Malachi 2:7 - Ohiatonhseratokénti

⁷ Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 2:7 ပူးပေါင်းရင်းမြစ်များ

2 Kings 16:11

Ká꞉ti ne Uriah warónhni ne ientienharákwah né kwáh thóh ní꞉ioht tánon wahá꞉sa nohénton ne Ahaz thóh ahonsáraʼwe.

2 Kings 16:16

Né ratsihénstatsi Uriah akwékon kíʼ thóh naháiere tsi kíʼ nihonáhon ne ronnontí꞉io.

2 Chronicles 30:22

Né Hezekiah wateshakononhweráton ne Leviró꞉nons né tsi nihotirenhnáʼon tsi ní꞉ioht tsi wahonterihwatsʼtérisʼte tsi wahonwasén꞉naien ne Roiá꞉ner. Sonhtó꞉hetste ne tsáta nón꞉ta tsi nikaríhweskwe wahonteskonhtónhnion tsi nathonwanonweʼráhton ne Roiá꞉ner. Né꞉ne Sakoní꞉iokwe ne sakotisotʼthonkonhkénʼens,

2 Chronicles 31:4

Tánon ishiʼnónhwe shé꞉kon, né ronnontí꞉io washakoró꞉ri nonhkweʼshón꞉as né Jerusalem nón꞉we nahontahonwénhnon ne tkaiesthánions né ratiʼtsihénstatsis ó꞉ni ne Leviró꞉nons tsi nihonáwenk, né kí nahón꞉ton kwáh né ahotihióten tsi kí nikarihwanónhtons ne Roiá꞉ner raoianerénhsera.

Ezra 7:10

Ezra wahaterihwatokénsthe ne tsi rónhnhe nahatéweiensthe ne Roiá꞉ner rahoianerénhseras, nahahioténsthe, tánon nashakorihónhnien oriwakwé꞉kons ne kaianerénhseras tánon tsi nikaianerenhseró꞉tens nonhkweshón꞉as Nisraerró꞉nonke.

Ezra 7:25

“Í꞉se, Ezra, shasthonhátie nateʼnikonhrathokhá꞉tshera ne Saní꞉io thiá꞉wi, ne nashehiatharakwenhá꞉ton ne shakonaterihwatsterísthase tánon ne rathirihwénhtas nashakonatkórasthe nonhkweshón꞉as ne tsi iaʼtewatséntos nokwá꞉ti ne Euphrates tsi niká꞉ien ne rathísere tsi nihoianerenhseró꞉te ne Saní꞉io. Ó꞉nenk tsi ensherihónhnien né꞉tho kaianerénhsera nónhka ne iáh tehiakoterièn꞉tare.

Proverbs 5:2

Thó꞉ne ó꞉nen ensató꞉kenhse tsi ní꞉ioht tsi ahsatoriahnerón꞉ko ne tkariwaié꞉ri, tánon ne sawén꞉na enwathró꞉ri tsi nisaʼnikonhrowá꞉nen.

Ecclesiastes 5:5

Sénha ioiánere ne tó꞉sa asahráhratsthe tsi ní꞉ioht ne thé꞉nen asahráhratsʼthe tánon iáh tsiathashótten.

Isaiah 42:19

Ónhka ne teieronhwèkon ne ók nakenhá꞉tshera, khés ne tehionhontaʼkwékon kwáh tsi ní꞉ioht nakonkwé꞉ta ne rakerihwakareʼniénhnis tsi nikáien iehiʼiatórion? Ónhka ne teieronhwékon kwáh né꞉ne akonkwéta ne riniahésen, khés taieronhwèkonh kwáh tsi ní꞉ioht ne raonhá꞉tshera ne Roiá꞉ner?

Isaiah 44:26

ónhka rahrihwanírats ne raoʼtiwenhnaókons ne raonhá꞉tsheras, tánon rarihwaiérits tsi niehatiʼríhwakens ne ronwarihwakareniénhnis; ónhka sakaʼwénhnis tsi nó꞉kwah ne Jerusalem, “Kwáh kí enienákereke,” tánon tsi nòkwah ne tsi kanatowánens ne Judah, “Kwáh kí enskanatonhníhake, tánon thóh thentekétsko tsi káien ne raonatʼkaronhniátsheras”;

Jeremiah 15:19

Ne kíh kí꞉ken ne Roiá꞉ner wathariwahsehráko, “Tó꞉ka tentèseh, enskonhiéna, tánon shé꞉kon ensestiótenseh. Tó꞉ka tsi ní꞉ioht ne iáh othenènenh tekariwástha tsi ahishátharahke wahsatró꞉ri ne ioríhonthe ateriwahnhotátshera, íseh shé꞉kon ne akonhkwétah enkénhake ne rotó꞉kense. Nonhkweshón꞉a isèhke nienshón꞉ne, tánon iáh thaʼtehiothonhontsióhon níse rononháke niahonshá꞉se.

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 2:8

Ne rohkháres iáh othènenh tehoriwahnónhton, ‘Kahnónhwe níhres ne Roiá꞉ner?’ Ne kwáh Í꞉ih akonhkwéta ne rohkháres iáh tehatientéri; Ne ratiʼkoráhsons iáh tehionkewenhnahráhkwen; ne rohtitokénhse Baal rahosénnhakon tsi wahontháti tánon wahkonhwahsénnahien ne iáh othènenh tekariwástha kahiatónni.

Ezekiel 22:26

Ne rothikháres tehothihiákon natianerénsehras tánon iáh othènenh tehathikweniénstha nahoténsons ne iotokénti. Iáh othènenh tatehathitíhas nahó꞉tens ne iotokénti tánon ne iáh teiotokénti. Iáh teshakotirihonniénhnis tsi natetʼtsaktíhen ne iotkwéniens tánon ne iáh teiotkwéniens oriwahsónhas, tánon iáh othènenh karíhwah tèken nawenhtatokenhtíke. Né iónhnis nonhkweshón꞉ʼa ne Isareró꞉nonke iáh tehiontkweniénstha.

Ezekiel 7:26

Tse tsiononterásehrons ne kariwaieshá꞉tsheras, tánon ioriwató꞉ken tsiʼnihioʼnáhote ne kariwáksens entewawéronhke. Kwáh ensehnéken ne rotitó꞉kense nahatirihotáshi tsi nahó꞉ten nohénton thonatʼkáton. Ne rotikháres kwáh iáh thahóten tahotiʼiéntake nashakotirihónnien nonkweshón꞉a, tánon ne rotitstenhokónhas kwáh iáh tahóten tahotiʼiéntahke nashakonatenhnikónhron.

Daniel 11:33

Ne ronteʼnikonhrattókhaʼs ne shakotihentén꞉se ne onkwehshón꞉ʼa iatenhonteʼnikónraiehste ne raonattokháhtshera nahotiʼnikonhraién꞉taʼne tsi niiawénhserons. Ók kwak kenʼk nikarí꞉wes kí꞉ken ronteʼnikonhrattókas ó꞉tiaʼke enhonwatí꞉rio ne tsi waterí꞉io tóka ni ó꞉ni enhonwanatiaʼtátshaʼahte tsi niió꞉re ienhonní꞉heie, tánon ó꞉tiaʼke ó꞉ni enhonwatinenhskwenháton tánon enhonwatinnhó꞉ton.

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Leviticus 10:11

Tánon sateriwaiénhni nasherihónhnien nonhkweshón꞉as Nisraerʼró꞉nonhke akwékon ne kaianerénsehras tsi nishakothatíhon ne Roiá꞉ner ne ronónha tsi nitsawénon rahonháke ne Mahís.”

Zephaniah 3:4

Nahonkweʼtashón꞉as ne rotitokénhse, kwáh iáh othé꞉nen tehonsterístha, iotonhkweʼtákterons; nahotsihénstatsis rotihetkénhtons ne iotokéntis nahoʼténhsons; tehotihiákon ne kaianerénhsera.

Haggai 1:13

Ethò꞉ne ne Haggai, ne rorihwakarenién꞉nis ne Roiá꞉ner, washakotháhrase nonkweshón꞉as tsi nihotherihwanietonhátie ne Roiá꞉ner, rá꞉ton, skátne í꞉tewes ní꞉se, rá꞉ton ne Roiá꞉ner.

Zechariah 7:3

tánon nahonwahthirihwanón꞉tonhse ne rohthikhá꞉res ó꞉ni ne rothitokénhse kí꞉ken karihwanonhthóntshera: “Tehiothonwenhtióhon ken ne iahiakwathashón꞉theren tsi ionkwahtsionniónkwen tsi nikanonhsahríhshion ne ionterenhnahienthákwa, ne tsi ionkwenthontiétha tiotkonhón꞉we ne wískhaton niwenhnitahkéhatie tsi nihionkwahiéren ó꞉nen wé꞉so iosehráhke nitsiawéhnon?”

Malachi 3:1

Satkáhtho, ienhiiaténniehte ne rakerihwakarenièn꞉nis nahakkhahahserónnien nakhén꞉ton, tánon ne Roiá꞉ner ne tsi sewahrhá꞉re thentiawènhstsi ènrawe ne raononhsatokenhtiʼkowáhne. Ne ne rarihwakarénieʼs naterihwahseronniáhtshera raonhá꞉ke nón꞉we niiontionʼwesáhtha—orihwiioʼón꞉we, tsi tá꞉re, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 27:21

Né enhoniahesénhake ne Eleazar ne ratsihénstatsi, rahón꞉ʼa enhorihónhnien tsi niwakenikonhró꞉ten ne énratsʼte ne ionsthaʼsónhas né Urim tánon ne Thummim. Thóh kíʼ ní꞉ioht ne Eleazar tsi enhohéntenhse ne Joshua tánon nonhkwetaʼkwékon ne Israerʼronónke ne orihwakwékon ne rahotirihwasónhas.”

John 13:20

Oriȣiio akȣa oriȣiio tsi kȣarori: nonkakiok ienhiiatenniete nok enthonȣakonnienste, enhakkonnienete ki oni nii; nok nenhakkonnienste enhokonnienste ki ne thakatorion.

John 20:21

Nok sekon sahenron ne Iesos: skennen takenhake niseke! Tsiniiot tsi takatorion ne Rakeniha etho oni nise niiot tsi iakȣatori.

Acts 16:17

Wahonwásere ne Kór tánon nonkwátiakes, tehiakohenrétane, “kíʼ ronʼnónkwe neh ronwahiótense nahonwa꞉a tohsatstenserowánen Rawenni꞉io! Neh rontʼróris onʼní꞉ioht tsi ahonsahseniákenʼne!”

2 Corinthians 5:20

Tionkhiiatenniéhton ne ahshakwatatiá꞉se ne Kerístos, ó꞉ni ne Rawenni꞉io tshisewanitén꞉taʼse ne ahskwatahónhsatate nonkwaterihwahnotáhtshera. Kerístos shakwatatiá꞉se, ó꞉ni kwáh tionkwaʼnikonhrahsaʼáhton tsi kwariʼwanontón꞉nis sasewarihwahserón꞉ni tsi naʼtesewátere ne Rawenni꞉io.

Galatians 4:14

Nók ki tsi ní꞉ioht tsi konnhekwe iawetowanen wesehwentorakwen, iáh teskwakenronníʼon iáh ó꞉ni teseskwatekwáton. Kék, tsi nióre tsi wateskwarhóton kwáh ne sáka tsi síken ní꞉ioht ne kwáh rahónha ne Kerístos Ié꞉sos wahtsisewatawehiáten.

Deuteronomy 21:5

Ne levitical rotikhá꞉res thóh nónhne ienhón꞉ne, asè꞉ken ne Roiá꞉ner saNí꞉io ne shakohiaʼtarákwen nahonwateriwatsterísthase tánon nahatihiaʼtaté꞉riste raoshén꞉nakon ne Roiá꞉ner, tánon thóh ne raotiwenhnà꞉kon akwé꞉kon ne tekariwakenáston ó꞉ni ne tewatatkarewátons tsi enkariwaserónhnike.

Deuteronomy 24:8

“Nó꞉nen ne saronhiakéntha ne iothenratʼtheron ne shanehón꞉ne, kwáh orihwí꞉io tsi thóh nátser tsi nahó꞉ten ne levitical rokhá꞉res enhiaró꞉ri; ittier ne karihonhnienhní꞉tsheras tsi nitkonhiáwi.

1 Thessalonians 4:8

Kwáh káti, nónka neniekénron kí꞉ken karihonniennítsheras iáh seh ónhkwe tahonwahkénron, nok Rawenni꞉io, tsi rahónha thiʼáwis ne Raonikonratokénti.

1 Samuel 2:17

Káti ne raotiʼrihwanerahák꞉tshera ne kén nithotiʼiónsa kwáh í꞉ken tsi iorihowá꞉nenh ne raohén꞉ton ne Roiá꞉ner; asèken tsi nitonwawis ne Roiá꞉ner iáh thahoten ne kakwenienstatsera tèken.