Luke 10:15 - Ohiatonhseratokénti

¹⁵ Nok nise Kapernaiim, satsennakarataton tsiniiore tkaronhiate, nok tentesenonkȣise nonesson.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁵ Nok nise Kapernaiim, satsennakarataton tsiniiore tkaronhiate, nok tentesenonkȣise nonesson.

Luke 10:15 ပူးပေါင်းရင်းမြစ်များ

Genesis 11:4

Eʼthó꞉ne wahonní꞉ron, “Ánion kiʼ ó꞉nen kanatowá꞉nen tewatenatón꞉ni, ó꞉ni noʼnikáhtha, ne ne iaón꞉we tsitʼkaronhiá꞉te, ne ne aetewahsennowanénhake ó꞉ni ne ne tóhsa ohontsakwé꞉kon taetewaré꞉ni.”

Isaiah 5:14

Né꞉se wahón꞉ni ne tsi tsiohontsáien ne kenhéion kwáh í꞉ken tsi watonkáriaks tetsiotskaráwenh niahiakotsatanékwahne; ne ratiʼsenhnowánens ne Jerusalem tánon nahonkwetashón꞉ʼahs ronatsiokowánen thóh iehonsnénhtha, nahotsió꞉kwas tánon ratikwékon nahonháke nón꞉we nihonatʼtsenhnakaratáton.

Jeremiah 51:53

Iawerohátien ne Babylon tsi iéwas tsi nitiótʼte ne tsík karonhiáte, ó꞉ni iawerohátien tsi sénha ioshastsʼteserowahnenhenhátie, kwáh kíʼ entekhehiaténieʼte ne tehontátʼtions nakonhwahnénhsko,” ráton ne Roiá꞉ner.

Ezekiel 26:20

Kwáh ienkonhiathéniethe tsi tiohontsáien ne kenhéion niasehiatiátarahse nonhkweshón꞉ʼas ne wahónhnise tkénʼne. Kwáh enkonhiónnien ne thóh ohontsókon ashiʼterónhthake né꞉ne tsi nénhwe kariwahieshá꞉ton, ensehiarískothe ne iakawenhéion. Tsi nenhiáwenhne kwáh iáh shé꞉kon nonhwénhton tahonsahsenhnákerahte tánon nasahtathenatʼthónnien ne tsi ionhwenhtsáthe ne iónhnhe.

Ezekiel 31:18

“Ne karónhta né꞉ne Ronhnontí꞉io ne Egypt tánon ratikwékon ne rahonkwetashón꞉ʼa. Shé꞉kon iáh ne karonhtasónhas ne Eden et tekaronhthésonhne ó꞉ni ahionerahkwáhthonke. Ók kíʼ ónenh, tsi ní꞉ioht ne karonhtasónhas ne Eden, kwáh thóh niénwe tsi tionhontsáien ne kenhéion tánon ienhiakonahtsátarahse ne iáh tehiakoniʼiosehráien tánon tsi nihiákon ne iontatenonhwahrhiákon tsi wahterí꞉io. Í꞉i wahkatáti,” ráton ne Ronhnontí꞉io Roiá꞉ner.

Ezekiel 32:18

“Rónhkwe iaiénha,” wahénron, “Shé꞉hiatʼtionhnions tsi nihiakotiokowáhnen nonhkweshón꞉ʼa ne Egypt nónhwe. Iasehiaténiet skátʼke nakorénhsonhs ne rothitiokwahshástsʼtes né tsi tiohontsáien ne kenhéion.

Ezekiel 32:20

“Nonhkweshón꞉ʼa ne Egypt nónhwe skátʼne enhathihiatiénenhne tsi niháti ne ronhwatinonhwahrhiákon ne tsi waterí꞉io. Nasarekówa iothateweienhnenhtáhon ratikwékon ahiakononhwahrhiakónʼnion.

Ezekiel 32:27

Iáh thaʼtekarénsahron tsi ní꞉ioht tsi ronhwahthihiathá꞉ten iáh tsi ní꞉ioht ne ronhtinikonhratʼtsánis norihwahkáhion tkènʼne, né꞉ne kwáh akwékon iehothíha ne hionteriʼiosthákwa ne tsi tiohontsáien ne kenhéion, ne rahonasarekówa nákonh ne rahthinonhtsíʼne iohrón tánon ne rahonáhwenhk tehioniatástha rahthiʼiátahke né káhere. Kí꞉ken rohthinikonhratʼtsánhis iahtekaiéri tsi nihathishástsʼteskwe nashakotiterónhkwen ne iakónhnhekwe.

Obadiah 1:4

É꞉tho sá꞉ne tsi niió꞉re tsi é꞉neken tsítieʼs kwáh ne ne á꞉kweʼks, é꞉tho sá꞉ne ne satsinà꞉kwa tho iekontikwé꞉kon ne tsi tiotsistohkwarónnionʼs, tho nón꞉we kwáh tentkonià꞉tenhte, rá꞉ton ne Roiá꞉ner.

Matthew 10:28

Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.

Matthew 11:23

Nok nise Capernaiim, ise enskat ne iatosaketotakȣe tsi teiesarensaronskȣe, tentesenonkȣihse nʼones-son. Aseken tsinikon satkathon nʼioriȣakerakȣate-nion, aiotkathon ne Sodome sekon nah neh nonȣa nakanataientake.

Matthew 4:13

Ehren oni Sarete ne Nazaretne, Capernaiim niionsare eh ionsahatien, kaniatarakta kanataien, tsi tetiatonȣentsianekhenhatie ne Zabulon tanon Nephtali.

Luke 13:28

Ethone onen tenseȣasenthoseron, tensoȣanokaraniehon oni tsi enhiestsiken; Abraham, Isaak, Jacob, oni ne Rotitokense okon raonakeraserakon ne Niio, nok nise astste entiestsiiatonti.

Luke 16:23

Nok nonen sihotetsiraton, oni Onesson roronhiaken, ȣahatarakestsko, nok ihnon iahoken Abraham, nok ranaskȣakon eh thotonnhahere ne Lazar.

Deuteronomy 1:28

Nonhtiéren tsi étho iahiákwe? Hionhkwaterónhni. Ne ronhnónkwe ne ieiethiʼiatoriónhne wahonkhiró꞉ri nétho nonhkweʼshón꞉a tsi sénha ratishátstes ó꞉ni ratinenhiésons tsi ní꞉ioht nonhkwahtsiákes, tánon tsi kanatowánens nónhwe nihatiʼterónhtons ne tekanatanáktons tsi tekensténrotes iéwas ne tsi tsotsikerarónhnions. Kwahiken tsi ratikowá꞉nenskwe thóh nónhwe iahonwathíken!’

2 Tiér 2:4

Rawení꞉io iáh tesakononstáton ne ratironhiakerónons ne rotiriwanerahákskon, ók onéson iasakohiatónti, tsi nónwe ne oronkwása tathinerénkston tsi tetiókaras, rohtiráhre nentewenniseráteke tenhonwatihiatórete.