Leviticus 5:1 - Ohiatonhseratokénti

¹ Tó꞉ka nónhkwe waherihwánerake tsi iáh tiehiakokʼkáwen noríhwa nónen ienhionthatenáton naierihwaníraʼte. Tó꞉ka tkarihwaiéri tsi ieshahiatonhseráwi naʼserihwanírate tsi tehiehiatoretákwa tánon iáh thasatró꞉ri tsi nahó꞉ten satkáton tó꞉ka ó꞉ni sarihwarónhken, ónenk tsi enseronhiáke tsi nenhiáwenhne.

Leviticus 5:1 ပူးပေါင်းရင်းမြစ်များ

1 Kings 22:16

Ók ne Ahab watharihwaseráko, “Nó꞉nen ensetʼtháraʼse rahosénhnakon ne Roiá꞉ner, satʼró꞉ri norihwí꞉io! Thóh niʼiohrihwáke enhkonhró꞉ri nètho?”

1 Kings 8:31

“Nónen nónhkak enhionhthaterihwàro tsi wahonthatenikonhrákʼsaʼte nakorénhsons tánon enhtsionhthatsiathénhaʼwe ne tsi tsienharákwah ne kénʼen Ononsatokentiʼkówaʼne tsi enhierihwanírate tsi iáh tehiakoníkon,

2 Chronicles 18:15

Ók kíʼ ne Ahab watarihwaseráko, “Né nó꞉nen ensetʼthárahse raosénhnakon ne Roiá꞉ner, satró꞉ri norihwí꞉io í꞉ken! Toiohrihwáke enkonró꞉rih nètho?”

Psalms 38:4

Asèken nakerihwaneraháktsera iohtón꞉iohte sénha tiót꞉the tsi nitewakenonhtsistó꞉hare; né꞉ne iohrieniáhste só꞉tsi hiókste né tahiékwe.

Exodus 22:11

né rónhkwe ónenk tsi tionterenhnaientákwa nienhénre tánon enhaʼriwanírathe tsi iáh tehonaskwahnénskwen nètho rónhkwe, né rahotshenenhkénʼen kwáh kíʼ ienhaʼnekwahne tsi wahó꞉ti, tánon noia rónhkwe iáh kíʼ thatehiothonwenhtsóhon nahonsahakharhiake;

Proverbs 29:24

Ónhka ne thonatenróhon ranénhskwas ráonha tiaonhá꞉ʼa ratátswenhs. Enhonwaré꞉wahte tókaʼ tsi teieiaʼtorehtáhkhwa orihwí꞉io tsi nahò꞉ten enhén꞉ron tánon Rawenni꞉io enhoré꞉wahte tókaʼ iáh thothahá꞉iere.

Proverbs 30:9

Tókaʼ só꞉tsi wé꞉so aontáhskon nón꞉wa, enkí꞉ron iáh thaʼteskoniatonhwentsó꞉ni. Nok tókaʼ wakí꞉ten, tókaʼ nón꞉wa enkenénhsko tánon enhiiatéhaʼte Akení꞉io.

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Jeremiah 23:10

Ne tsi ionhwenhtsáte titkáhereh nonhkweshón꞉a ne iáh tehiakoriwahtóken rahonháke ne Roiá꞉ner; kariwáksen tsi nihononhnhétie tánon ó꞉ia ní꞉ioht tsi ronatstonhátie ne rahotiʼshastsʼténseras. Ne karihónnis tsi shaʼkorewéhtha ne Roiá꞉ner nohóntsa wahkahiésah tánon ne tsi konwahtiʼterontákwah ne katʼtshénenh onstátʼthen ne kahentáhke.

Ezekiel 18:20

Né꞉ne tsi nikáien roriwáhneren né enrénheʼie. Ne roiénha iáh taharonhiáken ne꞉ne akarihónhni ne roníha rahoriwahneraháktsheras. Ne tsionkwetaiéri tehiakoteriwahsehráhkwahse ne iakohioténhen ne ioiánereh, tánon ne iakonhkwetahétken kwáh enhieronhiáken tsi nihiakotiéren ne kariwáksen.

Ezekiel 18:4

Tsi iakónhnhe ne niatehionkwétakes Í꞉i akáwenk, tsi rononhnhénion ne rothiwirahiéntons ó꞉ni ne owirá꞉a. Nónhkwe nenhieriwáhnerahke akahónʼa enhiahiéheie.

Leviticus 17:16

Tó꞉ka iáh toʼtahatí꞉iere, ónenk kíʼ tsi ne tenhontkáneren tsi nienhiáwenhne ne tsi iehiotók꞉te.

Leviticus 19:8

Nónhka aiewá꞉rahke kwáh kíʼ enhiakónike tsi thóh nahéiere ne thikawenhní꞉iot tsi nahóten ne konhwatonhnará꞉ni nakerihwáke, tánon kíʼ iáh shé꞉kon ne tahonsahiakotenáthonkwe Í꞉i akonhkwéta íken.

Leviticus 20:17

Tó꞉ka ne rónhkwe iatenosénha wahotíniake tó꞉ka ó꞉ni nasénhnon nihiatenosénha akénhake, kwáh kíʼ onhkwéne nónhwe nenhonwanatéhaʼte tánon enhonwatiʼhiatínekenhwe ne kanakeraserákon. Skát꞉ke wahiáraʼte ne iatenosénha tánon ónenk kíʼ tsi tenharihwaseráko tsi naháwenhne.

Leviticus 4:2

nashakoró꞉ri nonhkweshón꞉as Nisraerʼró꞉nonhke nónhwe enierihwánerahke tánon ne thènnen taiéhiake ne Roiá꞉ner rahorihwatátʼtseras né iáh tiehiakoiéren, ónenk tsi enhiontenhnikonhráren ne kén hiotsetons kaianerénseras.

Leviticus 5:15

Tó꞉ka ónhka tsi nítsion ensewarihwánerahke ne iáh taisewanikonhrónhni ne tsi wesewarihwanó꞉ron niaisewatkáwen ne sewakháriaks né꞉ne iotokénti rahonháke ne Roiá꞉ner, entéshaʼwe né꞉ne aská꞉riakʼte enthétion ne Roiá꞉ner teiotinakaronhtónʼa rátsinn tó꞉ka ó꞉ni kahiatákeras né꞉ne iáh othènen tehiotsihiótare. Tsi nikanó꞉ron né entewanónhton entsiohianénhaʼwe ne tkarihwaiéri atenienténhtshera.

Leviticus 5:17

Tó꞉ka ónhka tsi nítsion ensewarihwánerahke ne iáh tesewanikonhronhníhon tsi watisehwáhiaʼke ne Roiá꞉ner rahorihwatátʼtsheras, sewaníkon tánon ónenk tsi ensewakaraiénthaʼne.

Leviticus 7:18

Tó꞉ka thènnen aiewárahke nasénhaton niwenhniserakéhaton, ne Rawenni꞉io iáh thahaiéna ne iesatkáwen. Ne iewatkáwen iáh í꞉se thaʼisathasé꞉thase ók né kíʼ enwatenáthonkwe iáh tehiotkwéniens, tánon ónhka kíʼiok enhiéke kwáh enhieronhiake tsi nieniawenhne.

Numbers 9:13

Ók tó꞉ka ónhkak tsi nítsion ne shiʼhiorihwakáion satesehwahiatátsion tánon iáh kaʼnèka tshieʼsehwénon tánon iáh tesewenhtanorónstha ne èhneken watohetstáhkwa, iáh kí ónenh né tahonseʼsewatenaʼtónkwen Í꞉i akonhkwetashón꞉ʼas akènhake, tsioríhwa tsi iáh othènen teteskwáhwi ne shiaʼkáhewe. Ónenk kíʼ tsi ensewaronhiáken tsi nienhiáwenhne ne sewarihwaneraháktsheras aorihwáke.

Matthew 26:63

Iah oh tahenron ne Iesos Nok ne Ratsihenstoȣanen tontahenron: ȣakonriȣaneken raosennakon ne Niio, naskȣarori ise kenh ne Keristos, Niio Roienha.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

Judges 17:2

Ronisténha washakoró꞉ri, “Nó꞉nen nónhkak sahesanénsko nètho enskahiawénhre tewenhniáwe níkonhs kawistarákens, waʼsehiateraswatʼsáten ne ratinénskwas. Wakatʼthontéhon tsi thóh nisahiéren. Satʼkátho, iʼítkhawe nowísta. Í꞉i iewákha.” Ne roʼnisténha wahé꞉ron, “Ne Roiá꞉ner iahiataterist, konʼienha.”