Malachi 2:2 - Ohiatonhseratokénti

² Tókaʼ iáh tesewatahonhsatáthe, Tókaʼ iáh tshiaesewá꞉ien ne sewerià꞉ne naesewaiaʼtanehrákwahte nakhsèn꞉na, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, eʼthó꞉ne kiʼ ienkaténniehte ne kakaronniáhtsheraʼs ne tsonhá꞉ke tánon enkhétkenhte ne saiaʼtaterihtsheraʼs; kwáh í꞉ken tsi ó꞉nenk wakhetkénhton, tiorí꞉wa tsi iáh sewerià꞉ne tshiesewá꞉ien.

Malachi 2:2 ပူးပေါင်းရင်းမြစ်များ

Psalms 69:22

Aiáwenhs tsi nihonathénhniote ne ahontakarihónhniaʼte tsi ahonwanateristaiénhase; aiáwenhs tsi nihonatekwáhere skát꞉ne ne ronhtenhroshónhas né ahontakarihónhniaʼte tsi ahonwaʼtisénhni.

Proverbs 3:33

Roiá꞉ner enhà꞉ren kahrewahtáhtshera tsi nón꞉we nihatì꞉teron ne rotirihwanerenʼákskon nok enhaiaʼtaté꞉rihste tsi ratì꞉teron ne tionkweʼtaié꞉ri

Isaiah 42:25

Sók kí tahawe:ron rahonhàke ne iotaríhen raoʼnakwáhtshera tánon nateriatitkhóntshera nateriʼiósera; kwáh wathokwahtásete tsi wahoiatáteke, ók iáh kí teonikonraientáhon; wahohiaʼtáteke, ók iáh kí tsèhio ne raweriá꞉ne.

Isaiah 47:7

Í꞉senh, “Kwáh kí entewakeniaró꞉taron tsi nènhwe enkénhake,” né ká꞉ti tsi iáh tesarihwakéron kí nahorihoténsons ne seriá꞉ne khés nahisisehiaráhon ne tsi ieionateríhokʼte.

Isaiah 57:11

Ónhka wahiaterónhkwe tánon wesaterónhne né ká꞉ti tsi wasanó꞉wenhte, tánon iáh teskehiaʼráhon khés naskanontonniónhon? Iáh kén sák thiwakatatónhni tánon tewakateronhwékon, tánon ká꞉ti iáh tesketsaníkon?

Jeremiah 34:17

Káti ónenh, Í꞉i, ne Watiá꞉ner, enkíron tsi iáh teskwahwenhnahráhkwen; tsi iáh thaʼtetsitsihiáwi rahtiʼkwékon ne Israerʼró꞉non ne rahonaʼthawewenhnihiótshera. Kwáh ioiánereh, néki, enkwáhion naʼthatewenhnihiótshera: ne naʼthatewenhnihiótshera ne ne tsi wahterí꞉io nónhwe nenhsehwénheʼie, kannrahtharinhetsherákon, ó꞉ni naʼthonkarhiákon. Kwáh tsi niaʼteienahkerahseráhke ne tsi ionwenhtsiáte tsi enietʼtsanísehke tsi nenhʼkwahiérahse.

Ezekiel 3:7

Ók kwáh iáh ónhka nonhkweshón꞉ʼa ne Israerró꞉nonhke nahonnérehke nahonthahónsahthaʼte; akwé iáh ní꞉ih tehionkatahónshatats. Rahtikwékon rothinonhtsistaníronhs tánon iáh tehontewenhnahráhkwah.

Haggai 1:6

Wé꞉so sewaienthóhsheron, tánon kenʼk ní꞉kon sewaienthó꞉kwen; tesewatská꞉hon, ók iáh kí nonhwén꞉ton tiatesewaié꞉rihse; sewanekirenháties nonenhará꞉keri, ók iáh nonhwén꞉ton tesewaniataná꞉wens; sewathatanawénston, ók iáh kí ónhka teiakohiaʼtarí꞉hens; tánon í꞉se ne sewanhá꞉tsheras tsi natesewathentiáhas kaiará꞉kon sewatáhas iohiarakà꞉ronhte nenhʼné꞉e.

Haggai 1:9

Wesewésake ne wé꞉so akénhake ók kenk nón꞉kon wesewaʼtshén꞉ri. Tsi nahotentontesewáhawe; i꞉se iahonká꞉ti. Nón꞉tieren? rá꞉ton ne Sakoiá꞉ner ne ratironhiaʼkehró꞉nons. Tiorì꞉wa nakenonsatokentikó꞉wa ehtà꞉ke káien iorihwenhtàhon, otsák ní꞉se sewakwé꞉kon iathetsisewatskén꞉ni tsi tisewahnonshó꞉ton nientsisewatátkhe.

Malachi 2:1

Tánon nón꞉wa, kí sewatsihènhstatsiʼs, kí꞉ken karihwatáhtshera í꞉se sewarihwá꞉ke.

Malachi 3:9

Sewanoronhstén꞉nis ne ne kahrewahtáhtshera takáhawe, aseʼkénh takwanenskwenhá꞉tons—kwáh sewentiokwakwé꞉kon!

Luke 17:18

Neok kenh kehiken nok thihate tontahononȣeratonne ne Niio.

Joshua 7:19

Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”

1 Tiér 4:11

Nónka ionteriwahnótʼtha ónenk tsi ne enhionteriwahnóhten ne Rawenni꞉io rahotheriwanohtátseras; ónhka ne iakohióte ónenk tsi ne énhionste ne kasatsʼténsera ne Rawenni꞉io tesakówis, nekáti kwáh oriwakwékons nahónton rahonháke ne Ié꞉sos Kerístos tsi tahonwanonweráton ne Rawenni꞉io, rahonhatsíwak rahówenk ne kahiatanerakwátsera ó꞉ni kasatsʼténsera tsi nienʼhénwe ó꞉ni tsi nénwe. Éhʼtho naiáwen꞉ne.

Revelation 14:7

Tsi wahén꞉ron kwáh í꞉ken tsi rowénhte, “Tetserenhsá꞉ron ne Ní꞉io tánon tátion ne kaiatanerakwáhtsera, asè꞉ken ne kawistáhets ne raoriwenhthá꞉tsera ón꞉we aseken rahonha tensakohiatorente nonkweshonha. Senhnaien tsi rahonha roson tsi karonhiate oni tsi ionwenhsate, kaniatarakekowa, tanon ne tsi ionekotons nonekanos!”

Revelation 16:9

ne wahakonethentát꞉te ne kwáh í꞉ken ioʼtarí꞉hen, ók wahonwasenhnaiésate ne Ní꞉io, tsi niká꞉ien ne rokweniatsherá꞉ien tsi nokwáh kí꞉ken kanhratariné꞉tsheras, tánon iáh teshonatatrewá꞉ton ó꞉ni nahontahónhion kaiatanerakwáhtshera.