Leviticus 5:16 - Ohiatonhseratokénti

¹⁶ Ónenk tsi enská꞉riaʼke ne sarihwanorónhon niaʼisatkáwen tánon ónenk tsi ishiʼnónhwe nenseská꞉riaʼke né꞉ne tewáhsen iosènhtseronhte. Kwáh ratsihénsthatsi enthétion, tánon ne ratsihénsthatsi ne ienhót꞉kaʼwe ne katshénen tsi nòkwah ne sarihwanerahák꞉tshera, tánon kíʼ entiesanikónhrenhse.

Leviticus 5:16 ပူးပေါင်းရင်းမြစ်များ

Psalms 69:4

Tsi nihiákon ne iónk꞉shons sénha ne ronatsokowánen tsi níkon waʼkenonkwiseróhte ne kenontsíne né tsi nihiákon iónkʼshons né꞉ne kwáh iáh othènen tetsiorihonhníhon; né ró꞉natsiokowanen satehatinón꞉wes nahionkatonhte, né iónkshons onó꞉wenhs tsi nihionkerihwáros. Nahóten ne iáh tewaʼkenénskwen ónen né énstsien?

Exodus 22:1

“Tó꞉ka ónhka enhieʼnaskwahʼnénsko ne tioʼnonskwáhron tó꞉ka ó꞉ni teiotinakaronhtónʼa tánon enhaʼwénhtho tó꞉ka ó꞉ni enhatenhnínon, ónenk tsi wísk nikónhti enhsháien né skaiáta iatehionénon tionónskwahron tánon kaiéri niháti teiotinakaronhtónʼa enhsháien ne skaiáta iatehionénon teiotinakaronhtónʼa.

Leviticus 22:14

“Tó꞉ka nónhkak ne iáh ratsihénstatsi tehowátsire náieke nahó꞉ten ne iotokénti iewatkáwen ne iáh tehiakonikonhrón꞉hni, ónenk tsi kwáh kanánon tsi enshonkwakáriaʼse ne ratsihénstatsi tánon 20-wáhsen iosénhtseronte ienhonwénhthaʼte.

Leviticus 27:13

Tó꞉ka saská꞉neks né꞉ne ahonshá꞉senaskwahninon, ó꞉nenk tsi thóh nenská꞉rhiaʼke tsi nikanó꞉ron tánon iehiokétoʼte tewáhsen iosénhtsheroʼte.

Leviticus 27:15

Ne ranonhsakwení꞉iokwe tó꞉ka ensaská꞉neke nahonsahanínon ne rahononhsakénʼen, ónenk kíʼ tsi enskarhiá꞉ke tsi nikanonhsanó꞉ron tánon ne iehiokétoʼte tewáhsen iosénhtsheroʼte.

Leviticus 27:27

ók nenhtewatsérenhte enrenhnákeraʼte ne iáh tehotʼkwéniens katshénen enwáton nahonsaieʼníhnon tsi nikakarhiaktseraʼtó꞉ken tsi kakwahthákwen tánon ne iehiokétoʼte ne 20 iosénhtseronhte. Tó꞉ka iáh tahonsakanínonhke, ahónton kíʼ nónhkak khók akóren aienínonh né꞉ne tsi nikakwahthákwen tsi nakanóronhke.

Leviticus 27:31

Tó꞉ka enshasʼkáneke ne thènen ahonshasnínon, ónenk kíʼ tsi thóh nenskáriaʼke tsi nikanó꞉ron tánon ne iehiokétoʼte ne 20 iosénhseronhte.

Leviticus 4:20

Kwáh kíʼ thóh nenhoiéraʼse kí꞉ken tsionónskwahron rátsinn tsi kíʼ nhishaʼkoiéraʼse ne tsionónskwahron ratítsinn tsi nòkwah ne karihwáneren ahorihwáke, tánon thóh kíʼ nʼi꞉ioht tsi enhateskónhten tsi nókwah nonhkweshón꞉as akorihwanerahákʼtsheras, tánon enshonwatiʼnikónhrenhse.

Leviticus 4:26

Ethòne akwékon ietsienharákwahke enhá꞉tsahate ne iorèsenhs, tsi kíʼ nihaiéra tsi ratʼtsahátha ne iorèsenhs ne konwanawénkton ne katshénens né skaríhwa aorihwáke. Thóh kíʼ ní꞉ioht ne ratsihénsthatsi tsi ienháthaʼte ne karihwiʼiosehokónhas né꞉ne rakóra raorihwanerahák꞉tshera aorihwáke, tánon kíʼ enshonkwahnikónhrenhse.

Leviticus 5:10

Ethóhʼne né ienshá꞉thate ne tekeníhaton otsiténha né nènhne nakonhwateskónhten, enhtsiohianénhaʼwe tsi nikaianerenhseró꞉tens. Thóh kíʼ ní꞉ioht ne ratsihénsthatsi tsi enháthaʼte ne karihwiʼiosehokónhas né꞉ne sarihwanerahák꞉tshera aorihwáke, tánon kíʼ entsesanikónhrenhse.

Leviticus 5:13

Thóh kíʼ ní꞉ioht ne ratsihénsthaʼtsi tsi ienháthaʼte ne karihwiʼiosehokónhas tsi nòkwah ne sarihwanerahák꞉tshera, tánon kíʼ entiesanikónhrenhse. Ne iothaténron nonátsas ratsihénsthatsi né rahówenk, kwáh kíʼ tsi ní꞉ioht ne onátsas tsi iewatkáwen.

Leviticus 5:6

tánon tsi eniesakaraiénhaʼse ne sarihwanerahák꞉tshera ónenk tsi entetsawíten ne Roiá꞉ner teiotinakaronhtónha onètsien tó꞉ka ó꞉ni kahiatákeras ientsiátkaʼwe. Né ratsiʼhénsthatsi né ienhát꞉kaʼwe ne karihwiʼiosehokónhas ne sarihwanerahák꞉tshera aorihwáke.

Leviticus 7:2

Né kíʼ katshénen né tkaiéston tsi enkonhwanonhwarhiákon né꞉ne othoréke nokwáhti tsi ientseharáhkwa, tsi nónhwe nikonhwanawéntʼthos ne katʼtshénens nenkonhwanateskónhten, tánon nonekwénhsa ienwatsiónh꞉ke ne kaiéri níkon skatísons nòkwahtis ne ietsienharahkwáhke.

Numbers 5:7

ónenk kíʼ tsi ensehwarihwanírate ne sewarihwanerahákʼtsheras tánon kwáh enkanáʼnonhke tsi entsiʼsewaká꞉riake, tánon ne 20 iosénhtsheroʼte, né꞉ne tsi nikáien wahitsikarónhni.

Numbers 5:8

Ók tó꞉ka nètho ónhkwe waʼahʼéheie tánon iáh ónhka tehontáʼtenonhkwe né꞉ne roʼnónha ahonsahonwatiʼkáriakʼse, ónenk kíʼ tsi Roiá꞉ner entʼthónhion né꞉ne ratiʼtsihénsthatsis enhontiénawaste.

Luke 19:8

Nok ne Zaché eh ȣathatane rahohenton ne Roianer ȣahenron: Saianer asennon nenkheion tsiniȣakien ne iakotent: nok kaneka nakhekaronnihke kaieri natentiaseren tsi enskien.

Acts 26:20

Tontsérente nehne Damascus nónwe etʼthóhne Jerusalem non etʼthóhne kwáh kanakeraserakwékon ne Judeaʼronon꞉ke tánon tsi nowéson ne iáh tehatiʼsitaeʼró꞉nons, wakhehiateriwanótʼtase tsi ónenk tsi ensontatʼréwate ne rahothiriwanerahákʼtseras tánon Ni꞉ióʼne nókwa niehónne tánon thóh nihatí꞉ier tsi ronnèʼnest tsi shonatatʼrewáton.

1 Samuel 6:3

Waʼhonní꞉ron, “Tó꞉ka ietsisewaténieʼte ne raoneró꞉kwa ne sakoʼNí꞉io Nisraerʼró꞉non, tó꞉sa onerokʼkóskon kénʼhak, ók akwé꞉kon tsi nikéntons ionshatsisewateniéten ne kaní꞉kon tekariwaserakwáhtha. Eʼthóhʼne ní꞉se kwáh entsisewaʼiewénhtaʼne tánon entsisewatsiatotaríshi; tánon kwáh ensewatókense tsonhá꞉ke nontiéren tsi niʼtsisewaniakatsʼténhnis?”