Leviticus 7:16 - Ohiatonhseratokénti

¹⁶ Tó꞉ka ensátʼtsahaʼthe ne skaríhwa íken tsi iewatkáwen né nakaná꞉nontʼthe ne warahrát꞉ston tó꞉ka ó꞉ni ne tsi kwáh í꞉se thóh nisanikonhró꞉ten, iáh kíʼ akwékon thaʼkawaráhkonhke né꞉ne shaʼhenhnísera iewatkáwen, ók né thènen enhiotátere enwáton ne óia wenhniseráte ahiewárahke.

Leviticus 7:16 ပူးပေါင်းရင်းမြစ်များ

Psalms 116:14

Tsi nón꞉we nihiakokʼkenhníson ne rahonkwetaʼshón꞉has enthíhion tsi niwakararátston.

Psalms 116:18

Kwáh entkariá꞉ke tsi niʼíh꞉hiarahratstenhni ne Roiá꞉ner akohénton ne rahonkwetaʼshón꞉has,

Psalms 66:13

Kwáh enthékhawe ne waʼkatéskonte ne Sanonsatokentiʼkówaʼne; Kwáh entʼkónhion tsi niwaʼkararátston,

Exodus 35:29

Onhkwetakwékon ne Israerʼró꞉nonhke ne iérahkwe nahontahatíhawe ne nahónhion ne Roiá꞉nerné tsi nihoná꞉on ne Mahís nahohióten

Proverbs 7:14

“Ón꞉wa wenhniserá꞉te iaʼkerihwaié꞉rite aterennaientahtsherá꞉kon tsi waʼkonwanatiaʼtátshaʼahte ne katshé꞉nen tánon onkwatá꞉tenre noʼwá꞉ron. Káts skátne tetiatská꞉hon.

Ezekiel 46:12

“Nó꞉nen ne rót꞉koraston enhás꞉kaneke tsi nenhré꞉re nahawen ne Roiá꞉ner, kak nikáien né꞉ne ahawen ne ahontsahatonke ne tsekahiathakwékon tó꞉ka ó꞉ni né꞉ne skaríhwa aháthate, né tsitkarakwínekens iotenhenrakáronhte tsi niehiawénon ne atenhénrahkon tenkanonhontiónhake ne rahoriwáhke. Kwáh thóh ní꞉ioht tsi ienhátkaʼwe tsi kíʼ nihahiéra nónenh iawenhthatokénton, tánon ne iotenhenrahkáronhte enskanhóthonke nó꞉nen ienshahiákenhne.”

Leviticus 22:23

Tsi thóh nihiakonikonhró꞉ten tsi iahióntkaʼwe enwáton ne katshénen iatsiátkaʼwe né iáh tiehahiataiéri khés ne arèkho tehiotenaskwíson, ók iáh kíʼ thahónton nahonwaiéna ne ahónstonke nakananónkthonke wararátston íken.

Leviticus 22:29

Nónen né enshateriwathénhtiaʼte natsateskónhtatʼtse ne thatsenonhweráton ne Roiá꞉ner, ít꞉tser ne kaianerénhsera ne nahónton aieshaterihwathénhtsiaʼse;

Leviticus 23:38

Kí꞉ken kanonhwerathónhtsheras iewawenhtháton ne tsi nihiorenhnáhon ne Iawenhthatokénton, tánon kí꞉ken iewatkáwenhs iewawenhtátons nonhné꞉e tsi nihiorenhnáhon ne sewathatawítsheras, ne iesewatkáwas né kananónhkʼthas ne wararátstons, tánon ne tsi kwáh thóh nisewanikonhró꞉tens nètho tsi tetsisewáwis ne Roiá꞉ner.)

Nahum 1:15

Satkátho! Thóh tsi ionnontáhronhnions ne ne ratsitákes tsi niká꞉ien ne raónha thá꞉has ne karí꞉wiios, raónha ratró꞉ris ne skén꞉nen í꞉ken! Sateʼnikonhró꞉ri tsi nisakhwáhere, O Judah, iatesót꞉ten tsi nisararátston, asè꞉ken iáh shé꞉kon ne kwáh rotiriwanéren nahonsaiesanénhrenhte; ne ronónha kwáh ne í꞉ken tsi ronwatiiátʼse.

Numbers 15:3

Né꞉ne teró, teiotinakaronhtónʼa rátsinn, teiotinakaronhtónʼa, khès ne kaiatákeras enwá꞉ton nahónhion ne Roiá꞉ner nahonwanateskónhten khès né꞉ne karihwiʼiosehokónhas ahorihwáke tsi akanánonhke ne wararáts꞉ton khès né꞉ne tsi kwáh ehʼnihiakonikonhró꞉ten tsi iahóntkaʼwe khès né꞉ne ahontakaiéstonhke ne iorihwató꞉ken karihwiʼiostónhtshera tsi nisehwakhwahéra; ne ahonséhra kí꞉ken káhkhwas né rawenhrenhtiʼióstha ne Roiá꞉ner.

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:17

Iáh thahó꞉ten ne astatʼtse ne Roiá꞉ner nahisewá꞉ke tsi nón꞉we nisewanákere: tsi ní꞉ioht ne iahisewátkaʼwe ne sewanátsas, ne sewané꞉ka ne onenharataʼsehontsherákeri, ne sewá꞉wenk kén꞉ie ne iakeniewá꞉tha, tó꞉ka ó꞉ni nentewatié꞉renhte enkonhtewí꞉raien ne sewatshenenhó꞉kons tionónhskwarons tánon ne teiotinakaronhtòn꞉a, nathatawí꞉tsheras ne tsi sewarahratstén꞉ni ne Roiá꞉ner, ne thikánionk atatawí꞉tsheras, tó꞉ka ó꞉ni ne oiáhsons natatawí꞉tsheras.

Deuteronomy 12:26

Iahásaf ne shatatawí꞉tsheras ó꞉ni ne shaienʼthótsheras tsi nón꞉we nikaráhkwen nahionterenhnaiénhseke tsi ki nitiarahratstén꞉ni ne Roiá꞉ner.

Deuteronomy 12:6

Thó꞉nonhwe niensewátkaʼwe ne kariwihiosehʼokón꞉as né꞉ne ahontsahathónhake ó꞉ni noiáhsons sewáwenk ne kariwihiosehokón꞉as, sewawístas tánon ne sewaienʼtóhseras, nahtatawí꞉tsheras ne tsiararatstén꞉ni ne Roiá꞉ner, tánon ne kwáh tsi nitesenónhwes niasátkaʼwe, tánon nentewatiérenhte enhontewì꞉raien ne tionónhskwaron ó꞉ni ne teiotinakaronhtòn꞉a.