Luke 1:7 - Ohiatonhseratokénti

⁷ Nok iah tehotiȣiraientakȣe, aseken iah teȣateȣetonskȣe nʼArisaȣe, onen onitetsiaron sihotikstenha.

Neh Nase Tsi Shokȣatakȣen 1880 (4 Gospels by Joseph Onasakenrat)

⁷ Nok iah tehotiȣiraientakȣe, aseken iah tcȣateȣe-tonskȣo nʼArisaȣe, onen onitetsiaron sihotikstenha.

Luke 1:7 ပူးပေါင်းရင်းမြစ်များ

Genesis 17:17

Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”

Genesis 18:11

Nón꞉wa ne Abraham tánon ne Sarah ó꞉nen tehnitsá꞉ron sihotikstén꞉ha, tánon né Sarah ó꞉nen nenʼné꞉eh tsoiaʼtóntion tsi nitió꞉ion naón꞉ton naiowiraién꞉taʼne.

Genesis 25:21

NʼIsaac raonhá꞉ke ne Roiá꞉ner iahaterén꞉naien ne ne ró꞉ne aorihwá꞉ke, tiorí꞉wa tsi iáh teiowiraièn꞉taʼskwe; tánon kíʼ ne Roiá꞉ner waʼthorihwaʼserákwahse ne raoterén꞉naient, tánon ne ró꞉ne Rebekah iohrhá꞉rehkwe naiakowiraièn꞉taʼne.

Genesis 30:1

Nó꞉nen ne Rachel sónttoke tsi iáh thaón꞉ton ahotiwiraʼién꞉taʼte ne Jacob, waʼoteʼkéhfhahse né tiatateʼkén꞉ʼa; tánon wahawènhahse ne Jacob, “Takewí꞉ron, tokaʼ iáh enkíheie!”

1 Kings 1:1

Ne Ronhnonhtí꞉io Táwit ónenh kwáh thóh tsi nihosksthénha, tánon ethosáne ne rahonhatseraʼsónhas áhsires wahonwáraʼse, iáh kíʼ tewátonskwe nahohiathataríhen.

2 Kings 4:14

Né Elisha wahorihwanónhtonhse ne Gehazi, “Onh nahó꞉ten káti tsi nakatiérase?” Tsi watharihwaseráko, “Kwáh kíʼ wáhi: iáh tehionekenteronhtseráien, tánon ne teníteron ónen thó꞉hion.”

Luke 1:5

Herod Shihonontiio ne Jude nonȣe, Saiatat ne Ratsihenstatsi Sakari ronȣaiasts, Abia raȣatsiratatie; nok ne rone Aaron neneh raȣatsiratatie Arisaȣe Konȣaiasts.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Luke 1:8

Khare kati are onen ne Sakari roiotaties tsini hoiotenseroten ne Ratitsihenstatsi rahohenton ne Niio.

Romans 4:19

Ónen akthóntie nénskat tewenniáwe satehahoserihiákon; nók neh rawetakwátsera iáh tetioseronnénton sahanonthónʼnionwe ne raiátake, ónenk thoʼsíhiot tsi síken ní꞉ioht naiawenhéion, tánon ó꞉ni neh tsi neh Sarah iáh tahónton ahiowiraiéntaʼne.

Hebrews 11:11

Tewehtákwen seh wahkakwéni ne Abraham tsi kanísera waháton, iawehrohátien tsi ónen sóhtsi shihoksténha tánon ne Sarah akahónha ó꞉ni iáh tahónton nahiakowirahiéntaʼne. Thonwetákwenhne ne Rawenni꞉io tsi rotienawáston tsi nahóten rorahrátston.

1 Samuel 1:2

Tekeniʼiáhse teoniá꞉konhne; Tieiáta Hannah iontátsiats, nó꞉ia Peninnah neh iontátsiats. Ne Peninnah iakowiraʼiéntakwe, ók ne Hannah iáh neh othènen teiakowíraien.