Leviticus 4:4 - Ohiatonhseratokénti

⁴ Ónenk tsi ienhohiaténhaʼwe ne tsionónhskwahron rátsinn ne tsi iehiontawehiatákwah natóhsehra, ranonhtsíne tenhonisnonhsáren, tánon enhononhwariákon rahohénton ne Roiá꞉ner.

Leviticus 4:4 ပူးပေါင်းရင်းမြစ်များ

2 Chronicles 29:23

Onaʼkènkha wahonónhniaʼte né꞉ne kaiatákeras ronnontí꞉ioke niahonwatihiaténhaʼwe tánon né ronatiakésonhs né ronaterenhnaiénthaʼkwe, roʼnónha wathonwananisnón꞉sharen.

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Leviticus 16:21

Ónenk tsi tetsáron ne ratshaná꞉ke tsi tenhotshaʼnáren ranonhtsíne ne kaiatákeras tánon enharihwaníraʼte akwékon ne karihwahétkens, karihwánerens, tánon tsi iáh tehontewenhnarákwa nonhkweshón꞉as Nisraerʼró꞉nonhke, káti thoʼnòkwah ienhá꞉ren rannonhtsíne ne kaiatákeras. Ethóhʼne kíʼ ne ónhkak enhionthatiataráko ne kaiatákeras ienhonwasárihne iahonwenhtsiátʼthenke niénhre.

Leviticus 4:15

ne shakotihéntense nonhkweshón꞉as tenhonwaniʼsnonhsáren ranonhtsíne, tánon thóh enhonwanonhwariákon.

Leviticus 4:29

Ónenk tsi kanonhtsíne tensewanisnonhsáren tánon ensewanonhwariákon othoréke nòkwah ne tsi ietsienharáhkwah, tsi nónhwe ne katshénens nikonhwatinonhwarhiákons nakonhwanateskónhten.

Leviticus 8:14

Ethòne ne Mahís tahohiaténhaʼwe ne tsionónskwahron rátsinn owíra né꞉ne kariwáneren aorihwáke, tánon ne Aaron ó꞉ni ne sakohiohokónhas ranonhtsíne wathonwanisnonhsáren.

Numbers 8:12

Ne Levites ethòne ónenh ninonʼtsíne ne tenihiáse tè꞉ro tenhonwanaʼnisnónhsaren; ne saiáta tsi ienhonwát꞉kaʼwe né꞉ne karihwáneren aorihwáke tánon nó꞉ia né nènhne nahonwateskónhten, né nahónton nahonterihwaténtiaʼte ne tsionthonʼnonhnakanonhnitákwah ne Levites rahotirihwáke.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,