Luke 7:13 - Ohiatonhseratokénti

¹³ Ȣahonikonranonȣake ne Roianer tsiniiot tsi ȣahatkatto, ȣarenhase: tosa tesasentho.

Neh Nase Tsi Shokȣatakȣen 1880 (4 Gospels by Joseph Onasakenrat)

¹³ Ȣahonikonranonȣake ne Roianer tsiniiot tsi ȣahatkatto, ȣarenhase: tosa tesasentho.

Luke 7:13 ပူးပေါင်းရင်းမြစ်များ

Psalms 103:13

Tsi kiʼ ní꞉ioht ne kanísera tsi natesakoró꞉tons ne sakoiohokónhas, káti ne Roiá꞉ner thóh kíʼ natesakoró꞉tons tsi nihiákon ne ronwaʼrihwakweniénstha.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

St. Mark 8:2

Oriȣiio tsi khetenre kehiken teȣakanitiokȣaton, onen asen nonta shiionkariskonton, iah oni othenon tehonatennatseraien.

Luke 10:1

Ethone are onen ne Roianer sasakoiatarako tsiatak nihatiiatasen nok teionkȣetakehatie tsi iasakotori tsi kanataienton tsi oni nonȣe neraonha niienhenre.

Luke 11:1

ONEN are raonhaa ionsonton, ȣahaterennaien, nok nonen Sahaterennaientako Saiatat ne raotiokȣa ȣahoriȣanontonse ȣahenron: Seȣenniiio! takȣari onnien tsi naiakȣaiere naiakȣaterennaien, tsi nihoieren ne San tsi Sakorionnienni ne raotiokȣa.

Luke 11:39

Nok tanon ne Roianer, tontahenron: ionerakȣat ki oni nise Pharisian neseȣaiatoten tsi astste ok nonkati Seȣanohares ne seȣastsesonha, seȣakerassonha oni; nok ne seȣeriane titkahere ne kanenskȣen, oni ȣanontonniontseraksen.

Luke 12:42

Tontahenron ne Roianer: Onka neh ne ronkȣe ne Roianer ahorihontake asakoststeriste ne kannhatsera, asakokariakse oni tsi natehonatenstson.

Luke 13:15

Nok ne Roianer tontahoȣennaȣeron, nok ȣahenron: Tesanonȣaraȣenrie! iah kenh teietsinerensions naȣentatokentike neseȣatsenenhoken naiestsinekanontenra?

Luke 17:5

Ethone ne Ratikȣekonne ȣahonȣenhase ne Roianer: Takȣaiestas ne teȣetakon.

Luke 17:6

Nok ne Roianer tahenron: arahona tsini kanenha notsinekȣar nikatsinetaroten niȣa aeseȣaientake ne teȣetakȣen: Iah othenon tehken aeseȣenhase kehiken kerhite: ȣatenaharostsi nok kaniatarake iekaniotann; nok enseȣaȣennarakȣe.

Luke 18:6

Ȣahenron kati ne Roianer: akȣa otokenhon seȣataonsatat: tsini haton ne tehaiatoretatseraksenskȣa.

Luke 19:8

Nok ne Zaché eh ȣathatane rahohenton ne Roianer ȣahenron: Saianer asennon nenkheion tsiniȣakien ne iakotent: nok kaneka nakhekaronnihke kaieri natentiaseren tsi enskien.

Luke 22:61

Nok ne Roianer tontahatkarhateni ȣathotkaneren ne Tier; nok ne Tier sareiarane tsi nithotati: ohenton naontontati ne kitkit asen nenskatonnhiiase.

Luke 24:3

Nok iakonstsnente, iah kahneka tetsionatkatton ne Iesos raoieronta.

Luke 24:34

Rontonhakȣe oni neneh: oriȣiio tsi shotonnheton ne Roianer, Simon shoken.

Luke 7:12

Onen thoha shiiahanatarane, eh ȣathonterane ratirontotserenhaȣi ȣahonȣaiatatahannhe, iotereons neok oni enskat ioȣiraientakȣe ne kenh ranekenteronkenha, Kentiokoȣanen kati netho ienakere konȣariskontonhatie.

Luke 7:14

Nok akta niiahare kenh oni niiahaiere tsi karontotseraratie; nok ȣathatitane neratirontotserenhaȣi, nok ȣahenron: Senekenteron II ȣakonrori, Satkestsko.

Luke 7:19

Nok ne San teniiase ȣasakoiatarako tsini hotiokȣa: nok iasakotori tsi itres ne Iesos, nahonȣariȣanontonse, ahniron: ise ken ne tare, katen sekon oia enshakȣarhareke?

Luke 8:52

Akȣekon ok tehonsenthoserons, rontatonstskȣenaiahakons tsinikonȣannhatens oni tsini hotinikonranonȣaks; ȣasakaȣenhase kati: Tosa teseȣasentho: iahseteiaȣenheion, neok se neiotas.

John 11:2

Neh kehiken Onȣari ne ȣenhienakon oni ȣenhienanoron ȣahahokaȣe ne Roianer, nok ok neh nahononkȣis sakarakeȣate; nok ne Lazar rohnonȣaktanihakȣe aonha iatennosenha.

John 11:3

Iatiateriȣaniete kati ne rontennosenha tsi itres ne Roianer tiatonne: Saianer onen rohnonȣaktani ne hetsenoronkȣa.

John 20:13

Nok ȣakonȣenhase: oh niiotieren tsi tesasenthos? tontakenron: ne ki tsi teionkekȣenni ne Roianer, tanon iah teȣakaterientare kah onte niiehonȣaiatenha.

John 20:15

Ȣahenron ne Iesos: oh niiotieren tsi tesasenthos? onka seiatisaks, ȣahere naonha tsi onnontonnion neh kenh ne ratsitsiaienthos, ȣahaȣenhase kati: Saianer; toka ise iestsiatenha, takrori tsinonȣe nisaien nok iensekko.

John 4:1

SAHOTOKENSE ne Iesos tsi ronton ne Pharisian tsi raonha senha rotiokoȣannhaonhatie, senha oni raonha eso sakohnekȣahesta tsiniiot ne saȣatis.

John 6:23

Nok tanon nonen etho sonsakontkennisa noniarotasonha Tiberiad natontakonne akta tsi nonȣe ne Iesos nihaiatateriston ne ȣisk nikanatarake oni sakononten.

1 Corinthians 7:30

tsi niháti ne tehonséntos, tsi shí꞉ken ní꞉ioht ne iáh tethotinikonrén꞉en; tsi niháti ne rohtiʼiésshions, tsi shí꞉ken ní꞉ioht nahonatʼtsiennonníhake; tsi niháti ne ratinínons, tsi shí꞉ken ní꞉ioht ne iáh tehonawénhkonwe tsi nahóten rohtinínon;

1 Thessalonians 4:13

Tewatenroʼshón꞉a, tehionkwahtonhontió꞉ni naisewahteriéntarahne norihwiʼioʼónwe tsi niháti ne rohnenhéion, nekáti ne tóhsa aisewahnikonrákʼsen, tsi nihotihiátawens ne iáh thènen tehotirahratsheráien.

Hebrews 2:17

Ne kí꞉ken kéntons kwáh thóh nen ronnoténhne tsi ní꞉ioht ne rahonkwatasónha, ne nahónton nahoriwahtokénhake ó꞉ni nahotanitenrátskon tsi ratsihentowáhnen íken tsi nihoʼiótense ne Rawenni꞉io, nekáti nonkwesónhas nahonsahiontatenikónrense nakorihwahnerahákʼtshera.

Hebrews 4:15

Nonkwahtsihenstowáhnen iáh raónha tèken ne iáh taonikonraientáhseke tsi niʼionkwahtsiʼióha. Onk khèkenk, Rahtsihenstowáhnen ionhkwahtsihénstaien kwáh tsík nitiotieráhton tsi tehʼonwahnikonraʼráskwe kwáh né sháka tsi kíʼ ninihionkwahiátawes, nók iáh teorihwáhneren.

Judges 10:16

Sók kíʼ é꞉ren shahatihawithánion ne rahotihiatonhnisónhas tánon wahonwasénhnaien ne Roiá꞉ner; tánon waʼtathatenikonhráhren tsi nòkwah ne nʼIsraerʼró꞉nons rahotironhiakénsera.