Luke 1:8 - Ohiatonhseratokénti

⁸ Khare kati are onen ne Sakari roiotaties tsini hoiotenseroten ne Ratitsihenstatsi rahohenton ne Niio.

Neh Nase Tsi Shokȣatakȣen 1880 (4 Gospels by Joseph Onasakenrat)

⁸ Khare kati are onen ne Sakari roiotaties tsini hoiotenseroten ne Ratitsihenstatsi rahohenton no Niio.

Luke 1:8 ပူးပေါင်းရင်းမြစ်များ

1 Chronicles 24:19

Kí꞉ken ronhnónhkwe tsi wahonwatiʼsenhnarón꞉nion né tahioianénhaʼwe tsi nihotihiotenhseroténsons tsi nienhontáweiaʼte Nononsatokentiʼkó꞉waʼne tánon tsi nenhonterihwaténhtsate tsi nihonaterihwaiénhni tsi nihó꞉kwah thá꞉kwen ne ronwaʼsotʼkénʼen Aaron tsi nihotewenhnaráhkwen tsi nihorihwatháton ne Roiá꞉ner Sakoní꞉io Nisraeʼró꞉nonhke.

1 Chronicles 24:2

Né Nadab tánon ne Abihu tenitsáron ohénton watʼníheʼie tsi ní꞉ioht ne ronhwaníha, tánon kwáh iáh othènen tehonatwatsirónhni, ká꞉ti ne ronhtatekenʼokónhas ne Eleazar tánon ne Ithamar waiatʼtsihentónhni nenhné꞉e.

2 Chronicles 11:14

Né Leviró꞉nons wahontiakwahríhsi ne tsi watenhenrowánens ó꞉ni noiásons nón꞉we nihionhontsakérons tánon Judah tánon Jerusalem nón꞉we iathonhsahonhnátakwe, tsioríhwa ne Ronnontí꞉io Jeroboam Nisraeró꞉nonke tánon ne sakohiohokónhas iáh tehonwatirihwáwi nahotihiótenh tsi ní꞉ioht ne ratitsihénstatsis tsi ronwahiótenhse ne Roiá꞉ner.

2 Chronicles 31:19

Né ratiʼtsihénstatsis, ne Aaron sakoiohokónhas, né kanatowanénhke nón꞉we nihatiterónhtons, ronhnónkwe wahonwatiʼiatarakwenháton tahonwanarehniáten kwáh tsi niaʼtehionhkwétakes ne rotiskenrahkétes tsi nón꞉we nihatiterónhtons ne ratiʼtsihénstatsis tánon ratikwé꞉kon ne Leviró꞉nons né ratisenhnarónhnions ne kahiatonhseráke.

2 Chronicles 31:2

Né Ronnonhtí꞉io Hezekiah shaʼsakotiokwahseronniánion ne ratitsihénstatsis ó꞉ni ne Leviró꞉nons, né꞉ne satihiatátʼtions katokénston tsi nenhotihiotenhseroténhake. Thóh í꞉kare nahonhtsaháthake ne tkaiesthánions ó꞉ni ne sakaríhwa í꞉ken tsi tkaiesthánions, nahonhterihwatsʼtérisʼte Nononsatokentiʼkówaʼne ahonterénhnaien, tánon tsi naʼtehonhtenonhweratónhnions ó꞉ni tehontenonhwerátons tsikʼnonwésons nihionatʼthéhions nononsatokentiʼkówaʼne.

2 Chronicles 8:14

Ratísehre tsi nikarihótens ne rosahánion ne ronikénʼen Táwit, wahakwatakwenháton tsi niaʼtewenhniseráke tsi nihotihiotenhserótens ne ratitsihénstatsis ó꞉ni ne Leviró꞉nons tsi nikáien ne ronhwatiʼiénawaʼse ne ratitsihénstatsis tsi naʼtehatirihwákwas ne karenhnasónhas tánon tsi nenhotihióten ne raoʼtihiotenhseras. Tánon ó꞉ni washakokwahtákwahse Nononsatokentiʼkówaʼne ratinikónhrahres ne skenhtsokwátʼtions tsi nenhotihióten niaʼtewenhniseráke ne tsi iotenhenrenhtónhnions, né entsoianénhawe tsi nihorihwathátons ne Táwit, né꞉ne Rawenni꞉io rahonkwetaʼkénʼne.

Ezra 6:18

Tánon ó꞉ni sahonwatirihwasehrónhnien ne ratitsihénstatsis ó꞉ni ne Leviró꞉nons tsi ní꞉ioht tsi hionhterén꞉naiens nononsatokentihkó꞉wane ne Jerusalem nón꞉we, tahioianénhawe tsi ki nikahiatónhnions ne Mahís rahohiatonhserá꞉kon.

Exodus 28:1

“Iatsínonk ne iatsíha Aaron tánon ne sakoioʼhokónhas, Nadab, Abihu, Eleazar, tánon Ithamar. Thesehkháshion nonhkweshón꞉has tsi nòkwah ne lsarerʼró꞉nons, né nahónton nahiontióʼtenʼse nahontʼtsihensʼtónhni.

Exodus 28:41

Kí꞉ken atʼtsherónhniat né tshiatawit ne iatsíha Aaron ó꞉ni ne sakohiohʼokónhas. Ethòne seriwaʼnírats tánon seiaterenhnaʼiénhas tsi né ensehiókaʼwe ne iakenʼiewáhtha kènhie, ne káti nahónton nahiontiótenhse tsi ratiʼtsihénstatsis.

Exodus 29:1

“Ken kíʼ nenshié꞉re tsi nókwah ne Aaron tánon ne shakohiohʼokónhas tsi ensehiathonʼnhahérase tsi enhonktsiʼhenstónhni nahiontiótenhse. Iaʼtsínonk saiáta nithoʼiónha tionónskwahron rátsinn tánon tenihiáʼse teiotinakaronhtónha tenítsinn né꞉ne kwáh iáh othènnen tehotiʼhiátawenhs.

Exodus 29:44

Kwáh ne enkónhniathe natóhsehra ó꞉ni ne ietsienharákwah nahiotokentíke, tánon kwáh tenkhekhási ne Aaron ó꞉ni ne sakohiohʼokónhas tsi enhiontsiótenhse tsi ratiʼtsihénstatsis íken.

Exodus 29:9

tetsiaʼkwaráhnak tánon tetskenhkwaráhnak. Thóh ní꞉ioht tsi enseriwaníratshe ne Aaron tánon ne sakohiohʼokónhas. Ronʼnónha ó꞉ni tsi nienhontwaʼtsiríne tsi enhiontiótense tsi ratiʼtsihénstatsi enkénhake tsi nènhwe.

Exodus 30:30

Ethòne sehiathatoʼkéntist ne Aaron ó꞉ni ne sakohiohʼokónhas, tánon serihwanírats tsi ratitsihénsthatsis naiontsiótense.

Numbers 18:7

Ók í꞉se tánon ne sehiohʼokónhas iatesewahiátis tsi kwáh akwékon kèn nienhsewáiere tsi nihotiʼhiotenhseró꞉tens ne ratiʼtsihénstatsis ó꞉ni tsi nó꞉kwah ne ietsienharákwa tánon tsi nahoténsons ne kwáh Iotokénti í꞉ken. Kíʼ nahorihoténhsons í꞉se sewahioténhseras íken, tsioríhwa tsi tkwá꞉wi nathatawítshera nahisewatʼtsihenstónhni. Ónhka ne iáh tehiakohiotenhserarenhnáhon ákta niáien ne Iotokéntis í꞉ken kwáh kíʼ enhionhtaʼtenonhwariákon.”

Luke 1:5

Herod Shihonontiio ne Jude nonȣe, Saiatat ne Ratsihenstatsi Sakari ronȣaiasts, Abia raȣatsiratatie; nok ne rone Aaron neneh raȣatsiratatie Arisaȣe Konȣaiasts.

Luke 1:7

Nok iah tehotiȣiraientakȣe, aseken iah teȣateȣetonskȣe nʼArisaȣe, onen onitetsiaron sihotikstenha.