Leviticus 7:30 - Ohiatonhseratokénti

³⁰ kwáh í꞉se sewatsianá꞉ke tsi entisewahá꞉we tsi ká꞉khwa akénhake tsi iensewátʼkaʼwe. Ónenk tsi entisewáhaʼwe nahoresénhtsera ne katshénen né꞉ne wenhskwená꞉ke tánon iensewátkaʼwe né kwáh katokénston tsi entsí꞉tsion ne Roiá꞉ner.

Leviticus 7:30 ပူးပေါင်းရင်းမြစ်များ

Psalms 110:3

Né shonkwetaʼshónhas kwáh thóh nenhotinikonhrothénhake tsi ienhonthatátʼkawe naieshatsátarahse nenhtewenhniseráteke ensehwaʼterí꞉io ne ieshá꞉shons né onontatokentíke nón꞉we tsi nentʼkaráhkenhne nonronkéne, tsi ní꞉ioht ne iohá꞉weien thóh ní꞉ioht ne shonkwetaʼshónhas ne kenhnitotihiónsas tsi entʼtonhne shonháke.

Leviticus 10:14

Ók níse tánon ne sawá꞉tsires enwáton naisewáke notskwèna tánon nonáken osína né꞉ne iewatkáwen tsi katokénston nathatawítshera tánon ne katokénston ronhwakariatʼthénhni ne Roiá꞉ner ne ratitsihénsthatsis rahotirihwáke. Enwáton ne ásehke kaknónhwe ne kwáh tsiotkwéniens íken. Kí꞉ken tkaʼiesthánions i꞉se ieshá꞉wi tánon ne seiohokónhas né꞉ne tsi nikáien níse shá꞉wenk tsi nitsawénon ne iewatʼkáwen tsi skaríhwa íken nonhkweshón꞉as Nisraerʼró꞉nonhke.

Leviticus 10:15

Ónenk tsi thóh nenhkaháwike enthatíhaʼwe nonàken oshí꞉na tánon notskwèna nónen ne iorèsen ienhóntkaʼwe ne ká꞉khwa akénhake tsi entʼthónhion ne Roiá꞉ner. Kíʼ nahoténsons í꞉se sáwenk tánon ne seiohokónhas ne tsi nénhwe, kwáh kíʼ tsi nihorihwíson ne Roiá꞉ner.”

Leviticus 3:14

tánon iensátkaʼwe ne kenhiotsétons né꞉ne ká꞉khwa íken tsi ronhwatáti ne Roiá꞉ner: akwékon ne iorèsenhs ne rahiathakónsons,

Leviticus 3:9

tánon iensátkaʼwe ne oiásons nahoténsons ne katshénens ahoierónhtha né꞉ne ká꞉khwa iotenathónkwen tsi ronhwatáti ne Roiá꞉ner: ne iorénsens, akwékon ne iothasaʼrésen tsi ronhwenhthaʼshiákon ákta ne onàken ieostsiénthare ne tsi iehonitháshaʼthe, akwékon ne iororóston ne rahiathakónhsons,

Leviticus 8:27

Ethòne ne Mahís akwékon kí꞉ken ká꞉khwas ronhtsanákes waharón꞉nion né꞉ne Aaron tánon ne sakohiohokónhas, tánon iahatítaʼte né꞉ne katokénston athaʼtawítshera tsi tahónhion ne Roiá꞉ner.

Leviticus 8:29

Ethóhʼne ne Mahís waharáko noskwéna tánon tsi iaháthaʼte né꞉ne katokénston athatawítsera íken tahá꞉wen ne Roiá꞉ner. Mahís kí꞉ken wahaterihwatsʼtéristhe tsi nókwa ne teiotinakaronhtónha rátsinn tsi wahonwatirihwaníratʼtse. Ne Mahís orihwakwékon thóh nahá꞉iere tsi kíʼ nihorihwíson ne Roiá꞉ner.

Leviticus 9:20

é꞉neken ne ronhnenhskweʼnákes ne katʼtshénens tánon iahahá꞉sehron akwékon tsi ietsienharáhkwahke. Thóh ietsienharákwahke wahatʼtsahathánion ne iorèsenhs

Leviticus 9:21

tánon iahatkawásehron noskwènas ó꞉ni nonàkens osínas né꞉ne katokénstons athatawítsheras né꞉ne Roiá꞉ner rahorihwáke tsi thonwanáwi ne ratiʼtsihénsthatsis, tsi kíʼ nihorihwíson ne Mahís.

Numbers 6:20

Nó꞉ia, ne ratsihénstatsi ienhatʼkawánion né꞉ne katokénston atatawítsheras enhá꞉wenh ne Roiá꞉ner; né꞉ne iotokéntis ronhwaná꞉wis ne ratiʼtsihénstatsis, né iehioʼwénhtes né ronhskwená꞉kes ó꞉ni ne ratishiʼnákes ne teiotinakaronhtónʼa rátsinn tsi nikaianerenhseró꞉ten ratiʼtsihénstatsi né rahonáwenk. Ethòne, ne nazirite enwáton nahaʼtinekíra nonenharataʼsehontsheʼrákeri.

Numbers 8:11

tánon ethòne ne Aaron akonháke enshaʼkohiatatériste ne Levites né꞉ne kaʼtokénston athatawítshera tsi enhthonwanát꞉kaʼwe NʼIsraerʼró꞉nons, ne káti nahónton nahotihióten natioténhsera.

John 10:18

Iah onka taionkekkȣa, akȣa ki Ii akatennikonra tsi katsiakȣarisions; ȣakkȣeniatseraien nʼakatken-rate ȣakkȣeniatseraien oni naonsakiena; Rakeniha eh niiot tsi rakrori.

2 Corinthians 8:12

Iáh tewatsterístha tó: naiesakwahtshéhake. Ne tewanónhtons tó: ní꞉kon enhshé꞉ion tsi nisá꞉ien.

Deuteronomy 18:3

“Né꞉ne kátkek ne tionhnónskwarons tó꞉ka ó꞉ni teiotinakaronhtón꞉a akonhwanatheskónhten, roʼkhá꞉res enhónhion ne oronhkwè꞉na, norióh꞉tsa, ó꞉ni nonekwénhta.