Leviticus 6:7 - Ohiatonhseratokénti

⁷ Ne ratsihénsthatsi ienháthaʼte ne kariwihiosehokónha né꞉ne rónhkwe rahorihwáke, tánon kíʼ enshonwanikónhrenhse.

Leviticus 6:7 ပူးပေါင်းရင်းမြစ်များ

Exodus 34:7

Kateweiéntons nakararáhtshera né꞉ne niwenhniaweʼhetsheráhsen níkon tewateresehrásere tánon sewakerikónhrens ne kariwahétken ó꞉ni ne kariwáneren; ók iáh kíʼ tahonkeriwanó꞉ron naʼkheréwathe ne ratiksaokónhas ó꞉ni ne ronhwaʼnaterehokónhas né asénhaton tó꞉ka ó꞉ni ne kaieríhaton niatewatereserásere né꞉ne ronwatihiohokónhas raotiriwanerahákʼtsheras ahorihóniat.”

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Ezekiel 33:19

Nónenh ónhkak ne onhkwetahétken enhióntkaʼwe iakoriwahnerenháties tánon ne enhtsakohióten ne tkariwahiéri ó꞉ni ne ioiánere, wahanónhsthate tsi rónhnhe.

Leviticus 2:1

Nónen ne ónhkak tsi nítsion iaháthate nonátsias ahontaháiesʼte rahonháke ne Roiá꞉ner, ónenk niáreʼkwe tsi ensétʼtheʼte nasatʼthenserónhni. Ónenk tsi iakenieʼwátha kénhie enteshá꞉weron tánon ne kanetanóron

Leviticus 4:20

Kwáh kíʼ thóh nenhoiéraʼse kí꞉ken tsionónskwahron rátsinn tsi kíʼ nhishaʼkoiéraʼse ne tsionónskwahron ratítsinn tsi nòkwah ne karihwáneren ahorihwáke, tánon thóh kíʼ nʼi꞉ioht tsi enhateskónhten tsi nókwah nonhkweshón꞉as akorihwanerahákʼtsheras, tánon enshonwatiʼnikónhrenhse.

Leviticus 4:26

Ethòne akwékon ietsienharákwahke enhá꞉tsahate ne iorèsenhs, tsi kíʼ nihaiéra tsi ratʼtsahátha ne iorèsenhs ne konwanawénkton ne katshénens né skaríhwa aorihwáke. Thóh kíʼ ní꞉ioht ne ratsihénsthatsi tsi ienháthaʼte ne karihwiʼiosehokónhas né꞉ne rakóra raorihwanerahák꞉tshera aorihwáke, tánon kíʼ enshonkwahnikónhrenhse.

Leviticus 4:31

Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.

Leviticus 5:10

Ethóhʼne né ienshá꞉thate ne tekeníhaton otsiténha né nènhne nakonhwateskónhten, enhtsiohianénhaʼwe tsi nikaianerenhseró꞉tens. Thóh kíʼ ní꞉ioht ne ratsihénsthatsi tsi enháthaʼte ne karihwiʼiosehokónhas né꞉ne sarihwanerahák꞉tshera aorihwáke, tánon kíʼ entsesanikónhrenhse.

Leviticus 5:13

Thóh kíʼ ní꞉ioht ne ratsihénsthaʼtsi tsi ienháthaʼte ne karihwiʼiosehokónhas tsi nòkwah ne sarihwanerahák꞉tshera, tánon kíʼ entiesanikónhrenhse. Ne iothaténron nonátsas ratsihénsthatsi né rahówenk, kwáh kíʼ tsi ní꞉ioht ne onátsas tsi iewatkáwen.

Leviticus 5:18

Ónenk tsi entetsiʼsewahawíten ne ratsihénsthatsi ne akakarhiátonke né꞉ne rátsinn teiotinakaronhtónha tó꞉ka ó꞉ni kahiatákeras né꞉ne iáh othènen tehiotsihiótare. Né tsi satèkena né entewanónhton tsi entsiohianénhaʼwe né tkarihwaiéri atenienténhtsera. Ne ratsihénsthatsi né ienhót꞉kaʼwe né꞉ne karihwáneren ahorihwáke tsi né thóh nisaiéren né꞉ne iáh tetisanonhtónhon, tánon kíʼ entiesanikónhrenhse.

Leviticus 6:8

Ne Roiá꞉ner wahorihónten ne Mahís

Leviticus 7:2

Né kíʼ katshénen né tkaiéston tsi enkonhwanonhwarhiákon né꞉ne othoréke nokwáhti tsi ientseharáhkwa, tsi nónhwe nikonhwanawéntʼthos ne katʼtshénens nenkonhwanateskónhten, tánon nonekwénhsa ienwatsiónh꞉ke ne kaiéri níkon skatísons nòkwahtis ne ietsienharahkwáhke.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Matthew 12:31

Nese ȣaonni ȣakȣarori, akȣekon niienȣaton naonsaiontatenikonrhense nonkȣe akoriȣaneraaksera; kenkaien nenhonȣanikonraiesate ne Rotkon Ronikonratokenti iah neneh tetsiontatenikonrhensere.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.