Leviticus 6:4 - Ohiatonhseratokénti

^4-5 Né nó꞉nen enserihwánerahke ne kakʼnikáien tsi níkons kí꞉kens, ónenk tsi enshé꞉shen tsi nahó꞉ten saienáhon ne kanikonhráton iorihonhníʼon. Nenhwenhnisehráteke nenhiesaiatatʼtsénri saníkon, ónenk tsi kwáh enkanánonhke tsi akwékon entieská꞉riatse ne rahowenhkénʼen, tánon enhiowénhteke tewáhsen iosénhtseroʼthe.

Leviticus 6:4 ပူးပေါင်းရင်းမြစ်များ

Genesis 21:25

Nó꞉nen ne Abraham iahotewennaièn꞉tonhwe ne Abimelech tsi nó꞉kwah nohné꞉kanos iohnáwerote néthoh Abimelech raohanhaʼtsheraó꞉kon ronatatiaʼtakweʼniióhston,

Nehemiah 5:11

Thontaietsí꞉ion nón꞉wa wenhniserá꞉te ne rahotihéntas, tsi ratinenharaién꞉thotas, ne tsi ronateronthó꞉tons ne iakeniewá꞉thas tánon ne raotinonshashón꞉as, tánon akwé꞉kons ne raotiwístas, thóh kárak ne watehiá꞉rons, tánon ne onátsas tánon nonenhará꞉keris tánon ne ronatenhienón꞉ni, né꞉tho tsi ietsí꞉kwen!”

Job Tánon ne Raoronhiakensera 20:19

Asè꞉ken watesakoskwáhsehron tánon wasakotewenhtéthe ne tehiontonhnakáriaks; wahaié꞉na ne kanónsas ne iáh raónha teononsónhni.

Job Tánon ne Raoronhiakensera 24:2

Ne ronhnonkweʼtahétkens é꞉ren ratihawí꞉tha ne tsi karistí꞉seron nonhóntsa; ratinaskwanénhskwas tánon raonathenhenrá꞉kon sakotì꞉terons.

Isaiah 59:6

Né raonáʼhares iáh thaʼhonton né꞉ne ahontakwenónhniaʼte; iáh thahatiʼkwéni né꞉ne ahonteróroksʼte tsi nahó꞉ten enhonnónhni. Né raotiʼiothénsera né꞉ne karihwaneraháktshera í꞉ken, tánon ne kahiothénhsera né꞉ne kaiatatón꞉tshera í꞉ken ne ratiʼtsaná꞉kes.

Ezekiel 18:12

Shakonikonhraténhnis ne iakóten, ranénhskwas, ratienawástha nahó꞉ten ronatkarahienthá꞉kwenh ne shakoníhen. Hieréhtha ne iatehotiriwiʼióston tsi ronterenhnaienthákwa, rasénhnaiens ne ioteriwahtéhas kahiatonhnisónhas,

Ezekiel 18:18

Ne roníha, thiʼkàte nenhnenʼe, ronikonhráhthon, tánon ronénhskwen tánon tiotkonhónwe kariwáksenh tsi nishakotiérahse nakorénhsons. Tánon káti wahrénheie tioríwa ne kariwahnerahákʼtsheras rahonhatsíwa kenhiehoiéren.

Ezekiel 18:7

Iáh tehanikonhráhtha iáh ó꞉ni ónhka teshakonénhskwas. Iesatʼkáwas nónhka thènenh iakokʼkarahienthá꞉kwen nahsakoníhenke; shakonónhtens ne ionhthonkárhiaks tánon shakówis natʼtsherónhniat ne iáh tehiakoktsheronhniakwáhien.

Ezekiel 33:15

tahonthakateniéntensthe, tó꞉ka ientsátʼkaʼwe ne rohrahrátston tsi ronhwahníhen tó꞉ka ó꞉ni iensátʼkaʼwe tsi nahó꞉ten ne rohnénhskwen—tó꞉ka enhátkaʼwe tsi rohriwahnerenháties tánon né enhásehre ne kaianerénsehra ne tsakówis natónhnhets, iáh kíʼ tharénheie, ók enhrónhnheke.

Ezekiel 44:19

Nohénhton niahatihiákenhne ne átste nonhtenhenráhti tsi nónhwe nonhkweshón꞉ʼa rónhnes, ónenk tsi né enthontiérenthe enhatiríshi natʼtserónhniat né ronátsthonʼne né sihotihióthe Nononhsatokentiʼkówahne tánon thóh enhonthakweniáien tsi hionákthaien ne onakthatokentíke. Ónenk tsi ó꞉ia enshontserónhniathe né nahathinónhsthaʼthe ne kahiathateríston raonatʼtsherónhniat né tó꞉sa ahiakokarónhni nonhkweshón꞉ʼa.

Leviticus 24:18

tánon ónhka niaʼtaiekónhten ne katshénen nakóren akotshénen ónenk tsi óia ensehsakonáskon. Ne tsi kaiatakwení꞉io né natónnhets íken natónnhets.

Leviticus 24:21

Nónh꞉ka niaʼtahatikónhten ne katshénen ónenk tsi óia ientsióntkaʼwe, ók nónhka nónhkwe enhionthatenonwariákon ónenk tsi enhtsiothatenonwariákon.

Leviticus 4:12

Akwékon ástste nienháhaʼwe ne tsi nónhwe niwatosehróthe thóh nienháhaʼwe tsi nónhwe ne iotkwéniens iehiakotietákwa ne wakenronhtákwen, tánon thóh nónhwe nenhátsahate ne oientháke.

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

Micah 2:2

Nó꞉nen enhonskáneke nahatiié꞉na ne kahentaʼshón꞉a, tánon kíʼ enhontsiatakweʼní꞉ioste; ne nónhne sá꞉ka ne kanonsahshón꞉as, enshakotíkwah; thensakonanonhnaríhkon ne tsi ratiwaʼtsirakérons tánon ne tsi rotinonshó꞉tons, nonhkweshón꞉as o꞉ni ne raotiienthátsheras.

Zephaniah 1:9

Ne thóh enwenhniserá꞉teke kwáh enkheréwate ratikwé꞉kon ne iáh tsiahatiratane ne tsi tekanoháronkwe nó꞉nen ienhontawehiate, ne rotinenskwenhaton oni rotinikonraton tanon ne wahatinonsitkon ne tsi rotinonhshotons ne raotikoswetsera.

Malachi 1:13

“Tsi naʼteiohwihshenhé꞉iaʼt kí꞉ken,” ní꞉se sewá꞉ton, tánon í꞉se takatehswáhtha, Rá꞉ton ne Sakoiá꞉ner ne ratironhiaʼkehró꞉nonʼs. Ne táhshawe tsi nahó꞉ten ne iotkarewáhton khehs ne watshinoʼkáhtha khehs ne iononhwáktani, tánon ne kí꞉ken táhshawe naontáhshiehste! Kwáh kenh ne atié꞉na ne sahtsaʼnà꞉ke naontá꞉we? Rá꞉ton ne Sakoiá꞉ner ne ratironhiaʼkehró꞉nonʼs.

Numbers 5:7

ónenk kíʼ tsi ensehwarihwanírate ne sewarihwanerahákʼtsheras tánon kwáh enkanáʼnonhke tsi entsiʼsewaká꞉riake, tánon ne 20 iosénhtsheroʼte, né꞉ne tsi nikáien wahitsikarónhni.