Leviticus 7:21 - Ohiatonhseratokénti

²¹ Káti ó꞉ni, tó꞉ka ensewawá꞉rahke kí꞉ken iewatkáʼwen nó꞉nen ieʼsewaié꞉nen knahó꞉ten ne kwáh iáh tehiotkwéniens, né꞉ne ónhkwe tó꞉ka ó꞉ni katshénen akénhake, iáh kíʼ shé꞉kon né tahonsehsewatenaʼthónkwen Rawenni꞉io rahonkwéta íken.

Leviticus 7:21 ပူးပေါင်းရင်းမြစ်များ

Genesis 17:14

Ónhka ne roskenʼrakéhte né iáh tehonwaʼwahrakwé꞉taron kwáh kíʼ iáh ráonha tewakonkwé꞉ta té꞉ken, tiorí꞉wa tsi iáh tehoteweièn꞉ton nakateriwahseronniáhtsera skátne Ní꞉i.”

Exodus 12:15

Ne Roiá꞉ner wahénron, “Asèken tsáta nikaríwes tó꞉sa othènnen senátarak ne iontʼtenkwátha tekaiéston tsi kanaʼtarónhni—nék khók senátarak ne iáh thaʼtekaiéston ne ionhtʼtenkwátha. Nʼentewaʼtenhniserahʼtiérenhthe akwékon íseh iasehwáti ne ionhttenkwátha ne sewanonskónhʼsons, asèken tó꞉ka ónhka enhieʼnataràke ne ionhtʼtenkwátha tekaiéston ne tsáta nónhta nikaríwes, né kí enhoʼtenatónkwen iáh Í꞉i tesewakonhkwéta tèsken.

Exodus 12:19

Asèken tsáta nónhta nikaríwes kwáh tó꞉sa othènen akakʼtsiénhron ne iontʼtenkwátha ne sewanonskónhʼsons, asèken tó꞉ka ónhkaʼk, né ienakerehónwe tó꞉ka ó꞉ni tihiakahontsáʼte, enhienátarahke ne iontʼtenkwátha tekaiéston, né kí enhatenáhtonkwe iáh Í꞉i tesewahkonhkwé꞉ta.”

Ezekiel 33:25

“Sehró꞉ri tsi nahó꞉ten ne Í꞉i, ne Wakenonhtí꞉io Watiá꞉ner katónhnions: Sehwahwáhrahs né shé꞉kon nihiotenekwénhsa. Kahiatonhnisónhas sehwahsénhnaiens. Iettsihiaséhtha. Onh ní꞉ioht tsi ísewere nohóntsa tsi í꞉se sehwáhwenhk?

Ezekiel 4:14

Ók watkeriwahseráhko, “Iáh, Sanonhtí꞉io Saiá꞉ner! Iáh nonhwénhton tatewahkatatiatatiónston. Kwáh shiʼkekshá꞉a iáh nonhwénhton tewahkewahrákon ne tikánionk ne katʼtshénenh ne skénʼnonhk tsi ahawenhéion khés ne konhtírhio ahonwárhioke. Iáh nonhwénhton tewahkékonh ne khákwa ne꞉ne akénhake ne tahiotióntonhke.”

Leviticus 11:20

Kontikwékon ne otsinonwashónhas ne tekonhtiʼnerahontʼtiónhtons iáh tehionatkwéniens,

Leviticus 12:1

Ne Roiá꞉ner tahá꞉wen ne Mahís ne tekarihwasónhteres kaianerénseras

Leviticus 17:10

Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen.

Leviticus 17:14

Ne tsi konhnónhnhe ne kwaʼtsitnikonhtiʼhiató꞉tens tsi onekwenhsáke nónhwe nikonhnónhnhe, tánon né kíʼ aoríhwa ne Roiá꞉ner washakoró꞉ri nonhkweshón꞉as Nisraerʼró꞉nonhke nónhwe tsi iáh thahatiwáraʼke né shé꞉kon iotenekwénhsa tánon tó꞉ka ónhka thóh nenhiéhiere iáh kíʼ shé꞉kon Rawenni꞉io rahonkwéta tahonsahiakonathathónkwen.

Leviticus 18:29

Sewateriénthare nónhka ne thóh nahiéiere kí꞉ken ioteriwatéhas tsi iáh kíʼ ne tahonsahonatenáthonkwe Rawenni꞉io rahonkwéta akénhake.

Leviticus 19:8

Nónhka aiewá꞉rahke kwáh kíʼ enhiakónike tsi thóh nahéiere ne thikawenhní꞉iot tsi nahóten ne konhwatonhnará꞉ni nakerihwáke, tánon kíʼ iáh shé꞉kon ne tahonsahiakotenáthonkwe Í꞉i akonhkwéta íken.

Leviticus 20:3

Tó꞉ka ónhka tsi nítsion iaietʼtsihiátkaʼwe kakʼnikáien ne ietsiʼienhokónhas ahonháke ne Molech tánon enhiónhni ne takenhtiónste nakatóhsera tánon enwatéhate natsenhnatokénti, kwáh kíʼ enkwatónhten tánon iáh shé꞉kon ne tahonsehsewatenathónkwen Í꞉i akonhkwéta íken.

Leviticus 22:3

Tó꞉ka ónhka tsi niensatwatsiríhne, tsi nikaríwes kwáh íken tsi tehohiathátsion, ákta nénhtre ne iotokéntis iewatkáwen né꞉ne nonhkweshón꞉as Nisraerʼró꞉nonhke iakorihwatokentíston nakerihwáke, iáh kíʼ shé꞉kon nonhwénhton thahonsahohióten ne tsi ietsienharákwahke. Thóh kí꞉ken nenhiotónhake né꞉ne tsi nénhwe. Í꞉i ne Watiá꞉ner.

Leviticus 22:4

“Iáh ónhka tsi nienhatwatsiríhne ne Aaron ne rahonéhonkne róhn꞉rare tó꞉ka ó꞉ni ne tehoskénhniaʼse thahónton ná꞉rahke ne thènen iotokénti iewatkáwen tsi nióre ne kwáh iensotkwenienstónhake. Tsík ónhka ne ratsihénstatsi tenhohiathátsionsʼte tó꞉ka ienhaiéna nahó꞉ten ne iáh tehiotkwéniens né꞉ne iahaiéna noierónhta khés ne tsi tehoskénhniaʼse

Leviticus 23:29

Nónhka ne thènenh áieʼke nètho wenhniseráte iáh kíʼ shé꞉kon ne tahonsahiakotenaʼthónkwen Í꞉i akonkwéta íken.

Leviticus 7:20

ók tó꞉ka ónhka tsi nítsion ne iáh tesehwatkwéniens ensehwá꞉ke, iáh kíʼ shé꞉kon ne thahonsesehwaʼtenaʼthónkwen Rawenni꞉io rahonkwetaʼshón꞉a akénhake.

Leviticus 7:22

Ne Roiá꞉ner tahá꞉wen ne Mahís ne tehioteriwaʼsonhterónhnions kaianerénseras

Leviticus 7:25

Nón꞉ka énieʼke ne iorésen ne katshénen né nahiotónhʼon iahonkháwenʼke ne ká꞉khwa ahonthahonwáwiʼke ne Roiá꞉ner kwáh kíʼ iáh ské꞉kon ne tahonsahiakotenathónkwen Rawenni꞉io rahonkwéta akénhake.

Leviticus 7:27

Ónhka tenhiéhiake kí꞉ken kaianerénhsera iáh kíʼ shé꞉kon ne tahonsahiakoʼtenaʼthónkwen Rawenni꞉io rahonkwéta akénhake.

Numbers 19:22

Kwáh tsík nahó꞉ten ne iáh tehiakotkwéniens nónhkwe ienhieiéna tsi iáh tahonsahiotkwenienstónhake, tánon ónhka nakóren ienhieiéna kwáh kíʼ iáh tahiotkwenienstónhake tsi nióre ienhiókarawe.

Deuteronomy 14:10

ók ne thé꞉nen nawenkéhsons kónhnes ne iáh tatehiotiwehióntons iáh ó꞉ni tehiotitstarónhnions iáh tehiówenk naiewà꞉rake; ne nénhne konwatinaʼtónhkwa iáh tehionatkwéniens.

Deuteronomy 14:3

“Tó꞉sa othé꞉nen sewawárak tsi niká꞉ien ne Roiá꞉ner rotró꞉ri iáh tehionatkwéniens.

1 Samuel 20:26

Ne Saul kwáh iáh netsiowénhna tehá꞉wenh nètho wenhniserátekwe; asèken ne rahón꞉ha wárehre nenhné꞉ʼeh, “Khahohiátawenh; iáh tehotʼkwéniens, oriwiʼiohónwe tsi iáh tehotkwéniens.”