Luke 6:26 - Ohiatonhseratokénti

²⁶ Seȣententasere ise ne tenhietsirensaronnion nonkȣeokon! Ehse oni nehne nisakotiierasehakȣe ne sakotiniokonkenha ne Rotitokensetseraksenskȣe.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁶ Seȣententasere ise ne tenhietsirensaronnion nonkȣeokon! Ehse oni nehne nisakotiierasehakȣe ne sakotiniokonkenha ne Rotitokensetseraksenskȣe.

Luke 6:26 ပူးပေါင်းရင်းမြစ်များ

Proverbs 27:21

Tsi iotékha ne ó꞉tsire enwahthró꞉ri tókaʼ kenh aóskon ohwistanó꞉ron tókaʼ niʼ kenh kahwistarà꞉ken. Ne ká꞉ti shá꞉ka nón꞉kwe enwathró꞉ri tsi naiakohsenniióhake.

Isaiah 30:10

Ronnónha sakonénhni ne iehatiʼrihwákens, “Tó꞉sa sewatkátho”; tánon ne rotitó꞉kense, “Tó꞉sa iasewarihwáken tsi nahó꞉ten tkariwaiéri nonkwahrihwàke; né takwahtháras ne waterihwatiéʼsens í꞉ken, ne iaʼsewarihwàke ne tekarihwarastánion,

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Micah 2:11

Tó꞉ka shí꞉ken onkát ne iakotharátses ne onowenhtós꞉kon í꞉ken, aiontón꞉heke, “Kwáh ienkerihwà꞉ke né꞉ne onenharataʼsehontsherákeri tánon ne ionekaní꞉ron,” raónha kíʼ iensakorihwákense ne rahonkweʼtashón꞉as!

Matthew 7:15

Seȣatatenikonrarak kati, enhietsiiatorenne ne rotitokensetseraksens, teiotinakarontonha enhohnatiatontakȣenhatie, nese naoskon Okȣaho oni tsini hatinenskȣas.

Luke 6:25

Seȣententasere ise nonȣa seȣahton! Aseken entsiseȣatonkariake. Seȣententasere ise nonȣa seȣaiesson! Aseken entsionshenanion nok tenseȣasenthoseron.

John 15:19

Ne netho naeseȣaȣeiennoten tsiniiot nonkȣesonha oriȣiio tsi aietsinoronkȣe, nok tsi iah eh teiot, ok eken tanon kȣaiatotarhon nonkȣene, neh ȣaonni iestsisȣens nonkȣeokon.

John 7:7

Iah teietshiȣens nonkȣeokon, nok tanon ionksȣens, neh tsi kheriȣasȣase tsini ieȣeiennaksen.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

Ne꞉ne Sák Rohiaton 4:4

Ne iáh teiakoriwatóken nónkwe! Iáh kén tesewateriéntare né꞉ne ahisewaténroke né tsi ionwentsiáte ne kéntons tensewaterohserák꞉sen ne Rawenni꞉io? Tóh꞉ka íhsere neh ahisewaténrohke ne tsi ionwentsiáte, wahsathatónnien natsisewáshon ne Rawenni꞉io.