Luke 1:32 - Ohiatonhseratokénti

³² Henhaiatanoronke nok henhonȣanatonkȣake Enekentsi Roienha; Nok ne Roianer Niio henhonistskȣaratseron ne Roniha Taȣit rahonistskȣara.

Neh Nase Tsi Shokȣatakȣen 1880 (4 Gospels by Joseph Onasakenrat)

³² Henhaiatanoronke nok henhonȣanatonkȣako Enekentsi Roienha; Nok no Roianer Niio henhonistskȣaratseron ne Roniha Taȣit rahonistskȣara.

Luke 1:32 ပူးပေါင်းရင်းမြစ်များ

2 Samuel 7:16

Ne tsi waswatsiratátie ó꞉ni ne sanakerásera kwáh oriwí꞉io enhionhníhake ne ne tsi nènhwe nakʼkénton; sahén꞉ton ne sanontiʼiótsera kwáh enkáthake ne tsi nènhwe enkén꞉hake.

Psalms 132:11

Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Psalms 132:12

Tó꞉ka ne saʼnekenteronhtseraʼshón꞉has enhontiénawasʼte naʼkaterihwaʼseronniátshera tánon natianerénhseras ne tsi nenkerihónhnien, tánon ne ieshesakotiʼiohokónhas ó꞉ni, né꞉ne tsi nénhwe enkénhake, kwáh sanitskwáhraʼne enhóntsien.”

Isaiah 16:5

eʼthó꞉ne anitskwáhra enkakwatákwenhke tsi nón꞉we ne iorihwató꞉ken kanoronhkwáhtshera nikáien thóh rahothohserákon ne Táwit, tánon thóh nón꞉we nenhanitskwáhren ne raoʼrihwatokentitsherákon né꞉ne rakóra ne ré꞉saks kaiáneren tánon rahiatastó꞉re ne thóh naháiere ne tkarihwaiéri í꞉ken.

Jeremiah 17:25

Ethóhʼne ne ronwahthinonhtí꞉ios ó꞉ni ne ieʼsehshakotiʼienhokónha entʼthontáwehiaʼthe tsi iotenhenrahkáronthe ne Jerusalem tánon kwáh ne sáhka tsi enhotiʼiénthake ne kanonhtiʼióstshera ahoshastsʼténsera tsi kíʼ niʼhiothónʼne ne Táwit roiénthaʼkwe. Skátke nonhkweshón꞉a ne Judah ó꞉ni ne Jerusalemró꞉nons, otsiónkwas enhothihonwisehréhson tánon kosáhtens enhothishátensehke, tánon ne tsi kanatowánen ne Jerusalem kwáh tiókonhte tsi enhionkwenéhake.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Matthew 1:1

KENH Kaiaton tsinithotenekȣensinon ne Iesos-Keristos, David roienha, Abraham roienha.

Matthew 12:42

Entieronon Konȣakorakoȣa enhiakoriȣasten oni enhiakoriȣente nekonh kaȣatsirate. Aseken naonha Onȣentsiokten tsi ontaonsatatha ne Salomon raottokhasera: nok nonȣa kenhihres senha isinonȣe tsini aiatoten tsiniiot ne Salomon.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

Matthew 3:11

Nese ok ȣahi nii naȣenke kȣanekȣahesta nakaieronnihake tsi tsiseȣatatreȣata; nok tanon nʼonaken tare neh senha rokȣeniatseroȣanen, akȣekon iah teȣakerihonte neok oni ne rahota akathaȣa: rahonha ensetsiseȣanekȣaheste Rahonikonra tokentiserakon oni otsirake.

St. Mark 14:61

Ok tatehotote ne Iesos iah othenon tahenron. Sekon ne Ratsihenstatsikoȣa Sahoriȣanontonse, ȣahenron: Ise ken ne Keristos Niio Iaienha?

St. Mark 5:7

Ȣathohenrete ȣahenron: Iesos, nahoten taskeniente ise ne Niio iaienha? Konnekennis rahosennakonne Niio tosa niare askeronhiakente.

Luke 1:15

Aseken henhaiatanoronke rahohenton ne Roianer, nok iah thahanekirhake notsitsia iah oni nʼiako-nonȣaratonta; nok tsi enthatiatata ne ronistenha Kaiatakon entnikȣekhene ne Rotkon Roiatatokenti,

Luke 1:35

Nok ne Raronhiakeronon tontahaȣennaȣeron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; ne se ȣaonni oȣiratokenti ki nensaȣiraientane, enhonȣanatonkȣake Niio Roienha.

Luke 1:76

Nok nise seksaa, Niio roȣennenhaȣe enhiesanatonkȣake, aseken hentsenteste ne Roianer nok hentsiahahaseronnien.

Luke 3:16

Tahenron ne San; neok se nii naȣenke kȣanekȣahesta, tihaiatate ohnaken tare nehe senha rokȣeniatseroȣanen, akȣekon iah teȣakerionte neok oni nahiiennikatsenanerensi, neh Onikonratokenti nok Otsire hentsiseȣanekȣahestakȣe.

Luke 6:35

Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

John 12:34

Tontahonniron nonkȣeokon: Onkȣaiatonsera ionkȣarori tsi henronnheke onȣe ne Keristos: oh kati nekenh niiotieren tsi saton enshatharatate nʼOnkȣe Roienha? Onka kati nekenh nonkȣe Roienha?

John 6:69

Nok tionkȣetakȣen ionkȣaterientare oni tsi ise ne Keristos Niio Roienha.

Acts 16:17

Wahonwásere ne Kór tánon nonkwátiakes, tehiakohenrétane, “kíʼ ronʼnónkwe neh ronwahiótense nahonwa꞉a tohsatstenserowánen Rawenni꞉io! Neh rontʼróris onʼní꞉ioht tsi ahonsahseniákenʼne!”

Acts 2:30

Rothokenséhaʼkwe, tánon roteriéntaraʼkwe tsi nahóten rorahratsʼtén꞉ni ne Rawenni꞉io: Rawenni꞉io rorahrátsʼton sahiátat ne Táwit rahowátsire enhatenontí꞉iosʼthe, kwáh tsi ní꞉ioht thón꞉ne ne Táwit.

Acts 2:36

“Onkwetaʼkwékon ne Israeronónke, káti, ahiakoteriéntaraʼne tsi kwáh oriwihioʼónwe ne kí꞉ken ne Ié꞉sos, tsi nikáien ne teʼtsisewahiásonʼte, tsi raʼónha ne Rawení꞉io rosennáhwi tsi Roiá꞉ner ó꞉ni ne Kerístos!”

Acts 7:48

“Nók kíʼ ne kwáh rosastenserowánen Rawení꞉io iáh nen né꞉e tsi kanonsóton non tehnteron neh oʼónkwe akosnónsa akanonshonʼniáton; tsi nihónen ne rothithokenséhaʼkwe,

Romans 1:4

tsi nitóha neh Niió꞉ne ne Rahohiatatokentítshera, Rawenni꞉io warhotáshon neh kasastenserowánen tsi raónha seh ne Kanísera tsi sonwakétskwen ne Roiénha ne kenheiátne.

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko: