Luke 11:42 - Ohiatonhseratokénti

⁴² Seȣententasere ise Pharisian! Akȣa nehne ieseȣakariaks tsi seȣaienthokȣas, oni tsi tekanatokenhaton nok oni nohontessonha; nok seȣentorha ne taeseȣasniene ne Niio raoriȣasonha nese tanon aonteseȣatierenton nok ethone ne kenh kaien.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴² Seȣententasere ise Pharisian! Akȣa nehne iese-ȣakariaks tsi seȣaienthokȣas, oni tsi tekanatokenhaton nok oni nohontessonha; nok seȣentorhane taese-ȣasniene ne Niio raoriȣasonha neso tanon aonteseȣa-tierenton nok ethone ne kenh kaien.

Luke 11:42 ပူးပေါင်းရင်းမြစ်များ

Nehemiah 10:37

Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

Proverbs 21:3

Tho ná꞉tsehr tsi nahò꞉ten ne tkariwaié꞉ri, ne sénha enhawerienʼtí꞉io ne Roiá꞉ner ne aontahtshawíhten ne karihwiioseʼokón꞉ʼa naterennaientatsherá꞉kon.

Ecclesiastes 7:18

Tetsáron éhren shá꞉wit kí꞉ken nahorihoténsons. Tó꞉ka tsánhnaiens ne Rawenni꞉io, kwáh kíʼ ensahianerásten tsi nahontahiotseráhthonhke.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

Malachi 2:17

Waʼtehtshisewahwihshenhí꞉iaʼte ne Roiá꞉ner tsi ní꞉ioht tsi sewáhthare. Eʼthó sá꞉ne sewá꞉ton, “Oh ní꞉ioht tsi waʼtehshakwahwihshenhé꞉iaʼte?” Ne tsi nisewanonhtónnions, “Ratikwé꞉kon ne ne rotiióʼtenhs ne karihwahétkenʼs tsi niioiánere raohén꞉ton ne Roiá꞉ner, tánon ronnonhá꞉ke nonkwehshón꞉ʼahs nón꞉we nihaonhwesá꞉tha.” Khehs tsi sewariʼwíhsaks, “Kaʼnón꞉we ní꞉reʼs ne Rawenni꞉io akénhake ne roiánere í꞉ken?”

Malachi 3:8

Ónhka kenh ahonwanènhsko ne Rawenni꞉io? Eʼthó sá꞉ne í꞉se takwanenhskwenhá꞉tons! Ók sewatón꞉nions, “Oh ní꞉ioht tsi kwanenhskwenhá꞉tons?” Tsi nitisewaiéhstha nohwísta tánon tsi nisewaró꞉roks natatawíhtsheraʼs!

Matthew 23:13

Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.

Matthew 23:23

Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

Matthew 23:27

Seȣententasere ise ne, Seȣaiatons oni Pharisian Akonȣara! Akȣa eh niseȣaiatoten tsi ieiatatarionʼsʼ-ihken kakȣatakȣen karaseston, akȣa kiʼsʼ enʼsʼ anio ioȣeienston nʼastste nonkȣatikȣen nok ki tanon ne nakon titkaskenrhahere oni ostienhokonkenha nonkȣeokon.

Luke 18:12

Tekeni teȣakontontietha tsioiaiaksera, nok akȣekon kkariaks noierihaton tsini ȣakien.

John 5:42

Nok ki tanon kȣaienteri; ȣakaterientare oni tsi iah teseȣaien ne Niio raonoronkȣatsera.

1 Sawátis 4:20

Tóhkaʼ entewénron tsi tewanorónkwa ne Rawenni꞉io, nók ietʼthísons nakorénsons, ionkwanówens kíʼ. Asèken iáh tahónton natsitewanóronkwe ne Rawenni꞉io, tsi nikáien ne iáh thetsitewáken, tóhkaʼ iáh teietʼthinorónkwa nakorénsons, tsi nikáien neh ietʼthíken.

1 Samuel 15:22

Tánon ne Samuel wahén꞉ron, “Ne Roiá꞉ner tóh kénh nihatsennonniátha ne watʼtsaháhtons iaiéthate ó꞉ni ne watéskonte, tsi naiontewennará꞉kwe ne raowennaó꞉kons ne Roiá꞉ner? Oriwiʼiohónwe, naiontewennará꞉kwe sénha ne ioiá꞉nere tsi ní꞉ioht ne kariwiʼiosehokónhas, tánon ahiontahón꞉sathaʼte tsi ní꞉ioht ne ronarésens teotinakarontón꞉ʼahs owirasón꞉ʼahs.