Luke 1:48 - Ohiatonhseratokénti

⁴⁸ Neh tsini hakkonnienston atatkenronniatserakon; nese ȣaonni onhiontonheke tsinenȣe: enhiontonheke iotsennonni.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁸ Neh tsini hakkonnienston atatkenronniatserakon; nese ȣaonni onhiontonheke tsinenȣe: enhiontonheke iotsennonni.

Luke 1:48 ပူးပေါင်းရင်းမြစ်များ

Genesis 30:13

Tánon Leah wakén꞉ron, “Tsi niwakatsennón꞉ni! Ó꞉nen ne konnón꞉kwe iotshennón꞉ni enionkenaʼtónhkwake”; sók kiʼ Asher wahoná꞉tonhkwe.

2 Samuel 7:8

Nón꞉wa ne káti tsi nahó꞉ten entsró꞉ri nakenhá꞉tshera Táwit: Ratón꞉ne Sakoroniakerónons: Í꞉i iekonnónkon ne tsikonwatiterontákwah ne watenhenrowanénhke, tsi shenikonrahrátsieskwe teiotinakarontónha ne naseiatenontí꞉ioste nakonkwetashón꞉ahs Israerʼró꞉nons;

Psalms 102:17

Kwáh ó꞉ni enhakwéniensʼte ne raonaterénhnaient ne tehiontkárhias, tánon iáh thaʼhakénhron ne raonaterénhnaient.

Psalms 136:23

Kwáh seh rahónha ne iáh tesonhkwahiatanikonhrénhen nó꞉nenh sihionkhisénhnion; asèken ne iorihwatóken raonoronhkwáhtshera tsi nénhwe enkátake;

Psalms 138:6

Asèken iawerohátien ne Roiá꞉ner tsi nió꞉re tsi éhʼneken thénteron, tesakoteriéntare kí ne iakothenténion; tánon ne iontatónhni iáh thahónton naiesathaséhten.

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Malachi 3:12

Eʼthó꞉ne kiʼ ne iakaontsaʼkehró꞉nonʼs eniesanaʼtónhkhwake satáhskats, aseʼkénh ní꞉se ne sonhontsà꞉ke kwáh enwatenatí꞉ioke neʼthó nón꞉we naienákereke, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Luke 1:28

Nok nonen siiahataȣeiate ne Raronhiakeronon tsinonȣe nikenterontakȣe, ȣahenron: ȣatkonnonȣeraton ise ne iesaȣi ne Kaianeren Senikȣekon ne Roianer: sonhaa iesaiatanoronston tsiniiakon ne tsiakothonȣisen.

Luke 1:42

Nok ȣatiohenrete, nok ȣakenron: Sonhaa iesaiatateriston tsiniiakon ne tsiakothonȣisen, nok Kaiatateriston ne ioteiarontie tsiatakon.

Luke 1:45

Iotaskasts ne tiaȣetakon: Aseken tsinikon konȣarori ne Roianerne tioientakon akȣekon etho nenhiaȣenseron.

Luke 1:49

Ne tsini hakiatanoronston ne Rosastenseroȣanen, nok Rosennatokentikoȣa.

Luke 11:27

Arek ok tiiehoteȣennokte, skaiatat tsiothonȣisen tontahiohenrete nok ȣakenron: iakotaskasts ne ieiatakon tsiatatakȣe, oni ne iesataronte!

1 Samuel 1:11

Nakaónha kén ní꞉iot tsi wahonráhratsʼte: “Ó Sheiá꞉ner ne ronterí꞉ios ratironhiakerónons, tó꞉ka ní꞉se kwáh asheiatkátho tsi niʼiakonhnátsen ne sanhá꞉tshera, tánon aonshaskeiá꞉rahne, tánon tó꞉sa sheʼiatanikónren ne sanhá꞉tshera, ók enteshé꞉ion ne sanhá꞉tshera roskerakéte owirá꞉a, eʼthóhʼne kiʼ enhí꞉teron sahén꞉ton kwáh ne ne nazirite kwáh tsenshatonhnók꞉ten. Iáh thahanekiráke notsítsa khés niakononwahratóntha, eʼthóhʼne kwáh kíʼenthí꞉ion Roiá꞉ner kwáh tsi nikarí꞉wes enrón꞉nheke tánon iáh tsaʼkaiéna ne ionthatenonkarhiákstha ne ranontsíne.”

1 Samuel 2:8

Teshesakotástha ne iakó꞉ten thóh okenrá꞉ke; saʼkoiatakarátats ne tsiaʼkotokʼtáni thóh tsi iokenratstòkoto ne wakenrontákwen, ensakahónhnien skát꞉ne róntsien ne niothinontiʼiotserása tánon ne enhatiʼiéna ne anitskwára ne tekarénhsaron. Asèken ne tsi kanawahatótons ne tsi ionwenhtsá꞉te ne raówenk ne Roiá꞉ner, tánon ononháke renskwáhere ne tsi ionwenhtsá꞉te.