Leviticus 8:23 - Ohiatonhseratokénti

²³ Ne Mahís wahonhnonwarhiákon tánon ostónha iaháhaʼwe nonekwénhsa tánon ethàʼke ne tsi rothahón꞉thaʼte ne Aaron nónhwe nahá꞉ro, ó꞉ni rawehionkáraʼke né saweientheʼthákwen, tánon ne rahiakwiró꞉wanenhke ne saweientethákwen nahashiʼtáti.

Leviticus 8:23 ပူးပေါင်းရင်းမြစ်များ

Exodus 29:20

Tsienonhwarhiákon, tánon iahásaf ostónha ne raonekwénhsa tánon tsi roʼthahónthate ne saweientetáhkwen ne Aaron ó꞉ni ne sakohiohʼokónhas sèhroh, tánon ne sathiweientetáhkwen ratiwehionkaráhkes ó꞉ni ne tsi tehonhiakwiroʼwánens ne sathiweiehtetáhkwen nahonshitáti. Nenhiotátere nonekwénhsa aktónhties ne tsi ientsienharahkwáhke iaʼsáti.

Exodus 29:21

Ethòne iahásaf nonekwénhsa ne ietsienharakwáhke káhere tánon ostónha ne kènhie ne ronhwatiʼriwaniratstákwa ne ratiʼtsihénsʼtatsis, tánon tesatsʼtaró꞉kwat ne Aaron rahotseronhniaʼkwáhke ó꞉ni ne sakohiohʼokónhas rahonatʼtseronhniaʼkwáhke. Raónha ó꞉ni ne sakohiohʼokónhas, tánon ne rahonatʼtserónhniat enhiotokentíke nakeriwáh꞉ke.

Leviticus 14:14

Ne ratsihénsthatsi ostónha ne teiotinakaronhtónʼa owíra rahonekwénhsa etháke ne tsi iehiakothahónthaʼte ne tsi ieweientheʼthákwen nónhwe nenhanekwenhsàro, tánon ó꞉ni ne iehionhkaráke ne tsi ieweientheʼthákwen, tánon ne hionhiakwirowaʼnénhken ne tsi ieweientheʼthákwen nahonshítate tsi nikáien nahiontatró꞉rih tsi kwáh tiakoiewenhtáhon.

Leviticus 14:17

Ostónha ne kénhie ne ratianákon í꞉kare tánon ostónha ne teiotinakaronhtónha owíra rahonekwénhsa enhá꞉ro ne etháke ne shaʼweienteʼthákwen tsi iehothahonthate tsi nikáien nenshonwarónhkwahse, ne shaʼnekwáhti nahawehionhkaráti, tánon ne rahiakwirowaʼnénhke ne shaʼweientheʼthákwen nahasitháti tsi nikáien ónhkak ahionhtatró꞉ri tsi kwáh tiakokʼkwéniens.

Leviticus 14:25

Ónenk tsi enhanonhwariákon ne teiotinakaronhtónha owíra tánon ostónha ienháhaʼwe nonekwénhsa tánon thóh enhá꞉ro tsi iehothahóntaʼte ne saweienthethákwen nahahontáti, tánon ne rahiakwirowanénhke ne saweienhthethákwen nahashitáti.

Leviticus 14:28

Ónenk tsi kwáh thóh nónhwe ostónha nenhá꞉ro ne kenhié tsi kíʼ nónhwe nihó꞉ronh nonekwénhsa: né꞉ne tsi ieshathahónthate ne seʼsehweienhtethákwen, ne sewehionhkárahke ne sesehnekwáhti, tánon ne sahiakwirowanénhke ne sesehnekwáhti nashashítati.

Leviticus 7:37

Né káti, kí꞉ken, ne kaianerénseras íken tsi nòkwah ne watʼtsahathánions tkaiesthánions, ne onátsias tkaiéston, ne karihwáneren aorihwáke tsi karó꞉rons, nenskakarhiákonke aorihwáke, nahonwatiʼrihwanirát꞉tse aorihwáke, tánon ne sakaríhwa íken tsi tkaiéston.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

Romans 6:13

Tóhsa ó꞉ni sewatiakwaríshas ne kariwáneren tsik nahiotónhake ne tsionhakésons nehʼne ahónston ne kariwaneraháktsera. Khèkenk, Rawenni꞉io tatʼtsítsion ne tsiʼtión꞉nhe, tsi nihiáwenhe nhótiake tsi sonnatonʼnhéton, tánon kwáh sewahiathakwékon sewahtiakwarísi rahonháke nehʼne ahʼhónston tsi nòkwa ne kariwakwarishóntsera aoriwáke.

Romans 6:19

(Neh kástha ne iáh tewatewennhatóres ne niatewenniseráke tsioríhwa tsi nihiotsihióha ne sewanikonraienthátesras.) Tewenniseráthekwe kwáh tokénhen wesewahtsiakwarísi tsi sewanáskwa kén꞉ne tsi nòkwati ne iáh tehiotkwéniens tánon ne wanontonniontserákʼsens neh꞉ne ahorihónniat ne kariwahétkens. Tánon kwáh satèhiot ónenk tsi kwáh tòken hen ensewatsiakwarísi tsi ní꞉ioht tsi sewanáskwa sewahiótens nahoténsons ne tkariwaiéris, nók ne sasewahióten ne iotokéntis ahoriwasónhas.

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

1 Corinthians 6:20

raʼónha rokariákon ne tsi sónnhe. Káti saierónta ísasts raohiataneráhkwahte ne Rawenni꞉io.

Philippians 1:20

Kwá éhtho ní꞉ioht tsi kanontónʼnions ó꞉ni kaskáneks tóhsa nonwénton neh thènen nakátiere nahonkatéhate. Neh thokàken akónnheke khés nakíheie, Netewakathonwentióni tiókonte ehnahonkenikonrhatsaníton tsi nónwa ní꞉ioht tánon Kerístos nokwáh niáwe ne kakweniensthátsera.

Philippians 2:17

Tsi thisetákwen tsi nòkwa ne Roiá꞉ner tanon tsi ní꞉ioht tsi teseriwhaʼiérits ne teskaieróntare tsi ní꞉ioht nasatsienkwarónniate ne rahohénton. Tánon nakenekwénsa tòka nónwa ónen tsi neskátne entewahʼwéronke ne iontsienkwaronʼniathákwa. Tóhka káthiʼki ehʼneniáwen꞉ne, Enkatsennónʼni ó꞉ni skátne entewathonʼnáren.

1 Thessalonians 5:22

tánon satiatatískwat tsi nahoténsons ne karihwákʼsen.

Hebrews 2:10

Ne khók tkariwahiériʼkwe ne Rawenni꞉io, tsi nikáien rashahánions ó꞉ni orihwakwékon rahnónstats, ne aoríhwah ne Ié꞉sos rotesénnion tsi nòkwah ne raoronhiakénsera ehnahontáwe rohnatiokowáhnen ahontasakotiʼiaténhawe ne ieksaokónhas nahontiátaren ne raoiatanerakwahtsherákon. Asèken ne Ié꞉sos rahónha iensakosárine tsi nòkwah ne kaiatakenáhtshera.

Hebrews 5:8

Iáh ierohátien tsi Rawenni꞉io Roiénha kènʼne, rahoronhiakenserákon nónwe nahawehientéthaʼne nahatewénnarahkwe.