Luke 10:2 - Ohiatonhseratokénti

² Ratonhakȣe: oriȣiio tsi kaetoȣanen; nok kenh nihatiha ne ratiienttokȣas: Hetsiseȣaneken kati ne Raetakȣeniio nahontasakotenniete kannhatsera.

Neh Nase Tsi Shokȣatakȣen 1880 (4 Gospels by Joseph Onasakenrat)

² Ratonhakȣe: oriȣiio tsi kaetoȣanen; nok kenh nihatiha ne ratiienttokȣas: Hetsiseȣaneken kati ne Raetakȣeniio nahontasakotenniete kannhatsera.

Luke 10:2 ပူးပေါင်းရင်းမြစ်များ

1 Kings 18:22

Ethòne ne Elijah wahénron, “kwáh í꞉i khók iatesewakathathénron ne rotó꞉kense ne Roiá꞉ner rahonkwéta í꞉ken, ók kíʼ 450 niháti ne rotitó꞉kense ratítheron ne Baal nónhwe.

Psalms 68:11

Né Roiá꞉ner rahónha totʼkáwen noríhwa ne tahionterihwaʼré꞉niaʼte; tánon ionatsiokowánen ne tsonatʼtonhwísen watʼkonterihwaréniaʼte:

Jeremiah 3:15

Né entionkwethawíhon ne rahthikoráhsons ne ionkehwenhnahráhkwa, ó꞉ni kwáh enientʼtsihianerensehrónnien ne ne atenikonhratʼthokhatsherákon ó꞉ni kanikonhrahienthaʼtsherákon.

Zechariah 11:17

Né꞉tho iáh thé꞉nenh tehariwástha nakonkwè꞉ta sakonónhne teiotinakarontón꞉a, tsi shakotewenhthétha ne kaʼtshé꞉nen! Aiá꞉wenhs náhsare ahoiénte ne ranenhtʼtsáke tánon ne sawehienthetháhkwen nahakaráti! Kwáh ne rahnénhttsiake ahonthakénheie, ne sahnekwá꞉ti nahakará꞉ti kwáh taharónwehke.”

Zechariah 11:5

Ne kwáh rahothitshenenhó꞉konhs konhwanahwénhthos tánon iáh thé꞉nen tehonwahthirewáhtha. Ronhtewahrahní꞉nonhs tánon rónton, ‘Tetsitewahnonhwerá꞉thon ne Roiá꞉ner! Tsi nihionkwahkwátse!’ Iekaní꞉hare ne kwáh shakotinónhʼne iáh tehotí꞉ien nahkonhwathítenhre.” (

Numbers 11:17

Kwáh entʼkátsnenhte tánon thóh nónhwe natenʼtenithá꞉ren, tánon ostónha enskónhkwah nonikonhratokénti ne tkonhiáwi tánon roʼnónha thetekhéhion. Ethòne kíʼ enhathikwéni nahiesaiénawase nashaʼterihwakéthaʼte kí꞉ken onhkweshón꞉ʼa akorihwáke, tánon iáh sonhá꞉aʼkhók thasatkéthate.

Numbers 11:29

Ne Mahís waʼtharihwasehráko, “Teshaʼthatenikónhrahre kén nakerihwasónhas? Kaská꞉neks nètho Roiá꞉ner ahontasakáwenh ratiʼkwékon nonhkweshón꞉ʼas ne rahonikónhra tánon ratiʼkwékon thóh ní꞉ioht tsi tahotihénrethe tsi ní꞉ioht ne rotitokénhse!”

Matthew 20:1

Aseken neh testiatieren ne Karonhiake tsiniiot ne saiatat ne ronkȣe orhonketsi ȣahaiakenne ȣahannhatseri sakha.

St. Mark 13:34

Eh naseȣaier tsiniiot ne ronkȣe ratentionhe, ȣasakorionten ne raonnhatseraokon nahatinikonrarake tsini hoien, akȣekon niiasakotenienthase, nok saiatat ȣahohonkariake nasakonikonrarake.

St. Mark 16:15

Nok ȣasakaȣenhase: ȣasene onȣentsiakȣekon teseȣareni ietsirionniennira akȣekon nonkȣe ne Kariȣiio.

St. Mark 16:20

Nok ne rononha, Sahontenti ȣasakotirionniennira oktiȣakȣekon, nok ne Roianer sakohienaȣasehaties, nok ioriȣanerakȣatenions rariȣanirastakȣe ne raotiȣenna. Amen!

Luke 9:1

Ethone onen ne Iesos ȣasakoiatarako ne tekeni iaȣenre Nihatikȣekonne nok ȣasakokȣeniatseron nasakotikȣeni nonatkonseraksen, oni naonsasakotitsiente niakononȣaktani.

Acts 11:19

Ótsiakes ne rotiriwiʼióstons neh tsiatehonarénion tsi nihiorihonʼníʼon ne kakenronniátsera tsi thóh niʼiawén꞉en nónen ne Stephen sahonwanonwariákon thóhnióre nieʼiawénon tsi nióre ne Phoenicia, Cyprus, ó꞉ni ne Antioch, nekʼkhók ne Sitaeró꞉nons ronwahnateriwanotaníhakwe.

Acts 13:2

Tsi nikaríwes ronaterenʼnaiéntakwe rahonháke ne Roiá꞉ner ó꞉ni ronentontiéton, ne Ronikonratokénti wasakawénhaʼse, “Tesewatetʼkháshion ne Barnabas tánon ne Saul nì꞉i akeriwáke, neh nahotihióten tsi nikhehiatarákwen.”

Acts 13:4

Neh tsi Ronikonratokénti iesakothórion, ne Barnabas tánon ne Saul Seleucia niaháne, tánon thoʼnónwe hionsahiaténti wahiatʼtsiróten tsi watʼnihiáiake hiahánewe tsitkawenóte ne Cyprus.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 22:21

‘Wáhs,’ ne Roiá꞉ner wahakénhase, ‘Asèken ahínon nióre ienkonʼiathénieʼte tsi tathinákeres ne iáh Tehatisitaerónons.’”

Acts 8:4

Ne thonetákwens tsi nikáien ne tehonarénion kwáh tsík nonkwéson niahón꞉ne, ronateriwanothátie ne ateriwanothátsera.

1 Corinthians 12:28

Ne tsi ionterennaientákwah Rawenni꞉io akwékon rokwahtákwen tsi nikentiokoténsons shakorohónton: né thonatierénton ronteriwahnótʼthas, ne tekeníhaton iehatiríwahkens, tánon nasénhaton sakotirihonniénnis; ehʼthóne tsi nikáien ne ioriwahneráhkwat tsi nihatí꞉ierah, ne tionóntere tsi nikáien ne tonwahnáwi ne kasatsténshera nahontétsenthe tóhkaʼ ó꞉ni nashakotiʼiénawaʼse nakorénsons tóhkaʼ ó꞉ni nashakotihéntense tóhkaʼ ó꞉ni thiʼwenhnásathe ahontáti.

1 Corinthians 15:10

Ónk né tsi Rawenni꞉io raoténrat thóh nitiatóten tsi kíʼ nitiatóten, tánon ne kenténrat tahkáwi iáh tehioiesháhon. Khèʼkok, sénha wahkakwísron tsi ontióten tsi ní꞉ioht ne rohnáhtiakes ne ratikwekónne, éhʼtho sáne iáh í꞉i thóh tewákʼshon, ónk né꞉ne Rawenni꞉io raoténrat tsi ioiotáties nahkónhahke.

2 Corinthians 6:1

Skátne ionkwaióʼte ne Rawenni꞉io, kwaʼnekén꞉nis káti naisewaniáhese ne raotennitenráhtsera.

Philippians 2:21

Ne ronatsakhéson nek khók nènʼne ronʼnontónʼnions nahóten ne ahontatrákwase nók iáh nènʼne tsi nahóten roskènen ne Ié꞉sos Kerístos.

Philippians 2:25

Kanonthónʼnions ne ónh tsiaténro Epaphroditus isèke iahonsaihiathéniete. Nenònʼne ne róhseres ó꞉ni rohiotháties tánon kwá íken tsirashotharí꞉io tsi nòkwa ne Roiá꞉ner, tsi ní꞉i ní꞉ioht. Theʼtsisewathórion nahakatenʼnikonránen,

Philippians 2:30

Serèka ahawehéion tsi Kerístos rohiótense, tánon ehʼronnárakwe tsi nahatsniénon neh tsi nahóten ne iáh tesewakwénion nahontaskwawike.

Colossians 1:29

Nakáshon kí꞉ken wahtióte ó꞉ni tewakniotátie, wahkatstónhatie ne kasatstenhserowá꞉nen ne Kerístos takáwis tánon akonhá꞉ke nón꞉we niiohiò꞉te.

Colossians 4:12

Epaphras iatetsisewanonwerá꞉tons, ne nónhne ne sewentióhkwakon nón꞉we nihaiá꞉tare ó꞉ni rohiò꞉tense ne Kerístos Ié꞉sos. Tiotkonhón꞉we rokwísron tsi sewaterennaién꞉nis, rorihwanontón꞉nis ne Rawenni꞉io naisewarihwatokénhake, tsi kwáh tokén꞉en sewariwahienté꞉ri ó꞉ni kwáh iesewahkontákwen sewahriwiióston, kwáh iehiokontákwen tsi sewahwennaráh꞉kwa ne Rawenni꞉io.

1 Thessalonians 2:9

Orihwiʼioʼónwe sewahteriéntare, tewahtenrosónhas, tsi ní꞉ioht tsi ionkwahiotén꞉en tánon ioioʼtenhserahní꞉ron! Kontahsésons tánon asontakwékʼkons wahonkwaióten né꞉ne tóh꞉sa thènen takwahnikonráhren tsi enkwahteriwahnótʼthase ne karíhwí꞉ios tsi nitsawénon ne Ni꞉ióʼne.

1 Thessalonians 5:12

Wahkwanéken, onkwahtenroʼshón꞉a, kwá ioianeréhak tsi ietʼtsikweniénstak tsi niháti ne sewahnenrí꞉en nónwe nohotihióte, tsi nikáien ne iesaháwi ó꞉ni iesarihonniénnis ne karihwiʼiostóntshera.

2 Thessalonians 3:1

Nonahkènkha, tewatenroʼshónʼa, takwahterennaiénhas ne Roiá꞉ner raoterihwahnothátshera iahontashónʼterahke tsi iostóre tsi tahonréni ó꞉ni kakweniensthatsherákon tsi aiehiéna, kwáh níse tsi ne sewáhiere.

1 Timothy 4:10

Tehionkwaniotátie ó꞉ni hionkwatátre tsi hionkwáhiothe, tsioríhwa tsi thóh nón nihionkwáien nonkwarahrátʼtshera rahonháke ne ronnheʼónwe Ní꞉io, tsi rahónha ne sakohiatákwas nonkwetaʼkwékon tánon sénha tsi nihiákon ne tiakawetákwen.

2 Timothy 4:5

Nók ónenk tsi entesatatheniarótarohke ne kwáhk tsi nahorihhoténsons; sakátstek naseronhiáken, neh sahióten ne rateriwahnótʼtha ne kariwí꞉ios, tánon neh sateriwahténtsiat kwáh tsi nisateriwahiénʼni tsi Rawenni꞉io tiótense.

Philemon 1:1

Kór nón꞉we nitiawé꞉non, rahʼnhó꞉ton né꞉ne Kerístos Ié꞉sos rahorihónniat, tánon ó꞉ni ne onkwahtathekénʼhat Timothy nónhne non nitiawé꞉non— Nonʼkwáhtenróh ó꞉ni ne skatʼke ionkwahiòthe Philemon,

Hebrews 3:6

Nók ne Kerístos rorihwahtóken tsi nòkwah ne roʼníha tsi rohteriwahtentiáton ne Rawenni꞉io rahonón꞉sha. Í꞉i ne rahonónsha íken tóka ientewahtashónteren nonkwáh nikonranirátʼtshera ó꞉ni tsi tionkwetákwen nahóten tewaskáneks.

Revelation 2:1

“Raonhà꞉ke ne raronhiakeró꞉non ne tsi ionterennaientáhkwa thóh nón꞉we Ephesus shiá꞉ton: Ne kí꞉ken ne raowenhnaó꞉kons ne raónha rahá꞉we ne tsá꞉ta nikatsistóhkwakes thóh saweiententáhkwen, raónha thóh nón꞉we natehatekhahákwa tsi natekóntere ne owistanó꞉rons wathasherotákwas: