Leviticus 6:16 - Ohiatonhseratokénti

^16-17 Tánon ne iothaténron nonátsias Aaron tánon ne rahoneʼkenteronhtsheraʼsónhas né enhónʼneke. Enkanatharonhniá꞉tonke né꞉ne iáh othènen thaʼtakaiéstonhke ne watʼtenkwáhtha tánon thóh nónhwe nenhónne꞉ke tsi nónhwe niʼiotokénti íken, né꞉ne atenhénrakon né tsi watóhsehrothe tsi nónhwe nihénteron ne Roiá꞉ner. Ráton ne Roiá꞉ner ratiʼtsihénsthatsis tetkheʼhiáwi né꞉ne áhonsthe nahionkʼtátʼtse né tsi iotékʼkha. Kwáh íken tsi iotokénti, tsi kíʼ ní꞉ioht ne karihwáneren tsi iehiontkháwas ó꞉ni ne nahonshaʼkakarhiákonʼke aorihwá꞉ke.

Leviticus 6:16 ပူးပေါင်းရင်းမြစ်များ

2 Chronicles 31:14

Kore né꞉ne roʼníha ne Imnah, Leviró꞉non né꞉ne ohénton iehá꞉taʼkwe ranikonhráhraʼkwe ne Tsitʼkarahkwínekens nòkwahti Iotenhenrakáhronhte Nononsatokenhtiʼkówaʼne, rahón꞉ha roterihónhtaʼkwe tsi raié꞉nasʼkwe nathatawí꞉tsheras né ronhwaʼwí꞉hon ne Roiá꞉ner tánon ne tahonsaharéhniaʼte.

Exodus 12:8

Nètho nʼokarasné꞉ha nowá꞉ron ó꞉nenk tsi enwaʼteskónhthake, tánon tsi enhónʼnheke né tenkaiéstonke ne otskárát ohonteʼsónha tánon ne waʼtenataʼrónhni né iáh thatekaiéston ne iontʼthenkwátha.

Ezekiel 44:29

Nonátsia tkaró꞉ron, ne kariwanerahákʼtshera tkaró꞉ron, tánon ne ahonsakhakarhiákon tkaró꞉ron ne nènhʼne ne rahothíkwah enkénhake ne rothikháres, tánon kwáh akwékon enhatiʼiéna ne Israerʼró꞉nonhke né karáhkwen nakeriwáhke.

Leviticus 2:3

Ne iothaténron nonátsias ne tkaiéston ratsihénsthatsi né rahówenk; kwáh iotokénhti, tsioríhwa tsi thoʼnónhwe nikaráhkwenh né꞉ne Roiá꞉ner thonwáwi.

Leviticus 5:13

Thóh kíʼ ní꞉ioht ne ratsihénsthaʼtsi tsi ienháthaʼte ne karihwiʼiosehokónhas tsi nòkwah ne sarihwanerahák꞉tshera, tánon kíʼ entiesanikónhrenhse. Ne iothaténron nonátsas ratsihénsthatsi né rahówenk, kwáh kíʼ tsi ní꞉ioht ne onátsas tsi iewatkáwen.

Leviticus 6:23

Iáh othènen ne onátsias ne iewatkáwen nètho ratsihénsthatsi kén nienháiere nónhka aiéke; kwáh kíʼ akwékon tsi enwatʼtsahathónhaʼke.

Leviticus 6:26

Ne ratsihénsthatsi tsi rahónʼa roteskónhten ne katshénen ónenk tsi thóh nónhwe nenhráke tsi nónhwe nihiotokénti, né꞉ne atenhénrakon tsi nónhwe niwatóhsehroʼthe né꞉ne tsi nónhwe nihénteron ne Roiá꞉ner.

Numbers 18:8

Ne Roiá꞉ner wahawénhase ne Aaron, “Sehiárak tsi tkhonhiawíre akwékon ne katokénston tkaʼiesthánion ne tsionhkáwi né iáh tewatʼtsaháton ne karihwihiosehoʼkónhas nahoténsons. Í꞉se khonhiawìre tánon tsi niensatwatsiríhne ne tsi nikáien níse shaʼtienawáston ne tsi nènhwe enhkénhake.

1 Corinthians 5:8

Ánion tewahtenikonróhri nonkwáhwenk wahtohʼhesthákwen, tánon, iáh né꞉ne kanátaro ne tekaiéston ne akáʼion iontʼtenkwáhtha kariwáhneren ó꞉ni ne kariwáksens, nók né꞉ne kanátaro ne iáh thènen tathekaiéston ne iontʼtenkwáhtha, né꞉ne kanátaro ne aóskon íken ó꞉ni kariwahkwahrishión꞉tshera.