Leviticus 5:11 - Ohiatonhseratokénti

¹¹ Tó꞉ka iáh taskarakwéni ne tekatsitenhseráke tó꞉ka ó꞉ni ne tekenihiáse norítes, ónenk kíʼ tsi tekakonhtseráke othèsera enthésaʼwe né꞉ne iahontkáwen ne sarihwanerahák꞉tshera aorihwáke. Kwáh tó꞉sa othènen tasáti ne iaʼkeniewátʼtha kénhie tó꞉ka ó꞉ni ne onéta, tsioríhwa tsi karihwáneren aorihwáke íken, iáh onátsa tehiorihwáke tsi ienwatʼkáwen.

Leviticus 5:11 ပူးပေါင်းရင်းမြစ်များ

Exodus 16:18

Nó꞉nen né sahontenienténhon, tsi nihiákon ne sótsi wéso iakonrónh꞉kwen iáh wéso tehiakoientáhon, tánon tsi nihiákon ne iáh wéso tehiakaʼhonrónhkwen iáh kí kenk níkon tehiakoʼientháhon. Né shaʼtihiatáʼtshons wahonnonhrón꞉ko kíʼ tsi níkon tehó꞉nathonwenhtsóni.

Exodus 16:36

Né iostáthen aiekonhtserihá꞉ren né é꞉ne tewá꞉sen niwathéraʼke saʼtèkena.)

Leviticus 1:14

Tó꞉ka shí꞉ken otsiténha tisaiéston nahonteskónhthake, ónenk tsi oríhthe enkénhake.

Leviticus 12:8

Tó꞉ka ne iónhkwe iáh thaʼkakarakwéni ne teiotinakaronhtónha owíra akénhake, ónenk kíʼ tsi tenihiáse oríhthe enhtsakohiaténhaʼwe, ne saiátha né꞉ne ahonwateskónhten tánon ne sahiátha né nenʼnéʼe ne karihwaneraháktshera aorihwake, tánon ratsihensthatsi enhaterihwatenhtsate ne tsi nihiorenhnáhon naehren ahonsakahawitonhke tsi iáh tehiotkweniens, tánon káti kwáh entsiotkweniensthonhake.

Leviticus 14:21

Tó꞉ka teshathonhnaká꞉rias tánon iáh sénha taskarakwéhni, ónenk tsi enhthetsiaténhaʼwe saiáta ne teiotinakaronhtónʼa rátsinn tsi né enskariákʼthe tsi iensátʼkaʼwe, né꞉ne katokénston athatawítshera rahohénton ne Roiá꞉ner né꞉ne ratsihénstatsi rahorihwáke. Tekakonhtseráke khók othésera enhtéshaʼwe né꞉ne iaʼkeniewátha kénhie teweienhnaʼiéston né꞉ne onátsia aorihwáke tsi ienwatʼkáwenhke tánon satekhatsetíhen ne iakenhiewátha kénhie.

Leviticus 27:8

Tó꞉ka nónhka tsi nítsion ensewaráratsʼte tánon sóh꞉tsi sewènhten nahisewakárhiake tsi nitkathá꞉ton ne kakarhiáktshera, nètho ónhkwe ratsihenstatsíne nienietʼtsihiaténhawe, tánon ne ratsihénstatsi ehtáke tsi nenhshaʼkarhiaktserónhni, né entewanónhton tsi nishakwénion naskáriaʼke.

Leviticus 5:12

Ónenk tsi ratsihénsthatsi enthétion, rahónʼa enhatsianó꞉tienʼthe né nawénesthe tsi akwékon Roiá꞉ner ronhwáwi, tánon ietsienharahkwáhke enhátʼtsahaʼte né꞉ne ká꞉khwa tsi ienkwatkawénhke. Né iewatkáwen néhren akahá꞉wiʼte ne karihwanerahák꞉tsera.

Leviticus 5:6

tánon tsi eniesakaraiénhaʼse ne sarihwanerahák꞉tshera ónenk tsi entetsawíten ne Roiá꞉ner teiotinakaronhtónha onètsien tó꞉ka ó꞉ni kahiatákeras ientsiátkaʼwe. Né ratsiʼhénsthatsi né ienhát꞉kaʼwe ne karihwiʼiosehokónhas ne sarihwanerahák꞉tshera aorihwáke.

Leviticus 5:9

tánon tenhatstharó꞉kwahte nonekwénhsa ákta ne tsi ientsienharáhkwake. Nenhiotátere nonekwenhsa etʼienwatenonhwákensthe tsitʼkaráte ne ietsienharákwa. Né kí꞉ken ne iewatkáwen nahéren ahonsakaháwiʼte ne karihwáneren.

Leviticus 6:20

nahonwarihwaníratʼtse ne Aaronite ratsiʼhénstatsi. Né wenhniseronhthákwen nenhonwarihwaníratʼtse, ienhát꞉kaʼwe nahontháhaʼwe ne Roiá꞉nerʼ tekakonhtseráke othèsera (kwáh ne satenhiotónhake tsi ní꞉ioht tsi tieiéstha nonátsias niaʼtewenhnisehráke), asénhnon noronhkéne tánon asénhnon nokarasné꞉ha.

Numbers 5:15

Ne kwáh tsit nahiotónhake ne rónhkwe ónenk tsi ratsiʼhenstatsíʼne niensakohiaténhaʼwe ne ró꞉ne. Ónenk tsi ienháhawe tsi niwaterihwanónhtons ne iahióntkaʼwe tekakonhtshérake tehiotikonhstónres othèsera, ók iáh kíʼ thènen tahonthahoʼienónhti ne iakeniewá꞉tha kènie khès ne kanetanó꞉ron, tsioríhwa tsi ne ienwatkaʼwénhke tsi natehatenikónhraras ne roniákon, ne naʼrónhni ne orihwihioʼónwe ahoʼtóhkenhse.

Luke 2:24

Neh ens oni nahenane tsini kaiatonkȣe ne Roianer raoianerenserakon; ȣakonȣanatkaȣe ens tsioianat Orite, ok ne ens neh noȣira.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Hebrews 9:22

Kwáh orihwiioʼón꞉we, tsi nikéntons ne kaianerénsera kwáh thóhʼwah akwékon onekwénsa skanóhares, tánon ne karihwáhneren tóh꞉nek enskanikonrén꞉en tsík onekwénsa entewahwéronke.