Malachi 2:4 - Ohiatonhseratokénti

⁴ Sewaterièn꞉tarak, ká꞉ti, tsi iewakatenniéhton kí꞉ken karihwatáhtshera ne tsonhá꞉ke, nétho akaterihwahseronniáhtshera skát꞉ne ne Levi tsi aká꞉take, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 2:4 ပူးပေါင်းရင်းမြစ်များ

1 Kings 22:25

“Kwáh ensherihwatsénhri nó꞉nen kák nónhwe nonàken tsionákʼthaien nienhénse nashathashethána,” ne Micaiah watharihwaseráko.

Nehemiah 13:29

Sheiehiá꞉rak, á꞉ke Ní꞉io, tiorì꞉wa tsi wathatitiónste tsi ratitsihénstatsi nahatiiaʼtó꞉ten tánon ne raonaterihwasheronhniá꞉tsheras ne ratiʼtsihénstatsis ó꞉ni ne Levites.

Isaiah 26:11

Ó Saiá꞉ner, ne satsianàke iotharatáhton, ók iáh kí tehontksatos. Sheríhon nahontkátho tsi nisateriwaién꞉ni ne shonkwetaʼshónhas, tánon ronhtéhen. Serí꞉hon nótsire ne iesáskwenhs ne ahonátonhte.

Isaiah 27:9

Né꞉tho í꞉ken neh ne raonhí꞉tsera ne Jacob kwáh kíʼ éhren enkahawí꞉tonke, tánon né kí kí꞉ken né kwáh enkaná꞉nonhake tsi enkariwanirate tsi eren enskahawitonhke ne raorihwanerahát꞉tshera: né nó꞉nenh neh enrón꞉niate nó꞉nenhiaokons ne tsi wát꞉tsenharakwahs tsi ní꞉ioht ne ohsawé꞉ta oneniá꞉okon tekarí꞉ton kenknihwas, iah kaneka ne iotó꞉kenti kanawahatásonhas kes nahontsienkwahronhniate ne ietsienharaʼkwà꞉ke ne shé꞉kon akatá꞉ke.

Jeremiah 28:9

Ók kíʼ ne rotokénse ne ieióhe ne skénnen nék enkahkwéni nahonwahiénterehne tsi rotokénhse ne tsi kwáh Roiá꞉ner oriwihiohónwe thoteniéton nónenh nètho rotokénhse nahó꞉ten iehóhe thóh naháwenhne.”

Ezekiel 33:33

Ók kíʼ nónenh akwékon ne sawenhnahókonhs oriwí꞉io enwáhton—tánon kíʼ kwáh thóhske ienwáhton—ethòne kíʼ enhonahteriéntarahne ne rotokenséhakwe tsi rathikwekónhne.”

Ezekiel 38:23

Thóh ki ní꞉ioht tsi enhkheʼienésten nonhkweshón꞉ʼas tsi keshástsʼte tánon watiatatokénti. Ethòne enhonahteriéntarahne tsi Í꞉i ne Watiá꞉ner.”

Ezekiel 44:7

Rotihetkénton nakenonsatokénti tsi wahonwathiríhon ne iáh tehonatewahrahkwétharon ne thihononhontsátes, nónhkwe ne iáh tehionkewenhnaráhkwa, niahontháwehiathe Nononhsatokentiʼkówahne nónenh ne ionarésenhs tánon ne rahothinhekwénhsas ne konhwanahtsatatʼtsahátons ne katshénenhs hiontʼtáti. Káti nahkonhkwetashón꞉ʼas wahthatíhiake nahkateriwahsehronhniátshera né tsi nihioteriwahthehasónhas tsi nihonahtieráhnions.

Malachi 3:1

Satkáhtho, ienhiiaténniehte ne rakerihwakarenièn꞉nis nahakkhahahserónnien nakhén꞉ton, tánon ne Roiá꞉ner ne tsi sewahrhá꞉re thentiawènhstsi ènrawe ne raononhsatokenhtiʼkowáhne. Ne ne rarihwakarénieʼs naterihwahseronniáhtshera raonhá꞉ke nón꞉we niiontionʼwesáhtha—orihwiioʼón꞉we, tsi tá꞉re, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 18:2

Taietʼtsihiaténhaf ne sewatátenons, ó꞉ni ne rahotiʼtiókwa ne Levi, ne skát꞉ke ahisewahióten tánon naietʼtshisniénon tsi nikaríhwes níse tánon ne sehiohʼokónhas sewahióte natohsehrákon.

Numbers 18:21

Ne Roiá꞉ner wahénron, “Tekhehiáwi ne Levites akwékon tsi nihatikáriaks NʼIsraerʼró꞉nons ne tsionhkáwi. Né kí꞉ken ronatkariakténhni tsi nihotihióte tsi nihatinikónhrare natóhsera tsi nónhwe nikíteron.

Numbers 25:12

Káti tsróri tsi aterihwaseronhniátshera wakonhniʼhátie tsi natehiatiátere ne rahónha né꞉ne tsi nénhwe enhioiánereke.

Numbers 3:11

Né Roiá꞉ner wahawénhase ne Mahís,

Numbers 3:12

“Né Levites ónenh kíʼ Í꞉i akonhkwéta wahónton. Nó꞉nen shaʼkhenonhwariákonh ratiʼkwékon ne tahontiérenhte wahonhnákerate ne Egyptró꞉nons, wahiʼhiatatoʼkéntiste tsi shí꞉ken ní꞉ioht ne kwáh Í꞉i riʼiénha íken né thakowánen ne skawatsiʼráʼtshons enhotiʼwiraiénhtaʼne NʼIsraerʼró꞉nons kawátsires tánon nenhtewatiérenhte enhonnákerate ne katshénens. Nónhwa, khèʼkok nenhtewatiérenhte enhotiwiraiénthaʼne NʼIsraerʼró꞉nons tsi ní꞉ioht Ní꞉i riʼiénha akénhake, Levites kíʼ khehiaʼtienawáston; roʼnónha kíʼ nakonhkwetaʼshón꞉ʼas enhónton. Í꞉i ne Watiá꞉ner.”

Numbers 3:45

“Ó꞉nen sehiatatérist ne Levites tsi Í꞉i akonhkwetaʼshón꞉ás í꞉ken tsi ní꞉ioht ne thoʼnatierénton ne Israerʼró꞉nons rahotiʼnekenteronhtsheraʼsónhas, tánon sehiataʼtériste ne Levites rahotiʼtshenenhókons né꞉ne tahonsahonwatiʼnakthákwen ne thoʼnatierénhton roʼnanakeráton ne Israerʼró꞉nons rahotiʼtshenenhó꞉kons.

Matthew 3:12

Rahaȣe ne rasheȣata, akȣekon enhaseȣe ne rahonatsia, rahononsoharake ienhateȣeienton; nok ne kaȣahe otsirake nʼiah teȣasȣas ienhoti.

Luke 10:11

Ok nehe sakȣarasitokeȣate nionkȣakenraraonne iakȣasitokon tsi ionkȣataȣeiatonne ne seȣanatakon: Seȣariȣaienterihak ki sane tsi onen taȣe ne Niio raonakerasera.

John 15:2

Akȣekon rannhatiaks tsinikon ne iah teȣaianiiontha nakonhake, sakoratensta tsinikon ne ȣaianiiontta, naiaȣens kenha senha eso aonhianiionten.