Leviticus 7:2 - Ohiatonhseratokénti

² Né kíʼ katshénen né tkaiéston tsi enkonhwanonhwarhiákon né꞉ne othoréke nokwáhti tsi ientseharáhkwa, tsi nónhwe nikonhwanawéntʼthos ne katʼtshénens nenkonhwanateskónhten, tánon nonekwénhsa ienwatsiónh꞉ke ne kaiéri níkon skatísons nòkwahtis ne ietsienharahkwáhke.

Leviticus 7:2 ပူးပေါင်းရင်းမြစ်များ

Isaiah 52:15

ká꞉ti kwáh entesakotón꞉nekʼthe iakotioʼkowánen; né rontiʼnontí꞉ios kwáh enhóntskweʼke rahónha entʼtharihónhni; asèken ne tsi nahó꞉ten ne iáh tehonwatiʼró꞉ri né꞉ne kwáh ne enhontʼkátho, tánon tsi nahó꞉ten ne iáh tehonarónhken kwáh kí né꞉e tenhatiʼiatóreʼte.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Ezekiel 40:39

Né kí꞉ken iontewehiathákwa ionákthaien thóh wathekhwarahtsheró꞉the kaiéri níkon, tekenísons ne skatísonhs nokwáhti ne ionákthaien. Thóh kíʼ atekhwárahne nónhwe nikonhwahtiriosthákwa ne katshénenhs niahatítate nenhkonhwanatsatátʼtsahathe, ne꞉ne tsekonhtihiathakwékon tsi ahontsahathónhake tó꞉ka ó꞉ni akonhwanahteskónhten né kariwáhneren aoriwáhke tó꞉ka ó꞉ni né꞉ne ahonsahkakarhiákonh tsi akaró꞉ronhke.

Leviticus 1:11

Ónenk tsi othoréke nokwàhti ne ietsienharákwa nónhwe nenhtsenonhwariákon, tánon ne ratsihénsthatsi ne kaiéri naʼtekahiosakérons ne ietsienharáhkwa ienhonekwenhsónhti.

Leviticus 1:3

Tó꞉ka kák tsi níkonh ne shanáskwahiens enthésesʼthe nakonhwaʼteskónhten, ónenk tsi né꞉ne rátsinn tsionónskwahron enthetsiaténhawe né꞉ne kwáh iáh othènen tehotsihiótare. Ónenk tsi thóh nónhwe nahthéntsʼtastshe ne tsi iehiontawehiatákwa ne rahotohsehrákon ne Roiá꞉ner tsi nónhwe nihéntheron ne káti nahónhton nètho Roiá꞉ner nahoiéna.

Leviticus 1:5

Tánon thóh nónhwe nenhtienonwariákon ne tsionónskwahron rátsinn, tánon ne Aaronite ratsihénsthatsi ienhótatʼtse nonekwénhsa ne Roiá꞉ner tánon ethóhʼne thóh ienhó꞉ti ne kaiéri natekahiosaiens ne ientsienharakwahke né thóh nónhwe nikáien tsi iehionthawehiathakwah nató꞉sera.

Leviticus 14:13

Enhononhwariákon ne teiotinakaronhtónʼa owíra ne tsi iotokénti nónhwe tsi nónhwe nikonhwatirhiostakwa ne konhtitshénens nenhkonhwanateskónhten ne karihwanerahák꞉tshera ahorihwáke. Ónenk kíʼ tsi thóh nenháiere tsioríhwa tsi né꞉ne enskakariákʼthonke ahorihwáke, tsi kíʼ ní꞉ioht ne kariwanerahák꞉tshera iewatkáwen ahorihwáke, né꞉ne ratsihénsthatsi rahó꞉wenk tánon kwáh íken tsi iotokénti.

Leviticus 3:2

Ranónh꞉tsine tentsiaʼnisnonhsharen ne katʼtsenhnen tánon thóh ne tsi iehionhtawehiathakwa ne raotó꞉sehrakon ne Roiá꞉ner tsi nónhwe nihenteron entienón꞉wariakon. Ne Aaronite ratsihénsthatsi ienhonekwenhsónti ne skatíson ne kaiéri naʼtekahiósaiens ne ientsienharáhkwah

Leviticus 3:8

ónenk tsi ranonhtsíne tentsianisnonhsáren ohénton ne tsi watohsehró꞉the. Ne ratsihénsthatsi tenhanekwenhsénhtonhwe akwékon ne skatísons ne kaiéri naʼtekahiósaiens ne ietsenharáhkwahke

Leviticus 4:24

Ranonhtsíne tenhoniʼsnonhsáren tánon othoréke nòkwah ne ietsienharákwahke enhononhwariákon, tsi nónhwe ne katshénens nikonhwatiʼnonhwarhiákons naʼkonhwanateskónhten.

Leviticus 4:29

Ónenk tsi kanonhtsíne tensewanisnonhsáren tánon ensewanonhwariákon othoréke nòkwah ne tsi ietsienharáhkwah, tsi nónhwe ne katshénens nikonhwatinonhwarhiákons nakonhwanateskónhten.

Leviticus 4:33

Ónenk tsi kanonhtsíne teshanisnonhsáren tánon othoréke nòkwah ne ietsienharákwahke ensenonhwarhiákon, tsi nónhwe ne katshénens nikonhwatinonhwarhiákons naʼkonwanateskónhten.

Leviticus 5:16

Ónenk tsi enská꞉riaʼke ne sarihwanorónhon niaʼisatkáwen tánon ónenk tsi ishiʼnónhwe nenseská꞉riaʼke né꞉ne tewáhsen iosènhtseronhte. Kwáh ratsihénsthatsi enthétion, tánon ne ratsihénsthatsi ne ienhót꞉kaʼwe ne katshénen tsi nòkwah ne sarihwanerahák꞉tshera, tánon kíʼ entiesanikónhrenhse.

Leviticus 5:7

Tó꞉ka iáh taskarakwéni ne teiotinakaronhtónʼa tó꞉ka ó꞉ni ne kahiatákeras, ónenk tsi entetsawíten ne Roiá꞉ner naskárhiakʼthe ne sarihwanerahák꞉tshera tekatsiʼtenhseráke tó꞉ka ó꞉ni tekenihiáse oríte, nénska né꞉ne karihwáneren tánon nó꞉ia né꞉ne watéskonʼte aorihwáke.

Leviticus 5:9

tánon tenhatstharó꞉kwahte nonekwénhsa ákta ne tsi ientsienharáhkwake. Nenhiotátere nonekwenhsa etʼienwatenonhwákensthe tsitʼkaráte ne ietsienharákwa. Né kí꞉ken ne iewatkáwen nahéren ahonsakaháwiʼte ne karihwáneren.

Leviticus 6:25

nahonthashakáwen ne Aaron tánon ne sakohiohokónhas ne tekarihwasonhteriónhnion kaianerénseras né꞉ne karihwáneren aorihwáke tsi iaiéthaʼte. Né katshénen tsi enkonhwanonhwarhiákon né karihwáneren ahorihwáke tsi ienkonhwátkaʼwe ónenk tsi othoréke nokwáhti ne ietsienharákwahke nónhwe nenhkonhwanonhwarhiákon, tsi nónhwe nikonhwatiʼnonhwarhiákons nenhkonhwanaʼteskónten. Né kí꞉ken ne kwáh íken tsi iotokénti tsi iewatkáwen.

Leviticus 6:7

Ne ratsihénsthatsi ienháthaʼte ne kariwihiosehokónha né꞉ne rónhkwe rahorihwáke, tánon kíʼ enshonwanikónhrenhse.

Numbers 6:12

tánon ensheʼsehrihwí꞉iosthe rahohénton ne Roiá꞉ner tsi nikaríhwes èhren sehtónhne tsi nazirite nashiaʼtótenhne. Nohénton tsi nitiawénhʼen iáh nènhne thénen tekénhtons, tsioríhwa ne iotokéntiʼkwe ne sanónhkwis tsi watiotsónhtaʼne. Tsi enseskáʼriakʼthe ne ientsiátʼkawe nènska tehahosehrihiákon teiotinakaronhtónʼa owíra.

Hebrews 11:28

Tewehtákwen seh wahahónnien ne Mahís nahakwahtáko ne wahtohetsthákwah ne tiakoniakéntha ó꞉ni nahaténnhane ne takanekwenséntonhke tsi kanonkarónton, né꞉tho Raronhiakerónon ne shakowénthos tóh꞉sa ashakório ne tiotierénton rotiwiraientáʼon ne Israerʼró꞉nons ne roskenrahkéte.

Hebrews 12:24

Rahonháke ne Ié꞉sos nontáh꞉se, rahónha shokwahtákwen náse aterihwahseronniátshera, tánon tsi tekanekwenhsentónʼon ne warahrátstha sénha ioiáneres tsi ní꞉ioht ne Abel raonekwénsa.

1 Tiér 1:2

Ietsiʼiaʼtará꞉kwen ne tsi nithonikonriʼióʼon ne Rawenni꞉io ne Kanísera ó꞉ni Rawenni꞉io Raonikonratokénti wakarihonni tsi wesewahiatatokentíne, né꞉ne ahtsisewawénnarakwe ne Ié꞉sos Kerístos tánon ne ahonsehsewatonnakanónniathe ne rahonekwénsa. Aiáwens kenténrat ó꞉ni ne skénnen aisewawenhkónweke ó꞉ni aiawetowénhnenke.