Leviticus 9:23 - Ohiatonhseratokénti

²³ Ne Mahís tánon ne Aaron atohsehrákon niaháne tsi nónhwe nihénteron ne Roiá꞉ner, tánon nónen shaʼthontanihiákenhne, washakotiʼhiathatérisʼthe nonhkweshón꞉as, tánon ne rahohiathanerakwáhtsheras ne Roiá꞉ner kanenhrakwékon tsi wahakothoʼtháshiaʼse.

Leviticus 9:23 ပူးပေါင်းရင်းမြစ်များ

2 Chronicles 7:1

Nó꞉nen ne Ronhnontí꞉io Solomon shaʼhása tsi roterenhnaiénthakwe, karonhiáke nonhtontʼtsírihne tánon onhtsahate ne ronhteskontaʼkwáhneʼne ne thotiʼiestánions, tánon ne tehiokaráiat kaswatʼtétshera né tsi Roiá꞉ner thóh í꞉reskwe kwáh iononsíhon Nononsatokentiʼkówa.

Exodus 16:10

Ne Aaron tsi nasakothá꞉raʼse ne ratiʼnakeraʼserakwékon, kahenthaʼkekówa nòkwah niahontiérahʼte, tánon thontahiaʼwénstsi ne tehiokarahiákt kaswatʼthétshera né꞉ne Roiá꞉ner wahaʼthotási tsi iotʼtsáthare.

Exodus 39:43

Ne Mahís kwáh akwékon niaʼhakenhenhiónko tánon wahatkátho akwékon thóh ní꞉ioht tsi kasahánion kwáh kíʼ tsi nihontenhnáhon ne Roiá꞉ner. Káti ne Mahís wahahiatatéristhe.

Leviticus 9:4

tánon tehonakares rátsinn tánon teiotinakaronhtónʼa rátsinn né nènhne ne skaríhwah íken tsi iahontkáwenhke. Né꞉ne Roiá꞉ner ahonwateskóntʼthaʼse skátke noná꞉tsias aorihwáke né꞉ne teweienaʼiéston. Ónenk kíʼ tsi thóh nenhatí꞉iere tsioríhwa ne Roiá꞉ner tsi ónhwa wenhniseráte enshakothotháshiaʼse.”

Leviticus 9:6

Ne Mahís wahénron, “Ne Roiá꞉ner kwáh tsi sewarihwishehén꞉ni akwékon kí꞉ken thóh naisewáiere, né káti nahónton ne rahohiathanerakwáhtshera nahisewatoʼtháshiaʼse.”

Numbers 14:10

Kanakeraserakwékon iontesenhnanónwakʼskwe nahonwatiʼnenhióhiake tsi thaʼníheie, ók thontaiawénhstsi nonhkweshón꞉ʼa wahontkátho ne tehiohaseraswát꞉the né꞉ne tsi nónhwe nihénteron ne Roiá꞉ner thóh é꞉neken tsi watóhserote onhtotáhsi.

Numbers 16:19

Ethòne ne Korah ratiʼkwékon washaʼkohiataró꞉rohke ne ienákere, tánon tsi waʼthatítane tehonwatikánere ne Mahís tánon ne Aaron ne tsi iehiontawehiatákwah natoserákon. Thontahiawénhstsi ne tehiohaseraswátʼthe watsioswátʼthete tsi nónhwe nihénteron ne Roiá꞉ner wahakothotáshien kanenrakwékon ne ienákere,

Numbers 16:42

Né nó꞉nen kanenhrakwékon sahonteróroke wahonwarihwaiatʼse ne Mahís tánon ne Aaron, wathohtkaraténi tsi tewatóhsehrote niahontiérate tánon wahontkátho notsíkera iohrorókston tánon nètho tehiohaseraswáhthe tsi nónhwe nihénteron ne Roiá꞉ner onhthotáshion.