Luke 22:20 - Ohiatonhseratokénti

²⁰ Etho oni neneh nahaiere ne kastse nonen sahatikkȣentane, tasakaon, ȣahenron: Kehiken kastse neh nase tsi kakȣatakȣen akonekȣensake ne oni ne ietsinekȣensarise.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁰ Etho oni neneh nahaiere ne kastse nonen saha-tikkȣentane, tasakaon, ȣahenron: Kehiken kastse neh nase tsi kakȣatakȣen akonekȣensako ne oni ne ietsinekȣensariso.

Luke 22:20 ပူးပေါင်းရင်းမြစ်များ

Exodus 24:8

Ethòne ne Mahís waháʼthawa né kátshe ne kanekwénhsare tánon wasakonekwenhsóhiake nonhkweshón꞉ʼa. Wahénron, “Ne kí꞉ken nonekwénhsa ne kanakentó꞉rens nateriwaseronhniátshera né tsi nihóson ne Roiá꞉ner nónen shontatshí꞉tson akwékon kí꞉ken kariwatáʼtsheras.”

Jeremiah 31:31

Ne Roiá꞉ner ráton, “Táh꞉we nenníseras nónen á꞉se enshekheʼhiónnien naʼterihwahsheronniátshera ne onhkweshónha ne Israeronónke tánon né onkwesónha ne Judah.

Zechariah 9:11

Ne Roiá꞉ner ráton, “Ne aorì꞉wa ne tsi iontiateriwahserón꞉ni ne tehionehtorará꞉kon nonhekwénhsa ne karihwiiosehokón꞉as, kwáh ensetʼkhehiathatewenhní꞉ioste ne shonkweʼtahshón꞉ʼa— setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien, ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.

Matthew 26:28

Aseken neh kehiken nakenekȣensa, neh nonekȣensa nʼase Kariȣaniraststakȣen, kentiokoȣanen iontatenekȣensarise, naonsonterakeȣate tsi iakoriȣaneren.

St. Mark 14:24

Nok ȣahenron: neh kehiken nakenekȣensa, neh noriȣase onekȣensa skakȣatakȣaton, oni kentiokoȣanen iontatenekȣensarise.

1 Corinthians 11:25

Kwáh ne sahoríwah, nónen sahatikwéntaʼne wathatsétaʼkwe tánon wahénron, “Kí꞉ken kátshe né꞉ne Rawenni꞉io áse rahoteriwahseronniátshera, né ioriwahniráhton nahkenekwénsa. Nónen skát꞉ke ne ensewanekírahte, tsi thóh nenshié꞉re tahkehiarasʼtákwat.”

2 Corinthians 3:6

Shonkwáhnhas ne tsi teionkwaténhtshon ne kahnáhtshera ahshontión꞉ni ne orì꞉wase raoterihwahseronniáhtshera né꞉ʼe ne Oʼnikonhratokénhti nón꞉we nitiawé꞉non tánon iáh nen né꞉ʼe tho nón꞉we tetiawé꞉non tsi ní꞉ioht tsi kahiatónnion ne kaianerénhsera. Ne aorihwà꞉ke, ne kaianerénhsera ne khók tkáhas ne kenhé꞉ion, nok ne Roʼnikonhratokénhti ne né꞉ʼe tkáhas ne atónhnhets.

Hebrews 12:24

Rahonháke ne Ié꞉sos nontáh꞉se, rahónha shokwahtákwen náse aterihwahseronniátshera, tánon tsi tekanekwenhsentónʼon ne warahrátstha sénha ioiáneres tsi ní꞉ioht ne Abel raonekwénsa.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

Hebrews 9:15

Asèken ne kí꞉ken aoríhwa raónha Kerístos sarihwahserónnis náse aterihwahseronniátshera, né꞉ne tsi nihiákon ne Rawenni꞉io iesakonáton nahónton naieʼiéna ne ionhnheʼón꞉we kaiatateríhtshera tsi nihorahrátsʼton ne Ní꞉io. Ne kí꞉ken enwáhton ne thóh nakaiéren tsoríhwah tsi iekenʼhéion né tiakohiatotaríshions nonkweshónha tsi naʼtehonaterientawenhré꞉on tsi nikaríwes ne tiotierénton ateriwahserionniátshera katáh꞉kwe.

Hebrews 9:17

Asèken ne kahiatónsera iáh thènen tekástha tsi nikaríhwes sékon nihiakónnhe ne iakohiatonseríhson; thóh ne khók enwahtónnhethe nónen iakawenhéion.