Leviticus 9:9 - Ohiatonhseratokénti

⁹ Sakohiohokónʼa tahonwanekwenhsahawíten, tánon thóh iaʼthanisnónhsoʼwe, tánon ostónha thóh tsi iosónhtons ne tsi tekahiosakérons ne ietsienharákwahke wahanekwenhsaró꞉sehron, tánon ne wahotenekwenhsatháteʼre tsikʼkárate ne ietsienharákwa iahanekwenhsáweron.

Leviticus 9:9 ပူးပေါင်းရင်းမြစ်များ

Ezekiel 43:15

Kí꞉ken ne éhneken nónhwe, né꞉ne tsi nónhwe nikonhwanatsiathatsahathákwa ne katʼtshénens, tsáta nònhne niwahshí꞉thake nitiótʼte. Tsi tehioshó꞉thatse ne kaiéri nikahiósahke sénha tiótʼte tsi ní꞉ioht ne kwáh éhneken.

Ezekiel 43:20

Ienhénsahwe kén nikónha ne raonhekwénhsa tánon thoʼénsren tsi kahkwathákwen é꞉nheken ensrhiónhnion ne tsi tekhahiósaiens ne ietsienharáhkwa, ó꞉ni ne tsi tekhahiósaien ne asénhnon nónhwe í꞉ken ne ietienharáhkwa, tánon akwékon ne tehiokwathaséhton ne tsi iehiotʼthónnions. Thóh ki ní꞉ioht tsi ensehnóhare tánon enshathatéristhe.

Leviticus 16:18

ónenk tsi ietsienharákwaʼke niénrhenre né꞉ne ronhteskonhthákwa tánon naharihwatokéntisʼte. Ónenk tsi ostónha ienháhaʼwe ne tèro rahonekwénhsa tánon ostónha ne kaiatákeras rahonekwénhsa tánon akwékon tsi iosónhtons ne tsi tekahiosakérons ne ietsienharákwa enharó꞉sehron.

Leviticus 4:25

Ne ratsihénsthatsi iatenhanisnónhsohʼwe raonekwenhsáke ne katshénen, tánon thóh enhanekwenhsaró꞉sehron tsi ioshióntons ne kaiéri níkons tsi tekaʼiósaiens ne ietsienharákwahke, tánon nenhiotenekwenhsatáteʼre ehʼienháweron tsitʼkenskwáhere ne ietsienharákwah.

Leviticus 4:30

Ne ratsihénsthatsi iatenhanisnónhsohwe raonekwenhsáke ne katshénen, tánon thóh enharó꞉serons tsi ioshióntons ne tsi tekhahiosakérons ne kaiéri níkons ne ietsenharáhkwahke, tánon nenhiotátere thóh entʼtháweron tsitkárate ne ietsienharáhkwa.

Leviticus 8:15

Ne Mahís wahononwarhiákon tánon ostónha iaháhaʼwe nonekwénhsa, tánon rasnonsáke wárasʼthe tsi wahanekwenhsarósehron ne tsi ioshón꞉tons ne tsi tekahiosakérons ne ientsienharákwahke, né nahónton naʼkonwatonhnahéraʼse. Ethòne tsitkáraʼte ne ietsienharákwa iahá꞉weron ne iotenekwenhshathaténron, Thóh kíʼ ní꞉ioht tsi wahatonhnahéraʼse tánon tsi wahanohárethe.

Leviticus 9:10

Tánon thóh ne tsi ietsienharákwahke wahatʼtsahathánion ne iorèsens, ostséseris, tánon ne kwáh tewentwenhsí꞉io, kwáh kíʼ tsi nihoríhonte ne Roiá꞉ner ne Mahís.

Leviticus 9:12

Wahononhwarhiákon ne katʼtshénen né꞉ne kwáh rahónʼa enhoteskónten. Sakohiohokónhas tahonwahawíten nonekwénhsa, tánon thóh iahotiésehrons akwékon ne kaiéri níkons ne skatísons nokwáhtis ne ietsienharáhkwahke.

Leviticus 9:18

Wahononhwarhiákon ne teró ó꞉ni ne tehiotinakaronhtónhʼa rátsinn né ꞉ne skaríhwa akorihwáke íken nonhkweshón꞉a. Sakohiohokónhas tahonwanekwenhsenhawíten, tánon thóh iahotsésehron ne kaiéri níkons ne skatísons nokwahtísons ne ietsienharáhkwahke.

Hebrews 2:10

Ne khók tkariwahiériʼkwe ne Rawenni꞉io, tsi nikáien rashahánions ó꞉ni orihwakwékon rahnónstats, ne aoríhwah ne Ié꞉sos rotesénnion tsi nòkwah ne raoronhiakénsera ehnahontáwe rohnatiokowáhnen ahontasakotiʼiaténhawe ne ieksaokónhas nahontiátaren ne raoiatanerakwahtsherákon. Asèken ne Ié꞉sos rahónha iensakosárine tsi nòkwah ne kaiatakenáhtshera.