Luke 16:26 - Ohiatonhseratokénti

²⁶ Iah ki oni neok toioriȣa ioshonhioȣanen tsi iotonȣentsiiakon ne teionkȣakhasiaton; nese ȣaonni iah teseȣatons ne kentho iaiontenti nok eh iaien tsi tesiteron, iah oni neh aontaiontenti nok kentho nahontaien.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁶ Iah ki oni neok toioriȣa ioshonhioȣanen tsi ioton-ȣentsiiakon ne teionkȣakhasiaton; nese ȣaonni iah teseȣatons ne kentho iaiontenti nok eh iaien tsi tesiteron, iah oni neh aontaiontenti nok kentho nahontaien.

Luke 16:26 ပူးပေါင်းရင်းမြစ်များ

Psalms 49:14

Kenhé꞉ion ienhiakosárihne; tsi ní꞉ioht ne teiotinakarontónha sakohentenhseháties ne sakó꞉nonhne; né iakoianere enhonwaʼnaterihwát꞉kweni, né raotiierón꞉ta iostó꞉re tsi enhiotken; thóh nón꞉we tsi tsohontsáien ne kenhé꞉ion ahí꞉non nió꞉re iéken ne tsi ratíteron.

Psalms 50:22

“Sateniéntenst kí꞉ken, eʼthóhne, ní꞉se ne tsisewaʼhiatanikonhrénhʼen ne Rawenni꞉io, tánon kwáh enkwahiataratiónko, tánon iáh ónhka nahonsaiesaniákente.

Ezekiel 28:24

Ne Roiá꞉ner wahénron, “Iáh ónhka natʼthatieshónha nonhkweshón꞉ʼa ne konhwatewehienaksaténhni Nʼisrael iáh shé꞉kon thóh nahiotónhake tsi ní꞉ioht ne ohíkta tánon onionhwáhra tahonshakonhwahkaréwahthe Nʼisrael. Tánon kwáh enhonahteriéntarahne tsi Í꞉ih ne Wakenonhtí꞉io Watiá꞉ner.”

Malachi 3:18

Eʼthó꞉ne shé꞉kon énska iensewáteratsteʼ kwáh ensewatkáhtho tsi naʼtetiattíhen ne iakoiánere tánon ne iakonkweʼtahétken, tsi naʼtetiattíhen nónhka ronwaioʼténhse ne Rawenni꞉io tánon ne iáh tehonwaioʼténhse.

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

Luke 12:59

Oriȣiio tsi konrori tsi iah tataontasiakenne neh nonȣe tsiok enskarokten.

Luke 16:25

Tontahoȣennaȣeron nʼAbraham ȣahenron: Kien saseiarann tsi sastsokoȣane nonȣentsiake nok ne Lazar eso roieshaon, onȣa kati nehne nonȣa onen rotsennonni, nok nise ioronhiakentastsanit saronhiakentha.

Luke 16:27

Nok nerokȣastse, ȣahenron: ȣakonneken kati Rakeni Abraham, iahonsastsiatori ne Lazar rakenineha.

John 3:36

Karonhiake enhatsennonni nentretakȣe raosennakon ne Roienha; nok ne iah tethaȣetakon raosennakon ne Roienha iah nonȣenton tiiahatkatto ne Karonhiake, ok eken tanon neh enhorane ne Niio raonakȣensera.

Revelation 20:10

Tánon ne otkonseráksen tsi raón꞉ha sakonikonraténhniskwe thóh iahonwaiatónti otsirá꞉ke tánon ne iotékha ne watenatentástha, thóh nón꞉we ne katsinoniowá꞉nen tánon ne iáh teotiriwató꞉ken roʼtitokénhse iehón꞉nes, tánon enhotironhiakénhake kontatsésons ó꞉ni aontakwé꞉kons né꞉ne tsi nienhénwe ó꞉ni tsi nénhwe enkenhá꞉ker.

Revelation 22:11

Shé꞉rion ne karí꞉wahetkens tsi niontiera shé꞉kon kíʼ thóh nihá꞉tiierak, tánon ne teotiiá꞉thations shé꞉kon kíʼ teotiiá꞉tationtonhak, tánon ne tionkweʼtá꞉ieri shé꞉kon kíʼ ne roʼtiió꞉ten ne ioiá꞉nere, tánon ne rotiiá꞉tatokentis shé꞉kon kíʼ roʼtiiá꞉tatokentisek.”

1 Samuel 25:36

Ne Abigail iahón꞉we tsi thohʼnón꞉shote ne Nabal; thóh kakennió꞉tahkwe ne tsi ronhnón꞉shote, tsi shí꞉ken ní꞉ioht ne ronnontí꞉io rotenhniote. Ne Nabal tsi nahawerientí꞉io, asèken kwáh í꞉ken tsi ronekátahkwe; káti kwáh iáh othènon tehoró꞉ri tsit iahó꞉renhne.