Leviticus 7:26 - Ohiatonhseratokénti

²⁶ Iáh tewastherístha kaʼnónhwe nahatiʼterón꞉thaʼke ne Israerʼró꞉nons, kwáh kíʼ iáh nonhwénhton né꞉ne áhonsthe ne otsiténha ahotinekwénhsa tó꞉ka ó꞉ni ne katshénen né ká꞉khwa ahonthathonʼniáten.

Leviticus 7:26 ပူးပေါင်းရင်းမြစ်များ

Genesis 9:4

Ne khók, tóhsa enhseʼwá꞉rake ne iotenekwénhsa, asèkenh thóh onekwenhsà꞉ke nón꞉we niká꞉ien natónhnhets.

Exodus 22:30

Táskon nenthewatiérenthe enhontewírahien ne satsheʼnenhó꞉kons tionónskwaron ó꞉ni né teiotinakaronhtónʼa. Seríhon tsáta nikaríwes skátke ratiterónhtat né konhwanisténʼa nenkthontiérenthe enhonnákerate ne ratítsinn, tánon ne sateʼkónhaton niwenhniserakéhaton Í꞉i tákʼtats.

Ezekiel 33:25

“Sehró꞉ri tsi nahó꞉ten ne Í꞉i, ne Wakenonhtí꞉io Watiá꞉ner katónhnions: Sehwahwáhrahs né shé꞉kon nihiotenekwénhsa. Kahiatonhnisónhas sehwahsénhnaiens. Iettsihiaséhtha. Onh ní꞉ioht tsi ísewere nohóntsa tsi í꞉se sehwáhwenhk?

Leviticus 19:26

“Tó꞉sa othènen sewawá꞉rak ne shé꞉kon iotenekwénhsa. Tó꞉sa othènen sewatéweienst ne iótkons.

Leviticus 3:17

Iáh ónhka Nisraerʼró꞉nonhs thaʼhónton nahónhneke ne thènen iorèsenhs iáh ó꞉ni nonekwénhsa; né kí꞉ken ne kaianerénsera tsi nénhwe tsi enká꞉thake né꞉ne roʼnonháke Nisraerʼró꞉nonhs kwáh tsi nónhwe nahatinákereʼke.

Leviticus 7:25

Nón꞉ka énieʼke ne iorésen ne katshénen né nahiotónhʼon iahonkháwenʼke ne ká꞉khwa ahonthahonwáwiʼke ne Roiá꞉ner kwáh kíʼ iáh ské꞉kon ne tahonsahiakotenathónkwen Rawenni꞉io rahonkwéta akénhake.

Leviticus 7:27

Ónhka tenhiéhiake kí꞉ken kaianerénhsera iáh kíʼ shé꞉kon ne tahonsahiakoʼtenaʼthónkwen Rawenni꞉io rahonkwéta akénhake.

John 6:53

Tontasakaȣenhase ne Iesos: Oriȣiio oriȣiio tsi kȣaroris niah tenseȣaȣarakhe nonkȣe Roienha raoȣaronk, iah oni tenseȣanekirane ne raonekȣensa iah ki taetsionnheke ne tsionhake.

Acts 15:20

Khék, tehiotonwentióʼon ne iahietʼthihiátonse naietʼthiróri tóhsa thènen rónʼnek ne iáh tehiotʼkwéniens tsioríhwa tsi kahiatónni konhiohesténni;

Acts 15:29

tóhsa thènen isewak tsi nahóten ne kahiatonni konhiohestenni; tóhsa ísewak nonekwénsa; tóhsa thènen sewahwárak ne wathoriohthákwen; tánon sewahtatenónstat tsi nòkwa ne kentétsera. Kwáh ensewahianerásten tóhka iáh kentsiaʼisewáiere kinahorihoténsons. Kwáh teraswiʼiosténnis.”

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Deuteronomy 12:16

Ók tó꞉sa ki sewahnekíra ne rahotinekwénhsa; ó꞉nenk tsi ohontsá꞉ke enteshá꞉weron tsi ní꞉ioht nohné꞉kanos.

Deuteronomy 12:23

Nek kók tó꞉sa sewahwárat ne shé꞉kon nihiotenekwénhsa, asè꞉ken onekwénhsa tiówis nahontónhetste ne iónhnhe. Tánon káti ní꞉se iáh tehiówenk nasèhke ne iónhe noʼwá꞉ron.

Deuteronomy 15:23

Ók tó꞉sa ki ne rahotinekwénhsa nahisewateʼkhonhniá꞉te; khékok, ohontsà꞉ke tasewáweron tsi ní꞉ioht nohné꞉kanos.

1 Timothy 4:4

Kwáh tsi nahoténsons ne Rawenni꞉io rohsahánion tsi akwékon niehioiánereh; kwáh tóhsa thènen naiekénron, nók kwáh akwékon aiehiéna tánon aterennaientatserákon tahiontenonweráton,