nen onkaterièn꞉taraʼne tsi nitshetshá꞉nis ne Rawenni꞉io, tsik sénhaʼk iáh thetehtshiaʼtón꞉ʼne né tshièn꞉ʼa, nénskaʼk khók sanekenhteronʼtsherá꞉ien nakonhá꞉ke.”

2 Samuel 7:1

Nón꞉wa nó꞉nenh ne ronnontí꞉io shiahátien ne raonónskon, tánon ne Roiá꞉ner shontaháwen natorisénhtshera tsi nòkwah ne ratikwé꞉kon ne ronwásons ne rahiatátʼton꞉tse,

1 Kings 18:12

Onh né nenhiáwenhne tó꞉ka ne Raonikónra ne Rawenni꞉io kák nónhwe ákthe nónhwe niahiaiathénhawe kwáh tsi niʼiosthóre é꞉ren énhkethe ne kénʼen? Ethòne, nónen enhiʼró꞉rihke ne Ahab tsi kénʼen í꞉h꞉ses tánon iáh thahakwéni nahiaoiatatʼtsénhri, kwáh kíʼ enhakenonhwarhiákon. Sehiárak tsi kwáh wakerihwató꞉ken tsi niʼihsénhnaiens ne Roiá꞉ner né꞉ne kwáh shiʼkekʼsáha kènhʼne.

1 Kings 18:3

káti ne Ahab Obadiah iahó꞉nonhke, tsi rahónha ranikonhrárahkwe tsi kanónhshoʼthe ne kanonhtiʼiotserákon. (Né Obadiah kwáh íken tsi thaʼwethákwenhne tsi rosénhnaiensʼkwe ne Roiá꞉ner,

2 Chronicles 6:7

Tánon iahatasónteren ne Solomon, “Né rakenikénʼen Táwit rotenikonhrónhnine nahanonshón꞉ni nononsatokentiʼkówa ne nahonwasenhnaienʼthákwahke ne Roiá꞉ner Raní꞉io Nisraeʼró꞉nonke,

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Esther 2:23

Wahatiriʼwíhsake, tánon wahatirihwatshén꞉ri tsi tó꞉kenhske, sók tetsá꞉ron wahonwatihnià꞉terenke. Ronontí꞉io wahaténhnhaʼne nahatihiá꞉ton kahiatonhseraʼkweʼní꞉io tsi nihonakeráhsera tsi naʼawénhseron.

Esther 6:1

Thó꞉non shiwahshontà꞉te ronontí꞉io iáh tewá꞉tonhs nahó꞉taʼwe, wahshakóhnhaʼne ronateríhonte naontahatíhawe tánon ahonwawennahnóthaʼse tsi kahiatónnion ne kahiatonhserakweʼní꞉io tsi nikaianerenhserò꞉tenʼs ne raonakerahserá꞉kon.

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 10:4

Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Psalms 104:33

Kwáh tenhirihwáʼkwahse ne Roiá꞉ner kwáh tsi nikaríhwes enkónnheke; kwáh tenhirihwáʼkwahse ne Roiá꞉ner tsík sénhak shé꞉kon kónnhe.

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Psalms 115:13

kwáh ensakohiatatériste tsi niʼiákon ronhwaʼkweniénstha ne Roiá꞉ner, tetsarónh꞉kwen í꞉ken ken naiákasʼke khés naiekowaʼnénhke.

Psalms 119:63

Í꞉i ne iakwaténhros rahtikwékon ne iesahiótenhse, ó꞉ni rahtikwékon ne iesahwenhnaráhkwah.

Psalms 139:4

Iekaníhare nohénton nahontaʼkewenhnínekenʼne, ónenk shisateriénthare tsi nahó꞉ten enkíron.

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 16:3

Tsi nòkwah ne rotihiathatokéntis ne tsi ionhwénhtsaien, ronónha tánon ne ratisenhnowánens, rononháke nón꞉we nikáien nakonwesénhtsera.

Psalms 20:7

Ótiakes ne teiakothaterenhsaronkwáhton ne otsiónkwas, tánon ótiakes koshá꞉tens nenhné꞉e teiakothaterenhsaronkwáhton, ók nonkwanaieséhra né꞉ne raosénhnakon ne Roiá꞉ner onhkwahNí꞉io.

Psalms 33:18

Orihwiʼiohónwe ne Roiá꞉ner ne sakonikónhrahre tsi nihiákon ne ronhwakweniénstha, né꞉ne tsi nihiákon thóh nón꞉we nihiakorahratseráien ne iorihwató꞉ken raonoronhkwáhtshera,

Psalms 34:15

Ne Roiá꞉ner né sahkonikonhrahráties ne tionkwetaiéris, tánon rotahónsate tsi natehonséntʼthos.

Psalms 56:8

Sateriéntare tsi natewakanikónhrahre; sateweientónhnion tsi nisatá꞉rion natkaséris ne kattshétakon. Iáh kén tesahiatónhnion ne sahiatonhserákon?

Psalms 56:9

Eʼthóhʼne ne iónkshons enshón꞉kete nenhwenhniseráteke nienkonhnáton. Né kíʼ waʼkateriéntare ne Rawenni꞉io tsi í꞉i nòkwah í꞉rate.

Psalms 66:16

Káts tánon sewaʼtónhtek, sewaʼkwékon ne tsi sewatʼtsánis ne Rawenni꞉io, tánon kwáh enkatʼró꞉ri tsi ní꞉i nihakatierá꞉se.

Psalms 94:19

Nó꞉nenh thènen wakateronhienhthénhni tánon tewaʼkanikónhrare, í꞉se saskenikonhranírate tánon saskatʼtsenhnonhniáthen.

Exodus 32:32

Asatʼthontátʼtsheke shaʼsehnikónhrens ne rahotiriwanerahák꞉tsera; ók tó꞉ka iáh, ethòne kíʼ shaʼseksenhnaráko né kahiá꞉tonhseràke tsi nónhwe nisehsenhnarónhnion ne shonkweʼtashónʼas.”

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Isaiah 26:3

Tsi nihiákon ne rotiʼnikonrató꞉ken seiatienawast ne skénnon í꞉ken— né꞉ne skénnon tsioríhwa tsi tsesehtákwen.

Isaiah 26:8

Ne tsi iohatátie ne sarihwenhtátsheras, Ó Saiá꞉ner, í꞉se kwahrá꞉re; ne shasénhna tánon thisatʼtsénhnate né natónnhets waskáneks.

Isaiah 4:3

Nónka akénhake iaʼtheniakotátere ne Zion nón꞉we tánon thóh enieterónhtake Jerusalem kwáh kí ne enhiakotenatónhkwen iakoiatatokénti í꞉ken, ne nonhkwetaʼkwékon né꞉ne iontatʼtsénare naiakónnheke ne Jerusalem nónhwe,

Isaiah 50:10

Ónhka ne tsi nítsion tsiʼsewakweniénstha ne Roiá꞉ner tánon sewatewenhnará꞉kwah ne raoʼwenhnaókons ne raonhá꞉tshera, ónhka thóh nón꞉weh niien ne tsi tetiókaras tánon iah teiakóien ne kaswathétshera, né kí tsakétat thóh raosénhnakon ne Roiá꞉ner tánon ne ronhwaniá꞉hes ne akoʼNí꞉io?

Isaiah 65:6

Satkátho, thóh kahiá꞉ton nakʼkénhton: Kwáh iáh sák takataʼtónh꞉ni, ók kwáh ensetkárhiaʼke; Kwáh í꞉ken tsi ensetkárhiaʼke thóh tsi rotikwítsote

Jeremiah 31:18

“Raotiʼnikonhraksentsherákon tsi onkatʼthónteʼne wahonníron ne Israerʼró꞉nons, ‘Saiá꞉ner, thóh niʼiakwahiató꞉tenʼne tsi ní꞉ioht ne iáh tekarihonniénni katʼtshénen, ók i꞉se waskwahrihónnien naʼhiakwahtewénhnarahʼkwe. Thontaskwahiaténhaf; hionkwahtaʼtewehiennenhtáhon ne iséke niahonsaʼhiáʼkwe, ne ne Roiá꞉ner onhkwahʼNí꞉io.

Jeremiah 8:6

Kwáh wakatahonshí꞉ioste, ók iáh kíʼ oriwí꞉io tsi tesehwahthatí꞉on. Kwáh iáh ónhka ne tsi nítion tehtsisehwathateriwásthani ne sehwariwahetkénsehras; kwáh iáh tsi nítion tesehwaʼriwahnónhton, ‘Onh nahó꞉ten tahonkaterientahweriéhon?’ Kwáh tsi sehwahiatátʼtions tsi nithisehwanónhwes tsi eh nisehwahiérah, tsi ní꞉ioht ne kosáhtens tehiotskénnion nahonteriʼiósehrah.

Ezekiel 9:4

“Wáhs akwékon nonhtáset ne kanatowahnénhne ne Jerusalem tánon rahtikenkwaráhke teshehiáton tsi nihiákon tiakonikonhrénʼen tánon ne tehiakonikónhrareh tioríhwa tsi nihioriwáke ne ioteriwahtéhas tsi kahieráhnion ne kanatowakénke.”

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Daniel 7:10

Ó꞉ni kwáh í꞉ken tsi ioʼtónhkwes iotsirakétote tsi eʼtho nón꞉we nontá꞉we. Kwáh tóka niaʼtewenʼniáwe ehtsheráhsen niionkwè꞉take tehonwarihwahsnié꞉se, tánon meriien niionkwè꞉take raohén꞉ton rónnete. Né teieiaʼtorehtáhkwa tahontáhsawen wahatitsénhaien, tánon waʼthatikhási ne kahiatónhsera.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Luke 2:38

Eh oni noneh onȣe, ȣathononȣeronnion oni neneh ne Raȣenniio, nok ȣahakororianion ne raonha rahoriȣake tsiniiakon ne iakorharekȣe aonsaiontnerensi ne Jerusalem ronon.

Acts 1:13

Hiahatinatáraʼne tánon hionsahathirátʼten ne tsi tionákʼthaien tsi nónwe nihathitheróntaʼkwe neh꞉ne Tiér, Sán, Sák, tánon ne Andrè, Philip tánon ne Atónwa, Bartholomew tánon ne Wátio, Sák Alphaeus ne roiénha, Simon Rahontsanónstats, tánon ne Jude neh꞉ne Sák roiénha.

Acts 10:2

Roriwiʼiostón꞉ne; raónha ó꞉ni ne rahowátsire ronwasénʼnaienskwe ne Rawení꞉io. Kwáh ó꞉ni wéso tsi sakoienawaséhaʼkwe ne Sitaeró꞉nons tsi ratinákere ó꞉ni thoʼkontákwenʼne tsi Rawení꞉ioke iehoterénʼnaien.

Acts 2:1

Siakáhewe tsi nihonʼnentanorónstha, akwékon ne thoʼnethákwen énskat khók tsi nónwe nihonakʼkenníson.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Ephesians 5:19

Nónen skátne ensewáton tesewariwakwánion, karennasónhas, orennathokéntis; tetsiʼsewariwáhkwas norennahʼthokentiʼokónhas ne Roiá꞉ner, kwáh seweriasaʼkwékon tsi sewathonʼnáhrak.

1 Thessalonians 5:11

Tánon káti tesewahtatenikonranírat tsi natesewáhtere ó꞉ni tesewahtatiénawas, kwáh tsi nónwa nisewahierenhátie.

1 Thessalonians 5:14

Kwahretiárons, onkwahtenroʼshón꞉a ietʼtsihiaronkáten tíken ronʼnentóras, ietʼtsinikonranírat ne ronatʼtseiáron, ietʼtsisniénon ne rotitsihióha, ietsihiatenikonkátsʼtet nonkwetakwékon.

Hebrews 10:24

Ánion tethewahtathenikonrahnirat, tethewahtatienawahs naitewénesthe ne kanoronkwahtshera ó꞉ni ionkwahʼiò꞉ten ne iohianere.

Hebrews 12:15

Tashatáthene tóhsa ahonsesharihwahnóron ne Rawenni꞉io raoténrat. Tóhsa ónhka ne thóh nahiakohiátawen tsi ní꞉ioht ne kahontátʼsen nenwahtehiáron tánon wéso tsi nenkáiere ne wahétken ne tsi ióien ne kanonkwahtsheráksen.

Hebrews 3:13

Khekhók, naiotónʼon tóhsa ónka tsiʼnítion ne kariwáhneren aisewahnikonráhten ó꞉ni aisewahtenikonrákshaʼte, ónenk tsi tesewahtatiénawashe kwáh niatewenniseráhke, kwáh tsi nikaríwes nowénhna “Nonwawenniseráte” nohiatonseratokentíke í꞉i ionkwáhtiaʼte.

Revelation 15:4

Saiá꞉ner í꞉se ne iáh teshaterónhni tánon aieshasenhnowánate? Asénke iateshiá꞉ti ne sahiatatokénhti. Akahontsakwé꞉kon kwáh éntsien tánon enieshasénhnaien sahén꞉ton, asè꞉ken ne sariwenhtá꞉tsera kwáh kíʼ iotehrihó꞉tashion.”

Revelation 20:12

Tánon waʼkhé꞉ken ne ronenhé꞉ion, ratisennhowá꞉nens tánon ken nihatisénhnasas, ronhné꞉te ohénton tsi wanitskwaratseró꞉te, tánon ne kahiatonseraó꞉kons ontenhotonkonháton. Shé꞉kon ó꞉ni ó꞉ia kahiatónsera ontenhotónko, né꞉ne kahiatónhsera ne iónhnhe. Tánon ne ronenhé꞉ion wathonwatiiatórehte ne tahioianenhá꞉we tsi nihotiiotenhseró꞉tens, ne tsi nikaiá꞉ton ne kahiatonhserá꞉kons.