Luke 8:15 - Ohiatonhseratokénti

¹⁵ Nok kenh kaien ne tsinonȣe niionȣentsiio niiokerontaon, neh neneh iakoton ne konȣaȣennaronken, akaȣeriane iakaȣeten oni iakoteȣeienton, nok kanikonriiotserakon enkanorari.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁵ Nok kenh kaien ne tsinonȣe niionȣentsiio niiokerontaon, neh neneh iakoton ne konȣaȣennaronken, akaȣeriane iakaȣeten oni iakoteȣeienton, nok kanikonriiotserakon enkanorari.

Luke 8:15 ပူးပေါင်းရင်းမြစ်များ

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 51:10

Á꞉se saskerhiashónhnien né꞉ne werhiasí꞉io, Ó Sewenní꞉io, tánon ne saʼsé꞉tha né á꞉se tánon tkariwaiéri ioriwaʼtó꞉ken kanikonraʼnirát꞉tsera nakonháke.

Proverbs 3:1

Konién꞉ʼa tóhsa sasaʼnikónhrhen tsi nahò꞉ten enkonrihónnien. Tiótkon sehià꞉rak thóh náhshiere tsi nahò꞉ten enkonhró꞉ri.

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Jeremiah 32:29

tánon enhatitsiró꞉ten. Kwáh enhontenonhkwahtette, tienwahkwekónhaʼke ne tsi kanonhsóhtons tsi nónhwe nonhkweshón꞉a nihionkenahkonhníhon tsi wahkonwaʼtienkwahronniáten ne Baal ne karonkwenahkésons ó꞉ni tsi tahathinekáhwehron notsítsa tsi wahonwahtítatʼtse nohiáson niʼiohokónhas.

Matthew 24:13

Nok tanon onka iatenharionkote neh enhaniakenne.

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Luke 6:45

Raȣeriane tatakȣas kariȣiios ne tronkȣetaieri, tsiki niiot ne ronkȣetaksen ne kiok ne kariȣaksen tatakȣas ne raȣeriane; aseken tsiniiot tsi iteȣat naȣeriane eh ki niiot tsi ieȣatatis naȣennasa.

Luke 8:14

Kenh kaien nohiktokon ieiokerontaon, neh iakoton nonen konȣaȣennaienteri nok ki eh nonkati tsiakoiatontieton tsini iorihoten nonȣentsiakeka, teiakohnikonrhare atsokoȣatsera oni kanaiesera, neseȣaonni iah ki tiieȣatonnisahas.

Luke 8:16

Iah ȣahi neneh onka nʼoksaok aienakoroke nonen ȣaehaseroten. Iah oni ȣahi ne kanaktokon tiiaionsete; iehaserotakȣake tanon enhienioten, naontkatto tsiniiakon iontaȣeiatha, oni taiakosȣatheten.

John 14:15

Toka takȣanoronkȣa seȣateȣeienton ki nakeriȣaokon.

John 15:10

Nenseȣateȣeienton nakeriȣasonha akenonȣetserakon ki entsionnheke; tsi ki nii niȣakenonstaton ne Rakeniha raoriȣaokon nok raononȣetserakon konnhe.

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

Romans 6:22

Nók kíʼ nónwa ónen tsi sewathotaríshion ne kariwanerenhákʼkonke, tánon kíʼ ónen thóhʼnon nitsisewanáskwa tsi nòkwati ne Rawenni꞉io. Enkanánon natónʼnhets tensewaténtsa tsi nensewariwatóken꞉ke ne rahonháke, tánon ne iehiokwékton natonʼnhes ne ionʼnheónwe.

Romans 7:18

Wahkateriéntare nahoténsons neh iotkwéniens iáh teiakenikwékon—neh tsi niʼiohrenʼnáhon ne tierónke. Iawerohátien tsi wákrhe naskanéktsera neh thoʼnátiere nahóten neh iotkwéniens, iáh tatkwéni neh thonátiere.

Romans 7:4

Ne aoríwa thonónnise ní꞉ioht ne tionhakéson, tewatatékens. Tsi shíken ní꞉ioht naihsewenhéion, tsi nióre iekéntons ne kaianerénsera, ne tsi éhʼtho sewahiatanentánon ne raiatátake ne Kerístos; ónen káti rahónha rahonkwéta sewatónʼon tsi nikáien ne sonwákheskwe ne kenheiátne ehnahontáwe khnahótenk aihtewarihontáko natsitewahiótense ne Rawenni꞉io.

Romans 8:25

Nók tòhka neh tewaskáneks tsi nahóten neh iáh tehionkwatʼkáthon, thetewahwisʼsátsʼte kíʼ tsi ionkwárare.

1 Corinthians 7:19

Asèhken tóhkaʼ ahotewahrakwétaronke ne rónkwe tóhkaʼ ó꞉ni iáh, iáh nenʼné꞉e thènen teʼkéntons; nahóten kariwahkweʼní꞉io né꞉ne ahiontewénhnaraʼkwe ne Rawenni꞉io raotiawenráhtseras.

Ephesians 2:8

Asèken nehne Rawenni꞉io rahoténrat tsi saniakénton teiahonkóthon ne tewetákwen. Iáh neh tehiorihonʼníʼon tsi nahisahiotén꞉en, nók ne tsi Rawení꞉io sakówis, neh káti ne tóhsa ónka ahiontatóharakwe.

Deuteronomy 30:6

Ók ki ne Roiá꞉ner SewaNí꞉io kwáh enhakwahtháko ne seweriánes ní꞉se ó꞉ni tsi niensewatwatsí꞉rine natsisewawenhnaráhkwake, ne káti ne kwáh seweriasakwé꞉kon tsi atsisewanorónhkwake ó꞉ni sewatonhnetserakwé꞉kon, ne káti ne iahisewakón꞉taʼkwe ne tho nón꞉we nihiohontsá꞉ien ahisewanákereʼke.

Philippians 1:11

Ié꞉sos Kerístos thenhiaweiennaráhte ne ensaióhten ne kaiohtenserí꞉ios ne iewathihénthos ne kahiatanerakwátshera ó꞉ni ne aʼhonwasén꞉naien ne Rawenni꞉io.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 1:6

Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

Hebrews 10:36

Teshewahtonwenhtió꞉ni naisewahnikonkastheke, ne nahónton thóh nahisewá꞉hiere tsi nitanónwes ne Rawenni꞉io ó꞉ni nahisewahié꞉na tsi nihorahratston.

Hebrews 2:1

Ne aoríwah ónenk tsi enhiorihwahníronke tsi entewahtiénawasʼte norihwiʼioʼón꞉we tsi nahoténson ionkwahrónken, né꞉ne tósa kénk tiaionkwahiaténhawe.

Ne꞉ne Sák Rohiaton 1:4

Kwáh oriwí꞉io kénhak tsi nensewanikonkátsʼteke kwáh hiatentiótʼten tsi iáh taihsewariwanóron, tánon ó꞉ni naiontónʼon nahontesewariwaiérike tánon kwáh iahiotsaháthon, ne iáh thènen tahontesewatotʼtánike.

1 Sawátis 2:3

Tóhka entewatewénnaraʼkwe ne Rawenni꞉io rahotiawenrátsheras, ne káti kwá oriwí꞉io enhiontiónnien tsi entsitewaientéri.