Leviticus 9:7 - Ohiatonhseratokénti

⁷ Ethóhʼne ónen Aaron nónhwa sahawénhaʼse, “Wáhs tsi ietsienharákwahke niáhaʼse tánon né saterihwaténtʼtsiat ne karihwáneren aoriwáke asatʼtsiaháthaʼkwe tánon ne watéskonhte aorihwáke né nènhne éhren ahonsakaháwiʼte ne sarihwanerahákʼtsheras ó꞉ni nonhkweshón꞉as akorihwanerahák꞉tsheras. Saterihwaténtʼtsiat kí꞉ken nikarihó꞉tens né nahéren ahonsakaháwiʼte nonhkweshón꞉as akorihwanerahák꞉tsheras, kwáh kíʼ tsi nihorihwíson ne Roiá꞉ner.”

Leviticus 9:7 ပူးပေါင်းရင်းမြစ်များ

Leviticus 16:11

Nónen ne Aaron enhoteskónhten ne tèro né꞉ne rahónʼa tánon ne rahowátsire rahotirihwanerahákʼtshera aorihwáke,

Leviticus 16:24

Ónenk tsi thóh nónhwe nenshatáwen tsi nónhwe ne iotokénti í꞉ken tánon né énsrastste ne rahónʼa rahotsherónhnia. Ethóhʼne, ónenk tsi ienshahiákenhne tánon ne ienháthaʼte ne wateskonhte né nahéren ahonsakahawíthonhke né꞉ne rahónʼa rahorihwanerahák꞉tsheras tánon nonhkweshón꞉as.

Leviticus 16:6

Ónenk tsi né ienhót꞉kaʼwe ne tèro nahonwatéskonhthe né nahèren ahonsakahawíthonke ne rahónʼa rahorihwanerahák꞉tsheras tánon ne rahowátsire.

Leviticus 4:3

Tó꞉ka né꞉ne kwáh éhʼneken tót꞉the ratsihénsthatsi wahariwánerake tánon taháhaʼwe nashakorihwároh nonhkweshón꞉as, ónenk tsi ienhót꞉kaʼwe ken nithohiónha tionhnónskwahron rátsinn né꞉ne iáh othènen tehotsihióha tánon ne enhoteskónhten rahohénton ne Roiá꞉ner né tsi rorihwanerenhákskon.

Leviticus 8:34

Ne Roiá꞉ner sonhkwaríhonte tsi ne tewátiere nónhwa wenhniserátekwe, ne nahónton é꞉ren ahonsakahawítonhke ne sewarihwaneraháktshera.

Leviticus 9:2

Wahawénhase ne Aaron, “Iatsiaténhaf ne tsionónskwahron rátsinn tánon ne teiotinakaronhtónʼa rátsinn né꞉ne kwáh iahothènen tehothiʼtsihióthare tánon thá꞉tion ne Roiá꞉ner, ne tsionónskwahron rátsinn né꞉ne kariwanerenhákʼtshera aorihwáke tánon ne teiotinakarontónʼa né nenʼné꞉e nahonwateskónhten aorihwáke.

Hebrews 5:1

Kwáh tiókonte ne ratsihenstowáhnen tsi né ronwahiataráhkwas ne sahtehatiʼtsihénstatsis tánon ronwahʼiataráhkwen nahoióhtense ne Rawenni꞉io ne rohnónha raotirihwáhke, nahaterihwahthentiátake tsi ahatsienkwahronniátahke ó꞉ni ehnahontáhwe ehrenakahawíton ne karihwáhnerens.

Hebrews 5:3

Tánon tioríhwa tsi raónha óni rohtsiʼióha, onénk tsi enhatienkwahronniátahke iáh nék khók tèken nakhó꞉ren akorihwahneraháktshera nók kíʼ óni ne iatehʼahiá꞉ti raorihwahneraháktsheras.

Hebrews 9:7

ónk nék khók ne kwáh rahtsihenstowáhnen iehatawehiátha ne tekeníhaton ionáktaien natohsherákon, tánon énskat khók ne tsóshera thóh kíʼ nihaiérah. Tánon onekwénhsa ieháhas tsi tenhononwehráhton ne Rawenni꞉io ne raónha rahorihwáhke tánon tsi nihiákon ne iáh tehiakotheriéntare tsi nihiakorihwáhneren.

1 Samuel 3:14

Ne káti aoríhwa wakerihwanírate thóh tsi ronónshoʼte ne Eli nètho raoʼriwahetkénhsera ne Eli tsi ronónshoʼte kwáh iáh ne éhʼren tahonsakaháwiʼte tsi akonwateskónten katshénenh khéhs nahontahatí꞉iestake ne tsi nénhwe akénhake.”