Leviticus 8:2 - Ohiatonhseratokénti

² “Iatsiaténhaf ne Aaron ó꞉ni ne rahonekenteronʼtshersónhas ne tsi iehionthawehiatákwah natohsehrákon tsi nónhwe nikíteron tánon tsátkaf ne ratiʼtsihénsthatsis rahonatʼtierónhniat, ne ionhthatsiatokástha kénhie, ne tsionónskwahron rátsinn owíra né꞉ne karihwáneren ahorihwáke tsi iahontkáwenhke, ne tenihiáse teiotinakaronhtónha tenítsinn, tánon náthere ne iáh tewatʼthenkwáhton kanatá꞉ro íkenre.

Leviticus 8:2 ပူးပေါင်းရင်းမြစ်များ

Exodus 28:1

“Iatsínonk ne iatsíha Aaron tánon ne sakoioʼhokónhas, Nadab, Abihu, Eleazar, tánon Ithamar. Thesehkháshion nonhkweshón꞉has tsi nòkwah ne lsarerʼró꞉nons, né nahónton nahiontióʼtenʼse nahontʼtsihensʼtónhni.

Exodus 28:40

“Atiátawis tionhniánion, atiatánas, tánon anonhwaró꞉res né꞉ne Aaron sakohiohʼokónhas rahotiriwá꞉ke, nahontaietʼtshíhion ne kakweʼnienstáhtshera ó꞉ni ne ioràse.

Exodus 39:41

tánon ne iokwahnianeráhkwahs ne rothikháres énhonsthe ne tsi iotokénti nónhwe—ne iotokéntis oniataráhas né꞉ne Aaron tánon ne sakohioʼokónhas rahonáwenk.

Leviticus 6:10

Ethóhʼne ne ratsihénsthatsi, né róston ne kwáh rokweʼní꞉io né꞉ne waniatarará꞉ken wakóhses tánon ne waniatarará꞉ken nàkon tháiens, ónenk tsi enhará꞉ko ne tehiahowenienʼnhokónhton okènrah ne thók iekáhere ne ietsienharáhkwahke tánon ákta ne tsi ietsienharáhkwah enhá꞉ien.

Leviticus 8:1

Ne Roiá꞉ner wahawénhase ne Mahís,

Leviticus 8:10

Ethòne ne Mahís wátraʼkwe ne shaʼkoterenhnaienhnítha kénhie tánon waʼtatsthaʼtharokwahthánion natohsehráke tsi nónhwe nihénteron ne Roiá꞉ner tánon ó꞉ni akwékon tsi nahoténsons ne thóh atohsehrákons káiens, tánon thóh kíʼ kén ní꞉ioht tsi wahotonhnahéraʼse ne Roiá꞉ner.

Leviticus 8:18

Ethòne ne Mahís iahohiaténhaʼwe ne teiotinakaronhtónha rátsinn né nahoteskónhten, tánon ne Aaron ó꞉ni ne shaʼkohiohokónhas wathonwanisnónh꞉saren ranonhtsí꞉ne.

Leviticus 8:22

Ethòne ne Mahís tahohiaténhaʼwe ne tekeníhaton ne teiotinakaronhtónha rátsinn, né nènʼne tsi enhowatirihwaníratʼtse ne ratiʼtsihénsthatsis aorihwáke, tánon ne Aaron ó꞉ni ne sakohiohokónhas wathonwanisnonhsáren ne ranonhtsíne.

Leviticus 8:3

Ethòne kanenrahkwékon ne tsi ienákere iashé꞉nonht né thóh nónhwe nahionhteróroʼke.”

Hebrews 7:27

Kwáh iáh thènen tateshontiérens nakorénsons ratiʼtsihénstatsis; iáh thaʼtehotonwenhtió꞉ni nahatienkwahrónniate niaʼtewenhniseráke ne raoriwahneraháktshera ahontakahénte thóh ne nakorénshons akorihwahneraháktsheras. Énskak khók iehotkháwenh ne karonhiakénsera, kwáh énskak khók ieiohterátston, né nónen rahónha wahatatewénhthete.