Luke 3:16 - Ohiatonhseratokénti

¹⁶ Tahenron ne San; neok se nii naȣenke kȣanekȣahesta, tihaiatate ohnaken tare nehe senha rokȣeniatseroȣanen, akȣekon iah teȣakerionte neok oni nahiiennikatsenanerensi, neh Onikonratokenti nok Otsire hentsiseȣanekȣahestakȣe.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Tahenron ne San; neok se nii naȣenke kȣane-kȣahesta, tihaiatate ohnaken tare neho senha rokȣeniatseroȣanen, akȣekon iah teȣakerionte neok oni nahiiennikatȣenaneronsi, neh Onikonratokenti nok Otsire hentsiseȣanekȣahestakȣe.

Luke 3:16 ပူးပေါင်းရင်းမြစ်များ

Proverbs 1:23

Sewatahónhsatat nó꞉nen enkwattéhten; entkwá꞉ion ne karihwí꞉io, entkáhtkaʼwe tsi ní꞉kon wakaterién꞉tare.

Isaiah 32:15

Tsi nió꞉re ne raonikónra ne Rawenni꞉io éhʼneken entkaiénthaʼkwe tsi entionkwahwerónhase, tánon ne iahonwenhtsiatʼthénhake ne iensewáton nahonsahkahetí꞉ione, tánon tsi nitsohetí꞉iohon karakonkówa ne iensewáton.

Isaiah 4:4

ne nó꞉nen ne Roiá꞉ner sakoiatohétston tiókonte ne wískʼkháton iehónhnete nahoiatasetsherashónhas ne Zion tánon shonóhare ne ionekwenhsarónhnionkwe ne Jerusalem thóh kanenhríhen nahoshastsʼtenhserákon ne karihwenhtátshera tánon ne kashastsʼténhsera ne tsi iotétkha.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Matthew 3:11

Nese ok ȣahi nii naȣenke kȣanekȣahesta nakaieronnihake tsi tsiseȣatatreȣata; nok tanon nʼonaken tare neh senha rokȣeniatseroȣanen, akȣekon iah teȣakerihonte neok oni ne rahota akathaȣa: rahonha ensetsiseȣanekȣaheste Rahonikonra tokentiserakon oni otsirake.

Matthew 3:12

Rahaȣe ne rasheȣata, akȣekon enhaseȣe ne rahonatsia, rahononsoharake ienhateȣeienton; nok ne kaȣahe otsirake nʼiah teȣasȣas ienhoti.

John 1:26

Tontahenron ne Saȣatis: neok nii naȣenke khenekȣahesta nok tanon saiatat seȣentiokȣakon renteron nehne iah tetsiseȣaienteri.

John 1:27

Neh tenhiatiatasonterako, takhenteston, oni; neh oni noiah teȣakerionte neok oni nahiiennikatsenanerensi.

John 1:33

Iah ki oni tethiienterine: rahonhaki ne iehakatorion akhenekȣahestana naȣenke raȣen: neh nenstsken enhotienhase ne Rotkon Roiatatokenti neh onsakohnekȣaheste nonikonratokentike.

John 7:38

Onka taȣetakon niihne, tsiniiot tsi kaiaton nʼOiatonseratokentike, kaihionhiios entkanaȣeroten rahonekȣentakon.

Acts 1:5

Ne Sawátis onékanos sakonekwahétsʼtakwe, nók tsi nióre ne thoʼkára nen wenʼniseráteʼke neh ensewatenekwahétsʼtakwe ne Rahonikonraʼtokentísera ne Ronokonriʼióston.”

Acts 10:44

Tsi náhe sékon ne Tiér rotretiáronkwe, ne Ronikonratokén꞉ti wasakohiatórenʼne tsi nihiákon iakotahónsate tsi rotheriwanóthe.

Acts 2:33

Tsi sonwakétskwen neh꞉ne tsi raweienthetákwen nòkwati ne Rawení꞉io, ne Roʼníha, ne Rawení꞉io thó꞉wi ne Rahonikonratokén꞉ti, kwáh tsi nihorahrátston. Tsi nahóten nónwa sewatʼkáthos ó꞉ni sewarónkas nehne rahotathawítsera tsi nisonkwahiatanorónston.

1 Corinthians 12:13

Kwáh ne sáka, tewahkwékon, tóhkaʼ Sitaeró꞉nons tóhkaʼ ó꞉ni iáh tehatiʼsitaeʼró꞉nons, tóhkaʼ ienáskwah tóhkaʼ ó꞉ni iontatewenhní꞉io, iontatenekwahéston eh skátʼke ne skaierónta né꞉ne sakanikónrat, tánon énskak khók nonikónra tionkihiáwi nahitewahnekíra.