Leviticus 4:31 - Ohiatonhseratokénti

³¹ Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.

Leviticus 4:31 ပူးပေါင်းရင်းမြစ်များ

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

Ezra 6:10

Thóh kí꞉ken nakaiérenhke ne káti nahónton nahonthahatí꞉ieste ne karihwihiosehokón꞉as ne nahawerientí꞉iosthe ne Rawenni꞉io ne Karonhiá꞉ke tánon nahionterén꞉naien ne rahohiathateríhtseras nahóntʼrane tánon nakenekenhteronhtserashón꞉as.

Job Tánon ne Raoronhiakensera 42:8

Nón꞉wa ne iahè꞉tsiiathenhaf tsáta niháti tionhnonskwarons ratítsinn tánon tsáta niháti teiotinakarontón꞉has ratítsinn, tánon tsitʼthenteron naʼkenhá꞉tshera Job niahá꞉sewe, tánon ne iahitsitats sewatát꞉tsahathen. Tánon naʼkenhá꞉tshera Job entsisewaterién꞉naienhase, asèken entié꞉na ne raoterén꞉naient né꞉ne tó꞉sa tho nakwahierase tsi naʼtesewathention. Ní꞉se iáh tesewaʼtá꞉tihon noriwí꞉ioonwe í꞉ken tsi nó꞉kwáh ní꞉i, tsi ne nioié꞉ren nakenhatshera Job.”

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Isaiah 42:21

Né Roiá꞉ner rawerienhtí꞉ios, asèken né aorihwàke ne raoʼrihwakwahrihshióntsheras, né nahakówanate ne raorihonhnienhnítsera tánon ne enrónhniaʼte nahiorihwanerakwáhtonke.

Isaiah 53:10

Kwáh kí ó꞉ni thóh nithoʼnikonhrihʼióhon ne Roiá꞉ner ne tahonensʼtsiá꞉ke tsi aharonhiáken. Né nó꞉nenh né enshón꞉niate ne tsi rónhnhe ne iàstate ne karihwáhneren aorihwáke, kwáh kí enshaʼkóken ne sakohiohʼokónhas, tánon kwáh kí enronnhé꞉sonhke; rahonháke kí thóh nenhthoʼnikonrihʼióhon ne Roiá꞉ner tsi enhoianerásthen.

Leviticus 1:13

Ónenk tsi ensenó꞉hare ne kahiathaʼkónsons ó꞉ni nonàken kashinakésons, tánon ne ratsihénsthatsi enhotátʼtse ne Roiá꞉ner nahonteskónhthake tánon akwékon enwatʼtsahatónhaʼke ne ietsienharákwahke. Ne tewenhseratheníhons ne tkaiéston kákhwa ne rawerientiʼióstha ne Roiá꞉ner.

Leviticus 1:17

Enhaiéna ne rahonerahónhtsas tánon enharáhtions ne rahoierónhta tsi tenhakháshion, iáh thaʼharáhtion ne rahowèhia, tánon ethóhʼne rahiathaʼkwékon tsi enhátʼtsahathe ne ietsienharáhkwahke. Ne tsi tewenhseratheníhons ne rawenhrientiʼióstha ne Roiá꞉ner.

Leviticus 1:9

Ónenk tsi ensehnó꞉hare ne kahiathaʼkónsons tánon ne onàken kashinaʼkésons, tánon ne roʼterihwatsʼteríston ratsihénsthatsi kahiathakwékon tsi enhateskónhten ne ietsienharákwahke. Tsi tewenhserateʼníhons kí꞉ken kákhwa ne tkaiéston né rawerientiʼióstha ne Roiá꞉ner.

Leviticus 14:18

Ónenk tsi níkon iothaténhron ne kénhie ne ratshanáke sewanonhtsíne enhá꞉ro. Thóh kíʼ ní꞉ioht tsi enhaterihwathéntiaʼthe ne orihwaká꞉hion ne tionhthathonaʼkanonhniaʼthákwah.

Leviticus 15:15

Ne ratsihénstatsi skaiáta ienhá꞉thaʼte né꞉ne karihwáneren aorihwáke tánon ne skaiáta né nènhne ne nahonteskónhthake aohorihwáke. Tó꞉ki ní꞉ioht tsi enhaterihwaténtsiate ne orihwakahionhnéha atonhnakanonhnítshera ne rónhkwe rahorihwake.

Leviticus 19:22

Tánon né entsiaténhroʼke ne ratsihénstatsi tsi enhaterihwaténhtsate norihwakáion tionhtonhnakanonnithákwa né nahéren akahawíthonke ne rónhkwe rahorihwanerahákʼtshera, tánon ne Rawenni꞉io enshonikónhrenhse.

Leviticus 2:2

tánon iatsiawíten ne Aaronite ratsihénsthaʼtsi. Né roterihwatsʼteríston sehwatshána enharáko nothésehra tánon ne iakeniewátha kénhie tánon akwékon ne iontsienkwahronhniaʼthákwa tánon enhátʼtsahathe thóh ne ietsienharákwahke né꞉ne tahonthontenakeráston nètho tsi akwékon Roiá꞉ner thonwá꞉wi. Ne tewenhserateʼníhons ne ká꞉khwa ne iewatkáwenh tsi rawerientiʼióstha ne Roiá꞉ner.

Leviticus 2:9

Né ratsihénsthatsi enhatsiátaren tsi né enwenésthonke tsi oriwakwékon Roiá꞉ner ronhwáwi, tánon thóh enhátsahaʼthe ietsienharáhkwahke. Tsi tewenhsehratheníhons ne káhkhwa ne rawerientiʼióstha ne Roiá꞉ner.

Leviticus 4:19

Ethòne akwékon ne iorèsenhs ienháhaʼwe tánon ientsienharákwahke enhát꞉tsahate.

Leviticus 4:26

Ethòne akwékon ietsienharákwahke enhá꞉tsahate ne iorèsenhs, tsi kíʼ nihaiéra tsi ratʼtsahátha ne iorèsenhs ne konwanawénkton ne katshénens né skaríhwa aorihwáke. Thóh kíʼ ní꞉ioht ne ratsihénsthatsi tsi ienháthaʼte ne karihwiʼiosehokónhas né꞉ne rakóra raorihwanerahák꞉tshera aorihwáke, tánon kíʼ enshonkwahnikónhrenhse.

Leviticus 4:35

Ethòne akwékon enharónhko ne iorèsenhs, kwáh kíʼ tsi kíʼ karakèwen ne iorèsenhs tsi nikonhwanonhwarhiákon ne teiotinakaronhtónʼa né꞉ne sakaríhwa aorihwáke, tánon ietsienharákwahke enhátʼtsahate skátke ne ká꞉khwas ne iewatkáwen né thonwáwi ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne karihwiʼiosehokónhas né꞉ne sewarihwanerahák꞉tsheras aorihwáke, tánon kíʼ kwáh entsiʼtsinikónhrenhse.

Leviticus 5:10

Ethóhʼne né ienshá꞉thate ne tekeníhaton otsiténha né nènhne nakonhwateskónhten, enhtsiohianénhaʼwe tsi nikaianerenhseró꞉tens. Thóh kíʼ ní꞉ioht ne ratsihénsthatsi tsi enháthaʼte ne karihwiʼiosehokónhas né꞉ne sarihwanerahák꞉tshera aorihwáke, tánon kíʼ entsesanikónhrenhse.

Leviticus 5:6

tánon tsi eniesakaraiénhaʼse ne sarihwanerahák꞉tshera ónenk tsi entetsawíten ne Roiá꞉ner teiotinakaronhtónha onètsien tó꞉ka ó꞉ni kahiatákeras ientsiátkaʼwe. Né ratsiʼhénsthatsi né ienhát꞉kaʼwe ne karihwiʼiosehokónhas ne sarihwanerahák꞉tshera aorihwáke.

Numbers 15:25

Né ratsihénstatsi ónenk tsi né enhaterihwaténtiate norihwakáhion tsionhthonnakanonhnitáhkwa ne ienákere akorihwáke, tsioríhwa ne tewaterientawenhréhon tsi iáh tewanikonhrónhni tánon tahatihásehron ne ká꞉khwas ne rahothirihwaneraháktsheras aorihwáke né tsi ká꞉khwa iahóntkawe tsi wahonwátaʼtshe ne Roiá꞉ner.

Matthew 3:17

Nok Karonhiake oni tahaȣenninekenne, ȣahenron: nehne Riienha rinoronkȣakoȣa, rahonhake ȣakien nakenoronkȣasera.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Hebrews 10:12

Nók kíʼ, Kerístos, ieokháwenh énskak ne karonhiakénshera ne kariwáhneren ahorihwáhke, né shakówi ne nénhne tsi niénhwe enkátahke, tánon ethò꞉ne saweientethákwen nokwáti ne Rawenni꞉io wahátien.

Hebrews 10:14

Né énskak karonhiakénshera, nekáti, rahonniáton ne tósa thé꞉nen ahiakohnhitsheraiéntake tsi nihiákon tiakotonʼnakanón꞉ni tsi nòkwa ne karihwáhneren.

Hebrews 9:12

Nónen ne Kerístos hiatriótʼkaʼwe nètho atóhsera tánon énskak khók iahónteratsʼthe tsi hiahatáwehiate nonkwetakwékon akorihwáhke ne thóh nónwe ne kwáh iotokénti ionáktaien, iáh tiehóha ne kaiatákeras rahotinekwénsa iáh ó꞉ni ne tehotinákares rahtísinn nahotiahátonke, kék, raónha khók rahonekwénsa hiaháhawe tánon ne wahatiénawasthe né꞉ne tsi nénhwe enhionkwahniákenthe.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;