Luke 16:15 - Ohiatonhseratokénti

¹⁵ Ȣasakaȣenhase kati: Iseȣere kinise seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁵ Ȣasakaȣenhase kati: Iseȣere kinise Seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

Luke 16:15 ပူးပေါင်းရင်းမြစ်များ

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

2 Chronicles 6:30

sehiatahónsatat ne raonaterénhnaient. Seiatahónsatat ne tsi tesíteron ne karonhiáke tánon sasenikónhrens. Shonhatsíwa khók sateriéntare tsi nihonhnontónhnions nonhkweshón꞉aas raonerianésons. Tiakwahiatátʼtions tsi naskwahiéras tsi naʼtehionkwaténhtion,

Psalms 10:3

Asèken ne ronhkwetahétken ne tehaterenhsaronkwáhtha tsi nithaskáneks ne raweriá꞉ne tsi nikáien né ronwatinénskwas nakorénson rontewenhnaksátha tánon ronwakenrónhni ne Roiá꞉ner.

Psalms 49:13

Sewatkátho tsi nihotihiátawenhs tsi nihát꞉ti ne rononháhak khók ronhthateniahésen, tsi nihonatʼthahítake tsi nihonerienhtí꞉ios tsi nihothikwáhtse. Selah

Psalms 49:18

Eʼthohʼsane tsi náhe ronónnhekwe akwékon tsehioiánerekwe ne raotirihwáke asèken teiesanonhwerátonskwe nó꞉nen thènen ensaianerásthen—

Psalms 7:9

Ó sehríhon ne raotirihwahetkénhsera ne rotirihwaʼnerenhákskon niahontókʼten, ók sahserihwaʼkwahthákwas ne iakoiánere, í꞉se ne sehiatenikonrát꞉kenhse tánon sehiaterhiakʼsátkenhse, Ó saiánere Ní꞉io.

Proverbs 16:5

Roiá꞉ner ráhswens nónhka iakotkenhronniá꞉tskon; iáh nonwén꞉ton thahatiʼniá꞉kenʼne tsi ahshakohré꞉wahte.

Proverbs 20:6

Akwé꞉kon rón꞉ton rorihwató꞉ken tánon tharihwaié꞉rits, nek sateʼnién꞉ten ki ahtshiaʼtatshénriaʼse nónhka tho nihaiaʼtò꞉ten!

Proverbs 21:2

Íhsehreʼk tókaʼ akwé꞉kon tsi nihsatiéhrha tkariwaié꞉ri nok sehià꞉rak tsi Roiá꞉ner tenhiaiaʼtó꞉rehte serià꞉ne tsi nihsatieránions.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Malachi 3:15

Ó꞉nen nón꞉wa tho iethiʼianontónnionf ne rontatkowanáhtha tsi nihonateraʼswí꞉io; ne karihwahetkénhtshera tsi nihontiéhrha iáh nek khok tsi rotiianerahstén꞉nis, ók nó꞉nen Rawenni꞉io enhonwatenniéhthaʼse iáh oh thé꞉non teiotiiá꞉tawenhs.”

Matthew 23:5

Akȣa oni neok, neok ronesakon ne taonȣatirensaronste nonkȣe okon ne rahotiȣeiennake: Aseken kennoȣanens ronaninaniionton, oni ȣakoses tekafasontakȣen ne rahonatiataȣit.

Matthew 6:16

Nok nenseȣentontiete, tosa tenseȣatkonsastaren tsinihatiierha ne Kaianeren ronatkonȣaroron, nʼia-taonsahatiierkenhaʼsʼ akȣekon aionttok tsi ronentontieton. Oriȣiio tsi kȣarori tsi iehatiiatentatha.

Matthew 6:2

Tosa kati seȣateȣennoton nʼonen enhiotsitenre; tsinihatiierha ne Kaianeren ronatkonȣaroron ratirihoȣanatha tsi ronterennaientakȣanionkȣa oni tsi tekanatokenhaton ne tahonȣatirensaron nʼonkȣeokon Oriȣiiotsi kȣarori akȣa iehatiiatentatha.

Matthew 6:5

Nok nʼonen ensaterennaien; tosa shenakeren ne kaianeren rona tkonȣarorokton, ratinonȣe nahatitake nʼonen ronaterennaien, aontonkȣeneste oni tsi tekanatokenhaton ahonȣatiken nonkȣesonha. Oriȣiio tsi kȣarori tsi iah othenon teshotirhare nʼonakenke.

Luke 10:29

Nok tanon ne tehariȣakennhas tontahenron nahatateriȣiiosten: Onka nerieth satekonkȣe?

Luke 11:39

Nok tanon ne Roianer, tontahenron: ionerakȣat ki oni nise Pharisian neseȣaiatoten tsi astste ok nonkati Seȣanohares ne seȣastsesonha, seȣakerassonha oni; nok ne seȣeriane titkahere ne kanenskȣen, oni ȣanontonniontseraksen.

Luke 18:11

Ihrate ne Pharisian nok raton tsi roterennaien: O Niio! tekonnonȣeratons tsi iah eh tekiatoten nii tsiniiot notiake nonkȣesonha, ratinenskȣas, iah tethotiriȣaieri, ratinakȣaiesen, tsi oni niiot ne kenh rakarotasions.

Luke 18:14

Oriȣiio tsi kȣarori: neh kehiken shotiatokeȣenhatie tsi shotentionhatie nok iah ne saiatat: aseken onka iontatharatasts ehtake niienhentsion; nok onka ehtake iontatonni enhiontharatate.

Luke 18:21

Tontahenron; shontonkenikonrote ok nehne oni hakȣekon shiȣakeriȣaieritonhatie.

Luke 18:9

Kenh oni nontahaierate tsi ȣathariȣakentonȣe, neh notiake tsi akaonhaa ki ok iakoianere nok iah othenon notiake.

Luke 20:20

Onen senha ȣahonȣanehtentakte, neh nonȣa ionsahonȣanatori nakȣa karionnienni oni rontatonnis aontaionkȣetaierike, natahatiierekenha nahoȣennakarenrako nok neh ahostonte kaianerensera akonȣanaskon.

Luke 20:47

Sakotinonskariatha iohnatereons tsini honaterennaientatseresons; aseken senha ihsinonȣe tsi nenhonȣatireȣatakȣe.

John 2:25

Nok oni tsi iah teresakskȣe onka nonkȣe ahonȣariȣaniratse: aseken akȣekon raienteri tsini iakaȣeriasotens nonkȣe.

John 21:17

Sekon are sahenron onen neh nasenhaton: Simon Jonas iaienha takenoronkȣaken? ȣahonikonraksen ne Tier tsi asen natontahatnaneta tsi raton: takenoronkȣa ken? tontahenron kati: saianer ise noriȣakȣekon tsienteri, saterientare tsi konnoronkȣa. Tontahenron ne Iesos: shenont kinio naketsenenhokon.

Acts 1:18

Nówista ne Judas roienáʼon tsi nihoteweienaksáthon wahahethaní꞉nonthe, thohʼnónwe hiahahiatsénenʼne tsi wahrénheʼie; wahthatenekwenʼtanékare tánon akwékon ne rahiátakon takonthihiáken꞉ne.

Acts 1:24

Ehʼthóhʼne wahonterénnaien, “Saiáner, í꞉se akwé꞉kon senikonraientéri, káti takwanatónhas ónka kí꞉ken tenihiáse ne sehiatarákwen

Acts 15:8

Kíʼ ne Rawenni꞉io tsi nikáien ne kwáh niaʼtehionkwétake sakonikonraientéri, wahréneste tsi ahónton ne iáh tehatiʼsitaeʼronons nahontahonnéthaʼkwe neh tsi tasakáwen ne Ronikonratokénti, kwáh tsi ní꞉i nisonkwatsérase.

Romans 3:20

Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

Romans 8:27

Tánon neh Rawenni꞉io, kwáh onhkweʼriah꞉ne non iatehakanere, rhoteriéntare tsi niwanonthónʼnions nonikónra; Asèken nonikónra ónhkwe ahkoriwake tsi roniténtase ne Rawenní꞉io tánon neh entsioʼhianénhawe tsi nihoskhanektseróten.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

1 Tiér 3:4

Kék khók, ne sonkwetihiótsera neh akénhake tsi kwáh nisonkwetóten, ne iáh tatewathatáwis hiontʼkatotserí꞉io ne tiakoriwaiéri saktíken tsi iakónnhe, neh nahonhá꞉a tkanóron ó꞉ni tkhoʼwánen ne rahohénton ne Rawenni꞉io.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

1 Samuel 16:7

Ók kiʼ ne Roiá꞉ner wahawénhase ne Samuel, “Tó꞉sa ne tetsiatʼkáneren tsi nihatʼkatotieróten khéhs tonahaʼneniésonhke, tsioríhwa tsi ní꞉i rikenronníhon; asèken ne Roiá꞉ner iáh ne eh thoʼtèiot tsi tehatʼkáthos tsi ní꞉ioht nonkweʼókons tsi iontkáthos; neh ne eh teiekánereh nátste nó꞉kwah tsi niʼiehiatóten, ók ne Roiá꞉ner awé꞉ri ne tehakánere.”