Luke 18:14 - Ohiatonhseratokénti

¹⁴ Oriȣiio tsi kȣarori: neh kehiken shotiatokeȣenhatie tsi shotentionhatie nok iah ne saiatat: aseken onka iontatharatasts ehtake niienhentsion; nok onka ehtake iontatonni enhiontharatate.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁴ Oriȣiio tsi kȣarori: neh kehiken shotiatokeȣen-hatie tsi shotentionhatie nok iah no saiatat: asekon onka iontatharatasts ehtake niienhentsion; nok onka ehtake iontatonni enhiontharatate.

Luke 18:14 ပူးပေါင်းရင်းမြစ်များ

Job Tánon ne Raoronhiakensera 22:29

Nó꞉nen ne ronónha ronwanatehá꞉ton, tánon ní꞉se sáton tonsaietsí꞉tatsʼ ethò꞉ne ne raónha ensakonónstate.

Job Tánon ne Raoronhiakensera 25:4

Onhní꞉ioht nón꞉kwe ahiekwé꞉ni naiakoiá꞉nereʼke raohénton ne Rawenni꞉io? Ónhka ahiekwé꞉ni ne tsotonwí꞉sen iakawennakerátston nahiakoʼkwenienstónhake?

Job Tánon ne Raoronhiakensera 9:20

Iawerohátien tsi niwahtsiáneren, kwáh í꞉ih tsitsaká꞉ronhte enwakerihwá꞉roh; iawerohá꞉tien tsi iáh othé꞉non tewakenhitserá꞉ien, kwáh ki enharihwaní꞉rate tsi waʼkení꞉kon.

Psalms 138:6

Asèken iawerohátien ne Roiá꞉ner tsi nió꞉re tsi éhʼneken thénteron, tesakoteriéntare kí ne iakothenténion; tánon ne iontatónhni iáh thahónton naiesathaséhten.

Psalms 143:2

Tó꞉sa tseríhwent ne sanhátsera, asèken iáh ónhka ne iakónnhe teiakoiánere ne sahénton.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Proverbs 15:33

Ahtskweniénhsthake Roiá꞉ner ensarihónnien ne taiesaʼnikonhrátheʼne. Ó꞉nenk tsi enhsaní꞉tenhte nohén꞉ton nenhskwé꞉ni nahshié꞉na kakwenienhstáhtshera.

Proverbs 18:12

Iáh ónhka thatskwénienhste tsik roniténhton; nón꞉kwe iontatón꞉ni tho néntewe tsi eniontatkarón꞉ni.

Proverbs 25:7

Ne sénha ioiánere naesariʼwanón꞉tonhse sénha è꞉neken ahsaterihón꞉ten tsi ní꞉ioht ne aiesahró꞉ri akó꞉ren aontahshé꞉ion ne sanaktà꞉ke ne sénha è꞉neken tiakótte.

Proverbs 29:23

Atatkwenienhstáhtshera entkáhawe ehtà꞉ke niensaiaʼténhawe, nok tókaʼ saniténhton, eniesakwénienhste.

Proverbs 3:34

Iáh oʼthé꞉nen tehshakoniahé꞉sen ne iená꞉ie nok shakorihwakweniénhstha nónhka iakoniténhton.

Ecclesiastes 9:7

Wáhs satatʼthén꞉test—tesatskáhon tánon satonnhárak; snekíra ne sanèka otsiatsa tánon satʼtsenhnonhnihák. Thóh seh nihotenikonhrónhni ne Rawenni꞉io nashé꞉re.

Isaiah 45:25

Rahonhàke né Roiá꞉ner nón꞉we ratiʼkwé꞉kon ne sakoiohokónhas ne Jacob kwáh kí enhontkwéni tánon enhontonnháren.

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Habakkuk 2:4

Sehiatkátho ne ronhtatón꞉ni! Ne tsi rohnónh꞉nhe iáh tetkarihwaié꞉ri, ók ne tionkweʼtaié꞉ri thóh ne nón꞉we nironhnonhnhétse tsi nithanetákwen.

Matthew 23:12

Aseken nenhatatkonnienste enhonȣakenron nok nenhatatkenron, enhonȣakonnienste.

Matthew 5:3

Iakotaskat nʼiakonikonrenton: aseken akoȣenk ne karonhiake.

Luke 1:52

Sesakostskȣarakȣen ne ratisennoȣanens, nok neh sakosennoȣanaton nʼiontatkenronnis.

Luke 10:29

Nok tanon ne tehariȣakennhas tontahenron nahatateriȣiiosten: Onka nerieth satekonkȣe?

Luke 14:11

Aseken ehtake niienhentsien ne iontharatasts, nok enhiontharatate ne iontatkenronni.

Luke 16:15

Ȣasakaȣenhase kati: Iseȣere kinise seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

Romans 3:20

Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

Romans 4:5

Nók nónka ne rónkwe róien ne tewethákwen, iáh neh kahioténsera, Rawenní꞉ioke non nitawethákwen tsi nikáien ne rotʼróri neh iakoníkonh kwáh iáh othènen teiakosthónton, ne tsi thawetákwen thóhʼnon nihakenhénions ne Rawenni꞉io nek khók kakwénies nahonsahohianerásten tsi natehiátere.

Romans 5:1

Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

Romans 8:33

Ónhka ahiekwéni ahonwathiriwáhro neh Rawenni꞉io rahonkwetaʼsónha? Rahóna ne Rawenni꞉io sakoróris iáh tehothiníkon!

Galatians 2:16

Kati ionkwateriéntare nètho nónkwe kwahse entiakoianeraste tsi nòkwah ne Rawenniioke nek khók enkakwéni niataiotkawe tsi thonwetákwen ne Ié꞉sos Kerístos, iáh nonhwénhton ne tho nakaiehiere naoten ne kaianerenhsera kariwanonhtons. Í꞉i, ó꞉ni, tetsitewetákwen ne Kerístos Ié꞉sos neh nahónton aonsaonkwateriwakwaʼtákwase tsi naʼtethewátere ne Rawenni꞉io iataiotkawe nonkwetakwenhtsera rahonhà꞉ke ne Keristos, tanon tosa tho nakaieren tsi naoten ne kaianerensera kariwanonhtons. Asèken iáh onka tetiakoianerastenhnis tsi nòkwah ne Rawenniio neh thoʼnaiehiere tsi naoten ne kaianerensera kariwanonhtons.

Ne꞉ne Sák Rohiaton 4:10

Ehtáke sewatatón꞉ni rahohénton ne Roiá꞉ner, tánon raónha enshiasenʼnakarátate.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Samuel 1:18

Tánon ne Hannah wahéron, “Sheʼríhon ne sanhá꞉tsera aietʼtsénri nahontesariwaiériʼke tsi naʼteskánereh.” Eʼthóhʼne ne iónkwe tsi tewanonwétstha nionsáhwe, waʼtewatsʼkáhon tánon wakanekíra skátne ne ró꞉ne, tánon ne kakonsàke iáh ó꞉nenh tewé꞉ne nahonsaionikonraksénhseke.