Luke 15:24 - Ohiatonhseratokénti

²⁴ Aseken kehiken riienha raȣenheionne, onen shotonnhetonhatie, rotiatatonhonne nok onen saraȣe. Nok tahontasaȣen ȣahontonnharen nok ȣahontekhonni.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁴ Aseken kehiken riienha raȣenheionne, onen shotonnhetonhatie, rotiatatonhonne nok onen saraȣe. Nok tahontasaȣen ȣahontonnharen nok ȣahontek-honni.

Luke 15:24 ပူးပေါင်းရင်းမြစ်များ

Genesis 45:28

Ne Israel wahén꞉ron, “Thok nikónhak! Ne riién꞉ʼa Só꞉se shé꞉kon nihrónhnhe. Ó꞉nenk tsi thóh ièn꞉ke tánon aonsahí꞉ken nohén꞉ton akíheie.”

Isaiah 35:10

Tánon né꞉ne sesakohiatákwen ne Roiá꞉ner kwáh thentónhne, tánon enshónnewe ne Zion thenhotiʼrihwakwenhátie; né꞉ne tsi nénhwe enkénhake natsenhnonniátshera ratinontsíne enwatake; kwáh ne enhatiʼiéna natonhnárat ó꞉ni natsenhnonhniátshera, tánon ne kanikonraksénhtshera ó꞉ni ne taieríhwaʼkwe kwáh kenktshiénhwe.

Isaiah 66:11

nètho ní꞉se ahónhton asewanón꞉kera tánon nahiʼsewenhrienhtí꞉io tsi nénhtewe né iawerientí꞉iot kanontáke; né ní꞉se ahónton nasnekíra né kwáh í꞉ken nawerientiʼióshera tsi nénhtewe né ionerákwat wenskwenhá꞉ke.

Ezekiel 34:16

“Kwáh enkhehiathisháke tsi nikónhti ne ionahtsiathatónhon, tenhthekhehiaténhawe tsi nikáien ne kenktiehioné꞉nonh, enkhekenthó꞉ren ne iotikarewáhthon, tánon ensheʼkhétsenthe ne iotinonhwákʼtani; ók tsi nikónhti ne ionarésenhs ó꞉ni konhtishástsʼtes kwáh nènhʼne enkhehiáthonthe, tioríhwa Í꞉i ne ranónhne thóh nihahiéra ne tkariwahiéri.

Ezekiel 34:4

Iáh thateietʼtsiriwasniéseh ne iotitsihióhas, aietʼtsítsenhte ne iotinonhwákʼthani, aietʼtsikentó꞉ren ne iotikarewáhton, tahonthaietʼtsihiaténhawe ne kénk tsehionénonh, tó꞉ka ó꞉ni naiettsihiatíshake ne ionahtsathathónhon. Khèkok, wahetsihiateweiennakshá꞉ten.

Matthew 8:22

Tontahenron ne Iesos; kasts taknonteratie, iontatiatata nakaȣenheionta.

St. Mark 8:22

Nok nonen sihiaharaȣe Betsaïda eh ȣahonȣaiatheȣe saiatat teharonȣekon ȣahonȣennitenten nahotsiente.

Luke 10:19

Onȣa kati ȣakȣasastenseron ne taietsiniarorarake ne Kaniaraksens oni ienseȣasahate tsini hosastensera ne raksȣens: iah oni othenon taeseȣaiotastse.

Luke 15:23

Ietsinonksa tionnhonskȣaron oȣira ionaressens, iestsirio; teteȣastskaon nok teȣatonnharonnion.

Luke 15:25

Kenh kaien ne thakoȣanen ne roienha kahetakon natontare; sekon ok kati ihsi niiore tare ok naha ȣaharonke tetiotonhare, karennote, oni teiakononniakȣen.

Luke 15:32

Teiotonȣentsiohonne ki aiontennioten oni aiontonnharen, neh kehiken ehtsekenha raȣenheionne, nok shotonnhetonhatie; rotiatatonhonne, nok onen saraȣe.

Luke 15:4

Onka kiok tsinitsion enskat teȣenniaȣe ahonaskȣaientake teiotinakarontonha, skaiatat aontiataton, iah ontekenh ok eh tasakotsiakȣarisi karhakonkoȣa ne tioton niȣasen tanon tioton nok neh ahaiatisakha ne iotiatatonhon tsiniiore iaonsahaiatastsenri.

Luke 19:10

Aseken nonkȣe Roienha neh sresakhe oni raskennhasere tsinahoten iohtonhon.

Luke 9:60

Tontahenron ne Iesos: eh kaientak naȣenheionta neh iontatiatata nakaȣenheionta, nok ki nise ȣas serioȣanatana ne Niio raonakerasera.

John 11:25

Tontahenron ne Iesos: Ii ne tsi tsiontonnhests oni ne iakaonnhets; onka taȣetakȣon niihne iaȣeronhatien nenhaȣenheion, enhronnheke.

John 5:21

Tsi ki niiot, tsi sesakaonnhests ne Roniha ne iakaȣenheion, eh ki oni neneh niiot ne Roienha ok tenhanonton onka onsesakaonnhete.

Romans 11:15

Asèken ne Rawenni꞉io sasaskokénron, Rawenni꞉io wahsakahónnien naktéshon nontienakerénions ne tsi ionwentsiáte ne rahónha ahʼhonteroserónʼni. Ne káti nónen tensakoróthon, tsi neniáwenʼne nehʼne kwáh oriwihioʼónwe tenskaierontárake tsi ní꞉ioht ne iakawenhéion sahionthónʼnhete!

Romans 12:15

Skátʼne sewathónʼnhare ne ronathonʼnháhere, skát꞉ne tesewaséntho ne tehonsénsthos.

Romans 6:11

Kwáh éhʼthoh ní꞉ioht tsi aihsewatatenonthónʼnionse tsi síken ní꞉ioht naihsewenhéion, tsi nhióre ne kariwáneren ahwérheke, nók tionʼnhétiek ó꞉ni sewakwekónhak ne Rawenni꞉io rahonháke ne Kerístos Ié꞉sos.

Romans 6:13

Tóhsa ó꞉ni sewatiakwaríshas ne kariwáneren tsik nahiotónhake ne tsionhakésons nehʼne ahónston ne kariwaneraháktsera. Khèkenk, Rawenni꞉io tatʼtsítsion ne tsiʼtión꞉nhe, tsi nihiáwenhe nhótiake tsi sonnatonʼnhéton, tánon kwáh sewahiathakwékon sewahtiakwarísi rahonháke nehʼne ahʼhónston tsi nòkwa ne kariwakwarishóntsera aoriwáke.

Romans 8:2

Asèken nahoianerénsera nonikónra, neh iontiónnhets tsi teionkwateriwahsóntere neh Kerístos Ié꞉sos, shatsiatotaríshon tsi nòkwa ne ahoianerénsera ne kariwáneren tánon ne kenhéion.

1 Corinthians 12:26

Tóhka énskak tsi nahótenk noierónta akaronhiáken, kwáh kíʼ akwékon noiáson nihiotánion tsi skátʼke enkonthironhiáken; tóhkaʼ knahótenk nénskak khók takonwahrénsaron, kwáh notiakésons tsi wahkontiátaren nahotsennionniátshera.

Ephesians 2:1

Tsi nithisènon kwáh tsi shíken ní꞉ioht nahisenhéion tioríwa tsi iáh tesatewenʼnarákwakwe tánon waseriwánerake.

Ephesians 2:5

shé꞉kon kíʼ nonʼné꞉e nó꞉nen karihwanerahaktsherákon nónwe naionkwenhéionke, thonʼtashónʼtion nahtónnhets nó꞉nen sonshahokétsko ne Kerístos ne kenheiátʼne. Kwáh nek khók wahkarihónni tsi Rawenni꞉io thóh nontahanónwehne nahonshahianiákenthe.

Ephesians 5:14

Tsi nahóten neh kwáh íken tsi karihothásion thóʼnek enwáton ne tahioswátʼthene. Tehioswátʼte seh ne kwáh oriwakwékon tshewenéstʼtha. Neh aoríwa tsi nihónen, “Sewáhie, tahrótaros, tánon thontahsewatʼkétsko ne kenheiátʼne, tánon Kerístos tentsiʼsewaswatʼthéten.”

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

1 Timothy 5:6

Onk ne ioteréhʼons neh iononwahróri ónenk nèn꞉ne iawenhéion iawerohátsien tsi séhkon nihiónnhe.

Jude 1:12

Tsi kwáh iáh othé꞉nen tehontéhens tsi rothinikhirenháties kwáh thóh nihatiʼiathóten tsi ní꞉ioht ne kwáh tehiótion aʼiorakwarake tsi skat꞉ne sewatetkwáhere. Kwáh ronnónhak khók rontatéiare. Thóh nihatihiatóten tsi ní꞉ioht ne hiotʼtsatáre tsi iahóte iakáhawe, nok iáh othé꞉nen tekakennoréstha. Thóh nihatihiatóten tsi ní꞉ioht ne iáh othé꞉nen tewahianihiontʼtha ne kehrite, ó꞉ni ne kaneʼnahke꞉ne, né kehrite ne iohtenaharóhtion tá꞉non kwáh iehiokontákwen iawenhéion.

Revelation 3:1

“Tánon raonhà꞉ke ne Raronhiakeró꞉non thóh nón꞉we nononsatokenhtí꞉ke ne Sardis shiá꞉ton: Ne kíʼ ne raoteriwanhothátshera ne raónha tesakoniarotá꞉ron ne tsá꞉ta niwatonhnhetsherá꞉ke ne ronwahiò꞉tense Ní꞉io tánon raónha rahá꞉we ne tsá꞉ta nikatsistóhkwake: “Wakaterièn꞉tare ne sahioʼténhsera; wakaterièn꞉tare tsi ní꞉iot nashón꞉neke, ók senhé꞉ion.