Luke 23:46 - Ohiatonhseratokénti

⁴⁶ Ethone ne Iesos ȣathohenrete Ȣahenron: Rakeni sakonhion nakatonnhests; akȣa neok ȣahateȣennokten nok ȣahatonniseraton.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁶ Ethone ne Iesos ȣathohenrete Ȣahenron: Rakeni sakonhion nakatonnhests; akȣa neok ȣahateȣen-nokten nok ȣahatonniseraton.

Luke 23:46 ပူးပေါင်းရင်းမြစ်များ

Psalms 31:5

Sahʼnonstatierákon nón꞉we nakatathíteron; Kwáh kíʼ enstiatanóns꞉thate, Ó Saiá꞉ner, sarihwaʼtóken Ní꞉io.

Ecclesiastes 12:7

Nonhkwahieronhtasónhas okènrah iensehwáton ne tsi ionhwenhtsáte, tánon nahonhnísehra ne tsi iakónhnhe kwáh nenhné꞉e Rawenní꞉ioke niénsehwe, tsi nikáien ne tesonhkwáhwi.

John 19:30

Nok nonen sahanekira ne Iesos ne iotsitsiatken, ȣahenron: Onen akȣekon onteȣeiennentane. Nok tahaniarenne, nok ȣahatonniseraton.

Acts 7:59

Kwáh tsiahatikóntawe ronwanenhióiaskwe ne Stephen, nehne raónha Roiá꞉ner hiahonáthon, “Saianer Ié꞉sos, tiénah nakwatónʼnhes!”

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.

1 Tiér 2:23

Nónen enhonwanikonrakaréwate, iáh nonwénton tathetoriwaserákwen nasakonikonrakaréwate; neh saharonhiáken, iáh thahóten tehoterónkwen, nók Rawenni꞉ióke nónwe naháien ne karharáh꞉tsera, ne tkariwaiéri tsi tehaiatorétha.