Luke 10:27 - Ohiatonhseratokénti

²⁷ Tontahoȣennaȣeron, ȣahenron: Hentsenoronkȣake ne Niio Raȣenniio tsi sonnhe, akȣa seriasakȣekon, satonnhetserakȣekon, sahsaststenserakȣekon, sanontonniontserakȣekon oni; nok oni ne satesonkȣe tsi nise nisatatenoronkȣa.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁷ Tontahoȣennaȣeron, ȣahenron: Hentsenoron-kȣake ne Niio Raȣenniio tsi Sonnhe, akȣa Seriasakȣe-kon, satonnbetserakȣekon, sahsaststenserakȣekon, Sanontonniontserakȣekon oni; nok oni ne Satesonkȣe tsi nise nisatatenoronkȣa.

Luke 10:27 ပူးပေါင်းရင်းမြစ်များ

Leviticus 19:18

Tó꞉sa kíʼ thontasewaná꞉kwen tsi nòkwah nakorénhson tó꞉sa ó꞉ni iaʼsewakónhtak naʼietʼtsiʼshónhsehke, ók ietsinerónhkwat ne tesewanonhsanéken tsi kíʼ níse nishaʼthatenorónhkwah. Í꞉i ne Watiá꞉ner.

Matthew 19:19

Shekonnienst ne iesaienha; nok, shenoronkȣak nonkȣe tsinise nisatatenoronkȣa.

Luke 10:26

Tontahenron: oh kati niiot tsi kaiaton ne Kaianerenserakon? oh oni niiot tsi seȣennanotha?

Romans 13:9

Ne kaianerénseras, “Tó꞉sa shatenaʼkwaié꞉sat; tó꞉sa shehiá꞉set; tó꞉sa senénhsko; tó꞉sa sehiaskà꞉nek nakorénhson nahó꞉ten ahiakoiéntake,” oriwakwékon kí꞉ken, tánon ó꞉ni nohiásons sékon akénhake, akwékon tkakwékton nénskat atsiawenrátʼtsera, “Senorónkwak ne tesanonsanéken tsi níse nisathatenorónkwa.”

Galatians 5:13

Nók níse, tewatenrosónhas, ieietʼtsiʼnónkon nahonsehsewatatewenní꞉ioʼke. Nók tóhsa sewaríʼon kí꞉ken ahtatewenniʼiótsera nahontesewaniarótaroke ó꞉ni tsi nahontonskanékseke ne sewaiéronke. Kék, sewaríhon ne kanoronkwátsera nahonteriwathentsate tsi natesewátere.

Deuteronomy 10:12

“Ó꞉nen, ne tsónhkwes ne Israerʼró꞉nonhke, sewatahónshatat tsi nahó꞉ten ne Roiá꞉ner sewaNí꞉io tsi sewariwanonhtón꞉nis: Tsi sewasénhnaien ne Roiá꞉ner tánon thóh naʼsewá꞉ier tsi nihatró꞉ris. Tsi sewanó꞉ronk, tsi sewahiótenhs kwáh seweriaʼsakwé꞉kon,

Deuteronomy 30:6

Ók ki ne Roiá꞉ner SewaNí꞉io kwáh enhakwahtháko ne seweriánes ní꞉se ó꞉ni tsi niensewatwatsí꞉rine natsisewawenhnaráhkwake, ne káti ne kwáh seweriasakwé꞉kon tsi atsisewanorónhkwake ó꞉ni sewatonhnetserakwé꞉kon, ne káti ne iahisewakón꞉taʼkwe ne tho nón꞉we nihiohontsá꞉ien ahisewanákereʼke.

Deuteronomy 6:4

“Israerʼró꞉nons, Sewehiárak kí꞉ken! Kénh ká꞉ien tkonwakowá꞉nen: Ne Roiá꞉ner nene Okwaní꞉io íken, ne Roiá꞉ner rahonhatsíwa khók íken.

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.

Hebrews 8:10

Nónwah, ne áse aterihwahseronhniá꞉tshera nenhkón꞉ni skátke nonhkweshón꞉a ne Israelronónke nón꞉we tsi néntewe nenhní꞉seras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon ronónha nakonhkweʼtahshón꞉a enkénhake.

Ne꞉ne Sák Rohiaton 2:8

Kwá entheʼshérite tóhka ensatewénnaraʼkwe ne Rawenni꞉io raohʼianerénsera, tsi nikahiáton ne kaiatonseratokentíke, “Senorónkwak ne tesanonsanéken tsi níse niʼsatatenorónkwa.”

1 Sawátis 3:18

Kwaienʼokónha, nonkwanoronkwátshera tóhsa owénna tánon tsi ionkwátare khók akénhake; kwá aóskon kanoronkwátshera akénhake, tsi eh niʼioianerenseróten.